الذكريات الخالدة.. مجموعة من القصص والقصائد الشعبية للشاعر شباط عبدالرحمن الظفيري

[Support]

الكتاب: الذكريات الخالدة.. مجموعة من القصص والقصائد الشعبية

جمع وإعداد الشاعر: شباط عبدالرحمن الظفيري





هذا الكتاب جاء فيما يقارب الثلاثمائة صفحة للشاعر شباط الظفيري وهو شاعر معروف وقد احتوى الكتاب على فاتحة الديوان بقلم الشيخ عبدالعزيز عطية الله الخليفة ثم مقدمة بقلم الشاعر متعب السعيد ثم تمهيد بقلم صالح منصور العليان، ثم هذا الديوان بقلم شباط الظفيري ثم نماذج من شعر المؤلف ومنها قوله:


جمعت ما حصلت من شعر الأجواد

اللي عليه من النشاما شهاده

(الذكريات الخالدة) جمع واعداد

تهدى على اللي يطلب الاستفاده

فيها مفاخر من تعلو للأمجاد

مثل الحرار اللي ينومس هداده

ثمرة كلامٍ له مع الناس رواد

يقوله اللي مخلص بجتهاده

وارجو السموحة من نظر كل نقاد

الكامل اللي يرتجونه عباده

وقال أيضا:

يا قوي العزم خوتكم لطيفه

فرقها فرق القراح من الشرابي

بك تواصيف على غيرك كليفه

موقفن راعيه يمدح به غيابي

في سنام المجد وفقتكم شريفه

حافظن تاريخها نشر الكتابي

مع حسين اخلاقكم نفس خفيفه

اتباشرون الناس في حلو الجوابي

الحظيظ اللي ذكر مثلك حليفه

في نهارن فيه تدقيق الحسابي

من قنص بالحر ما صاد الضعيفه

صيده الجزلات في روس الروابي

قصيدة للشاعر شباط بن عبدالرحمن وهو يهديها إلى صديقه العزيز غالي جليف الذايدي:

نبي نسير يم نسل القرومي

اللي ملازيم الرجال اغتنا به

اللي ليا جيته تضيع الهمومي

وينجال عن القلب هم سعا به

ليا جيت في مجلس بعيد العلومي

اللي لطيف للمسير جنابه

يمضي الشهر بمشاهده ربع يومي

في خاطري عندي سريع احسابه

ولا قول عند الناس عما عمومي

عندي وكل له صديق وقرابه

مدحت رجلٍ بالمراجل جزومي

اللي بعيد عن ادروب العيابه

غالي من البخل الكريه محرومي

وبالطيب كل اللي هقابه لقابه

طير السعد فيه السعد والعزومي

النادر اللي رابح من مشى به

حر مواقيعه بروس الحزومي

عليه وصف الذايدي بالنجابه

عليه من غالي جميع الرسومي

عليه وصف معربين النسابه

وصف يناسب طيبين السلومي

ذوايده هل الصخا والمهابه

من أولاد وايل معطبين السهومي

اللي بمراكضهم تعيش الذيابه

يومن كل الناس للناس قومي

والرزق في بعض الليالي أنهابه

ياما خذوا من كل وضحا ردومي

وأرواحهم دون العشاير أجلابه

هذا كلامٍ بالوكاد مختومي

يهدي لقرمٍ شوفته يقتدا به

ولا لي على ما قلت قصد ولزومي

لا شك مدح الطيبين أنهذابه

عسى لهم عز السعاده يدومي

أبجاه من زار الحرم واستعابه

تمت وصلوا عد وبل الغيومي

على رسولٍ دعوته مستجابه

وعداد ما خط القلم بالرقومي

وعداد من بالأرض واللي وطابه

سافر الشاعر شباط الظفيري ولما رجع من سفره ودخل بيته وجد ديوانه مفتوحا وعامرا حيث كان أخوه عبدالله بن عبدالرحمن قائما بالواجب طيلة غياب شباط ولما رأى عبدالله جالسا خلف الدلال والفناجين انشرح صدره وقال في أخيه هذه الأبيات التي يشجعه فيها ويمدحه حيث يقول فيها:

بيض الله وجه ابو نجم عبدالله

فكه الله من جميع العواثيري

يوم جيته جالسٍ من وراء الدله

وكل شيء ذاهب للمساييري

انشرح صدري وبديت ذكر الله

عل في طلعتك للمجتمع خيري

كان ولد العود بالطيب غادله

قبله أبو ماحسب للمخاسيري

ولد من يندي ليا صارت الكله

ماذخر بالجيب عشرة دنانيري

[قرناس]

شباط بن عبدالرحمن بن مسمار القاسمي


إصدار نسختين على ما اتوقع الثانيه كانت 1986


الله يعطيه العاافيه والصحه

[مثقفة الظفير]

يعطيك العافية ياسبورت على افادتنا بهذا الكتاب ماقصرت

[عسكرالروســـا]

مشكورأخي سبورت

فشاعرنا / شباط عبد الرحمن من فحول شعراء الظفير ويشرفي أن أسميه ( شاعر الظفير) لما نجد

فيه من الولاءللفبيلة وجزالة الألفاظ،وقوه المعاني .

مرة أخرىمشكور أخي الغالي سبورت،وفعلا هولاء من نفخربهم، وبكل حرف كتبوه.

راعي الروســـا

[عبدالعزيز العصلب]

رااااااااااااائع اخوي سبــورت الله يعطيك العافيه

وبأرك الله بـك

[جابر الظفيري]

عفيه :)

[عزيز الفوزان]

ولد من يندي ليا صارت الكله

ماذخر بالجيب عشرة دنانيري

شبـاط الظفيـري ..

شاعر من الطـراز الاول .. ولكن للأسف الإعلام لم يخدمه وهو ايضا ً لم يخدم نفسه ..
واقرب مثال عضويته في شعراء النبط في دولة الكويت ولانجد له مشاركات ..
إنشاء الله لن يبخل علينا بما لديه

شكرا ً لك عزيزي Support

[أبـو فـيـصـل]

حفظ الله الخال العزيز وأمدة بالصحه والعافيه


لن أعلق فأنا أصغر من أكتب حرووف عن علم من أعلام الشعر

[مشعل ساير البادي]

الله يعطيك العافيه ماقصرت
يالغااااالي على الفكره الطيبه
تقبل مروررررررررررررري