الضاري
04-05-2006, 08:29 AM
ليلة جرجب : شايوش بت عفنان وشمر بالجزيرة
منقول عن منتدى الظفير الاخر
(( فارس الجربا )) شيخ شمر وضدّوه العبيد اللي بالحويقة
. وكان الجربا توه حادر من نجد وقبيلة اللي معاه ضعيفه .
وبغى شيخة الجزيرة ولا تمكن عليه ، من قوة هضولا (( العبيد )) اللي أقوى منه .
وهو يوصي (( شايوش السويط )) شيخ الظفير هكالحين .
وصى لشايوش على إن عندي ديرةٍ طيبة ، وأبيك تفزع على أهله .
ولِفَا عليه الشايوش .
- قال الجربا لشايوش : والله عندنا العبيد ، وانت تشوف ضدونا ،
ولا عندنا قدرة لهم .
- قال شايوش : يلجربا نبي نتعاهد انا وياك على الأخاوة ،
انتناصفة بالنص أنا وياك . ونص لي الجزيرة ، ونص لك .
- قال الجربا : يا ساعةٍ مباركة .
- تعاهدوا على هالراي هذا ، ومشوا عليه ، وحاربوا العبيد واضعفوهم ،
وجلوهم من (( الحويقة )) لن شمر و الظفير قبيلة كبيرة . ويوم جا الحول .
قال الجربا : يا ابن سويط والله ما يستوي شيخين بديرة وحده .
- قال شايوش : لا يلجربا ! خاف الله !نسيت المعاهدة اللي بيني وبينك.
انت جبتني من ديرتي مناك على المعاهدة هذي .
- والله ما عندنا من راسين بهالديرة ! الجربا يقول .
وتكاونا هو وياه بمنطقة (( جِرْجِب )) ويكسرون الظفير شمر .
يسمونه شمر ((ليلة جِرْجِب ))
وليا منه تراوى واحد منهم قال : (( على ليلة جِرْجِب )) .
ويقصد مانع السويط يقول :
ياراكب من عندنا بنت عبار
نسل فرحه بوقت طيحة حواره
تلفي لـ((فارس)) ربعته كنها الغار
كم حايل عشى النشاما فقاره
الحرب اشاروا بها عمسين الأشوار
منا ومنهم منتوينٍ دماره
يحسبون الحرب يرجع ليا صار
راح يتجازى بالنشاما مهاره
حنا سويطات على الحرب صبار
لمن الحريب لحربنا شب ناره
نزمي كما تزمي شخانيب (( سنجار ))
ولا كيفان الدبا يا طا الزبارة
وحنا هل الجمع مسبل ليا سار
حريبنا لازم يخلي المعارة
وسيوفنا قد عذبت كل جبار
وجدودنا سيد القبايل خياره
وليا جيت (( منوِّخ)) يسرح الطار
قل له عن الحمرا يخلي يساره
قل له يدور مع الشط معبار
ويسوق قرشه للمعيبر خساره
منقول عن منتدى الظفير الاخر
(( فارس الجربا )) شيخ شمر وضدّوه العبيد اللي بالحويقة
. وكان الجربا توه حادر من نجد وقبيلة اللي معاه ضعيفه .
وبغى شيخة الجزيرة ولا تمكن عليه ، من قوة هضولا (( العبيد )) اللي أقوى منه .
وهو يوصي (( شايوش السويط )) شيخ الظفير هكالحين .
وصى لشايوش على إن عندي ديرةٍ طيبة ، وأبيك تفزع على أهله .
ولِفَا عليه الشايوش .
- قال الجربا لشايوش : والله عندنا العبيد ، وانت تشوف ضدونا ،
ولا عندنا قدرة لهم .
- قال شايوش : يلجربا نبي نتعاهد انا وياك على الأخاوة ،
انتناصفة بالنص أنا وياك . ونص لي الجزيرة ، ونص لك .
- قال الجربا : يا ساعةٍ مباركة .
- تعاهدوا على هالراي هذا ، ومشوا عليه ، وحاربوا العبيد واضعفوهم ،
وجلوهم من (( الحويقة )) لن شمر و الظفير قبيلة كبيرة . ويوم جا الحول .
قال الجربا : يا ابن سويط والله ما يستوي شيخين بديرة وحده .
- قال شايوش : لا يلجربا ! خاف الله !نسيت المعاهدة اللي بيني وبينك.
انت جبتني من ديرتي مناك على المعاهدة هذي .
- والله ما عندنا من راسين بهالديرة ! الجربا يقول .
وتكاونا هو وياه بمنطقة (( جِرْجِب )) ويكسرون الظفير شمر .
يسمونه شمر ((ليلة جِرْجِب ))
وليا منه تراوى واحد منهم قال : (( على ليلة جِرْجِب )) .
ويقصد مانع السويط يقول :
ياراكب من عندنا بنت عبار
نسل فرحه بوقت طيحة حواره
تلفي لـ((فارس)) ربعته كنها الغار
كم حايل عشى النشاما فقاره
الحرب اشاروا بها عمسين الأشوار
منا ومنهم منتوينٍ دماره
يحسبون الحرب يرجع ليا صار
راح يتجازى بالنشاما مهاره
حنا سويطات على الحرب صبار
لمن الحريب لحربنا شب ناره
نزمي كما تزمي شخانيب (( سنجار ))
ولا كيفان الدبا يا طا الزبارة
وحنا هل الجمع مسبل ليا سار
حريبنا لازم يخلي المعارة
وسيوفنا قد عذبت كل جبار
وجدودنا سيد القبايل خياره
وليا جيت (( منوِّخ)) يسرح الطار
قل له عن الحمرا يخلي يساره
قل له يدور مع الشط معبار
ويسوق قرشه للمعيبر خساره