مجلس الامه

[واحد من القبيله]

السلام على ابناء عمومتى جميعا دون تحديد اما بعد دعونا نعطى فرصه ثانيه لدكتور فهد سماوى والدكتور حسين جليعب علما بانهم حصلو على ارقام جيده بالانتخابات الماضيه .
هذ ولكم الاحترام لارائكم

[مراسل الظفير]

واحد من القبيله على هونك .. وين راح الشليمي ؟ الي يجنس ويوظف وينقل ويتوسط للعالم ويتعب ليل ونهار ومن وزارة لوزارة وحب خشوم .. وتروح انت تعطي فرصة حق سماوي وجليعب ... الي هو الشليمي اولا منهم اذا تبي الصراحه ....... وبعدين سماوي من حزب الاخوان المسلمين ... وجليعب من حزب الأمة ... والشليمي لاحزب ولاهم يحزنون ... ليه الظفير ضد الشليمي بفهم ؟؟؟؟؟؟؟؟؟؟؟؟؟

[عديم الشوق]

لا بالعكس كلنا مع ابناء الظفير بس الشليمي يشتغل خارج القبيله وليس لاابناء القبيله..وشكرا

[الشاهين]

انا ودي اعطي اللي تقولون عليه ولو اني اشوف ما فيه فرق بين عيال العم
بس ياجماعه فيه حاجه ودي افهمها
المرشح اللي نبيه هو اللي يجيب ارقام اكثر والا اللي ينفع اكثر
يعني مرشح هاب ريح مثل الشليمي يمكن قبل ما عرف يدير الانتخابات وما جاب رقم زين هل معناة هذا انه ما نعطيه فرصه ثانيه

[الشاهين]

طرت علا بالي حاجه
لو قلنا ان الجميع انسحب لفهد وحسين وعطوهم فرصه ثانيه
نقول لو انهم ما توفقوا مثلا ممكن يجي واحد سنه 2011 ويقول عطوهم فرصه ثالثه حرام يروح تعبهم هالشكل
وثاني شي لو ما نزلوا ب 2011 منهو من المنسحبين اللي يقول انا عطوني فرصه ثانيه يمكن الشليمي يقول هذا اذا رضى ينسحب
والباقين برايكم يحطون يدينهم على خدهم وينتظرون احد يترجالهم الظفير يتنازلون عنهم

[الشاهين]

اخوي واحد من الظفير
انا عندي لك رجا
شرايك تقول للي نزلو 2003 ينسحبون لانهم اخذو فرصتهم شباب الظفير ناطرين دور
واحد قاعد بجنبي يقول لي ان فهد نزل بلدي قبل ( انا مو متاكد من هالسالفه ) وهي على ذمة اللي جنبي يقول نزل قبل كم سنه وطق قرعه مادري فرعي مادري تنازل لواحد عريفي
اذا هذه السالفه صدق انا اشوف انه يعطي المجال لحسين والشليمي والا واحد من اللي يبون يترشحون

[عديم الشوق]

اخوي واحد من الظفير
انا عندي لك رجا
شرايك تقول للي نزلو 2003 ينسحبون لانهم اخذو فرصتهم شباب الظفير ناطرين دور
واحد قاعد بجنبي يقول لي ان فهد نزل بلدي قبل ( انا مو متاكد من هالسالفه ) وهي على ذمة اللي جنبي يقول نزل قبل كم سنه وطق قرعه مادري فرعي مادري تنازل لواحد عريفي
اذا هذه السالفه صدق انا اشوف انه يعطي المجال لحسين والشليمي والا واحد من اللي يبون يترشحون
ماهذا التناقض يالشاهين اول شي تقول للي نزلو 2003 ينسحبون والي هم فهد وخالد وحسين وبنفس الوقت تقول انه فهد يعطي المجال لحسين والشليمي ولاواحد من اللي يبون يترشحون .....
انت لماذا تبي تخرج فهد من الحسبه مع انه جاب رقم قوي بالانتخابات الي طافت 2003 واهو اول مره ينزل..ترى انا ملاحظ هالشي عليك حتى بموضوع د.فهد سماوي قلت

الشليمي وحسين تشتت اصواتهم بين السعيد وسماوي هو الصمادي الوحيد ومن هالشكل جته الاصوات يعني استفاد من تفرق السعيد
وبعدين جليعب والشليمي سلفيين وتفرقت اصواتهم مع عواد برد وفهد سماوي هو مرشح الحركة الدستورية الوحيد
يعني فهد من الصوبين ماكلها من جهة القبيلة ومن جهة المطاوعة
وانا بعد نقلت كلامك عشان اعطيك تدليل رد على كلامك هالمرشح د.فهد سماوي وتقول انه استفاد من تفرق السعيد ياخوك مافي ظفيري يستفيد من تفرق قبيلته...
وشكرا..

[عديم الشوق]

ادهشتي ياأيها الشاهين في تناقض كيف تقول على فهد ان ينسحب ويعطي المجال لحسين والشليمي وانت في موضوع اخر تقول عنه....
ياجماعه والله ماكو داعي هالسوالف
انا ازكي فهد سماوي
ومشكورين
الكنج


وانا معك ياخوي .فهد ابن حلال وطيب وماله شغل بالرايح والجاي ولا ينتمى الى الاحزاب الاخوان والسلفيه والامه..
وهذا كلامك في موضوع الفرعيه ام نزكي فهد سماوي ..وشاكر لك على هالتناقض المدهش

[الشاهين]

انا اعذرك ياخوي على اندهاشك
انا ياخوي ودي الخير لكل ظفيري ولو قلت لك ودي ينجحون كلهم ما كذبت عليك
يوم اقول فهد ابن حلال لان فيه واحد قال عن فهد ابن حلال والا ايش ودك اقول تبيني اشتم فهد
ويوم قالو ودنا نزكي فهد هم انا اسفط لفهد الخير ويم قالو عن التنازل قلت ليه ما يتنازل فهد والا غير فهد لني ابي المصلحة للكل وكان راي اني اخلي فرصه للي ما صارت له فرصه
هذا شعوري يالغالي ولو اني اكره فهد كان ما قلت نزكي فهد لا يمكن ما شفت راي مرة قلت القحيصان
ياليت كل الظفير تنجح

[عديم الشوق]

شلون كل الظفير تنجح واهم ماهم على قلب واحد

[الشاهين]

شلون هذي تشوف لها حل انا ودي الخير للجميع
ويش رايك تحط لنا حل ياعديم الاحساس شنهو تقترح حل

[عديم الشوق]

انا لو بقدم حل الظفير ماهي راده علي انا اشهد دام المرشحين كلهم راكبين رؤسهم ومايبون الفرعي ولايبون يتنازلون عز الله رحنا فيها والقبايل الثانيه بتأكلنا بالانتخابات دام عنزه بتسووي فرعي ,,وشمر متفقين على محمد الخليفه ونازلين منهم خمس مرشحين وفي احتمال يتنازلون ,,اما قبيلتنا نازلين الى حد الان 10 مرشحين ولايبون فرعي ولايتنازلون ...اصلا اهم لايعطون ابناء الظفير فرصه لكي يختارو من يمثلهم ويتفقون عليه كل واحد يطلع لك بشي مع احترامي لهم لازم يلتفتون الى مصلحة القبيله لامصالحهم الشخصيه...وشكرا اخوي الشاهين :)

[حمية_ظفيري]

السلام عليكم ورحمة الله
اخواني الاعزاء اتمنى اتمنى اتمنى ان قلوبكم تنسى الزعل وتفكرون بجد بأسم الظفير اولا واخيرا لاني حاس بشكل كبير وجود حزازيات من بعض الاخوان وكلنا نتمى وجود كرسي بأسم الظفير بالمجلس لكن بعقل دون مجاملات ولا مصالح شخصية ولاعشان هذا ولد عم ولا ولد خال احسبوها بالعقل ياجماعة اولا الانسحاب مرفوض لدى كثير من المرشحين لان الكل يقول فرصتي كبيرة وانا اتوقع ان الانتخابات المقبلة سوف تكون صعبة ومستحيلة لقبيلة الظفير بوجود المصالح الشخصية وعدم وضع اسم القبيلة اولا واخيرا في المقدمة وانا اتوقع ان الاقوى لغاية الان هم ثلاثة الدكتور فهد وجليعب وشليمي اما البقية مع احترامي للجميع فرصتهم صعبة جدا مع العلم انها المرة الاولى لهم فيى الانتخابات وعلاقاتهم محدودة وجدد على الساحة ودمتم سالمين.

[جابر القحيصان]

السلام عليكم بعد انقطاع طويل ,,, الله يوفق الجميع ولا تقولي تزكيه كلن يبي دوره ويسوون فرعيه واللي يطلع يمثل القبيله والله الكل تعب والكل اشتغل وموشرط انه يبين للعالم ويحط اللوحات والشكر اللي يشتغل للرجال يستر عليه صح ولا انا غلطان ... ولا اشتغله واروح اقوله حطلي لوحه ,,, ترا كل مرشحين القبيلة ماقصروا مع احد بجميع النواحي ,,, فياريت تكون القرعه ومشكورين

[هاجس الذكرى]

- الدكتور/ فهد سماوي المعداني (النسبة المتوقعة) 85%
- نهار الحيلين الرسيمي (النسبة المتوقعة) 33%
- أحمد نصار الشريعان (النسبة المتوقعة) 15%
- خالد الشليمي السعيدي (النسبة المتوقعة) 65%
- الدكتور/ حسين جليعب السعيدي (النسبة المتوقعة) 71%
- الدكتور / مشعل ركابي الجاسمي (النسبة المتوقعة) 12%
- صايد صندوح الذراعي (النسبة المتوقعة) 20%
- محمد القحيصان العسكر (النسبة المتوقعة) 13%
- فهد المطني السعيدي (النسبة المتوقعة) 14%
- فلاح سويد السعيدي مرشح جديد

لاتنسون التصويت رجاءا00000
تحياتي،،،

[ابابيل]

ياجماعة لا تحاولون ما كو فايدة ، وانا اراهن انهم ينزلون اكثر من ثلاثة ، كل واحد يبي الكيكة له ، انا وبس ، اما مصلحة القبيلة فالكل يتكلم عنها ولا احد يطبقها ، وكل فخذ يوقف ويدعم مرشحه .
والله العظيم لو ان نوايا المرشحين صادقة لمصلحة القبيلة كان حققنا المعجزات ويمكن يصفونها على واحد بعد مهو اثنين لكن الحقيقة عكس ذلك كل واحد يبي لنفسه حتى لو انه يعرف انه سوف لن ينجح ، وذلك لعدة اسباب مختلفة اما مدفوع من جهة معينة لتحقيق غرض محدد او من تيار او يبي يجرب نفسه وبالتالي يحقق دعاية اعلامية لنفسه وذلك للمستقبل .

ياجماعة تبون الحقيقة وهي واضحة وكل واحد يعرفها ، الحقيقة هي ان القبيلة فالته يعني بالعربي الفصيح مالها رباط
لان كل المرشحين سواء جمعية او بلدي او امة لا يردون على شيخ القبيلة ولا شيوخ الافخاذ ولا يتقبلون اي مبادرات لتنظيم وترتيب انتخابات القبيلة .

الكل يعلم انه كان هناك مشروع لترتيب ترشيحات افخاذ القبيلة لجمعية النسيم التعاونية بحيث يكون كل فخذ على علم في اي سنة يقدم مرشحة لانتخاب الجمعية على ان تصوت له جميع افخاذ القبيلة ، ولكن اللي حصل انه بعض الافخاذ لم تدخل في المشروع بسبب انهم اغلبية واللي يبينا يجي معانا ، وبعض الافخاذ الاخرى ماهي راضية تتنازل او تدخل في قرعة مع الافخاذ الاخرى ، وخذ من هالتطبيل لبعض الافخاذ لمرشحينهم وخذ توزيع اتهامات على خلق الله مع ان المشروع مكتوب وموزع على جميع الافخاذ ومصلحة القبيلة واضحة فيه وهو خطوة اولى للاصلاح .

انا متأكد انهم ماراح يصفونها على اثنين ومتأكد اننا لن نصل الى مجلس الامة وان يوم 29 / 6 / 2006 لناظره لقريب وستعلمون النتيجة واقول للمرشحين كما قال الله سبحانه وتعالي في محكم كتابه " وسيعلم الذين ظلموا اي منقلب سينقلبون " صدق الله العظيم .