وجهة نظر....

[عديم الشوق]

بعد تفكير طويل اكتشفت ان الظفير راح تنجح باانتخابات الامه القادمه والسبب هو عودة النائب السابق احمد الشريعان !!!!!!!!!!!!!!!! تدرون ليش لانا لما نزل احمد الشريعان الانتخابات الي طافت بالصليبخات سحب معاه المؤيدين له وربعه وجماعته وجاب 300 صوت وشوي ومع عودته راح تعود هالاصوات لصالح الظفير واذا انسحب راح تكون 300 صوت هذا لصالح الظفير وتضاف لها مع الاصوات الاخره يعني انتقال احمد الشريعان الانتخابات الي طافت سبب في خسارة الظفير مقعدها ومع عودته راح يرد هالمعقد وارجو واتمنى انه ينسحب عشان نظمن هالمعقد للظفير ....وجهة نظر

[المنبر الاعلامي]

عديم احساس ترى الي نازلين عشرة .. والشريعان نازل نازل مابذنه ماي ومو راد على احد .. ولاتنسى احتمال الدوائر راح تصير 5 او 10

[عديم الشوق]

عديم احساس ترى الي نازلين عشرة .. والشريعان نازل نازل مابذنه ماي ومو راد على احد .. ولاتنسى احتمال الدوائر راح تصير 5 او 10
الي نازلين عشره راح تشوف الانسحابات اكيد راح تشوف والشريعان مو راد على احد ليش مايبي مصلحة القبيله الظاهر بس يبي مصلحته..والدوائر لاصارت عشر نبي نطيح مع المطران والرشايده ياويلي ويلاه بس اعتقد انه الظفير اذا التزمت على واحد اواثنين وكلهم راحو يصوتون مو قاعدين ببيوتهم وقت الانتخابات نبي فزعه عشان نافسهم وانا حاس انه راح نفوز بمقعد بالانتخابات القادمه باذن الله...وشكرا اخوي ناصر العصلب

[المحنك]

اخوي عديم احساس الشريعان لما راح حق الصليبيخات ما نقل ولا صوت حسب تصريحة وهو حدد الدائرة اللي راح ينزل فيها بعد ما انتهت مدة تسجيل القيود اانتخابية حتى صوتة ما نقلة صوت بالجهرا.

[عديم الشوق]

اخوي عديم احساس الشريعان لما راح حق الصليبيخات ما نقل ولا صوت حسب تصريحة وهو حدد الدائرة اللي راح ينزل فيها بعد ما انتهت مدة تسجيل القيود اانتخابية حتى صوتة ما نقلة صوت بالجهرا.
والله هذا دليل على التخبط الي يمر فيه احمد الشريعان مع احترامي لشخصه ومكانته بس كلمة الحق تنقال ماله داعي نازل بالصليبيخات انت ساكن بخيطان ونازل بصليبخات وتصوت بالجهراء يالله ماهذا التخبط مع احترامي ليش كل هذا بس مشكور يالمحنك على تعليقك وكلامك مااظن انه صحيح واذا كان صحيح فانه يدل على التخبط عند بعض مرشحينا ...وشكرا لك

[الظفيرية]

مشكور أخوي على هالموضوع
بعدين من أنت حتى تقرر نجاحنا من عدمه
أخوي تفائل اي بس ننجح مره وحده وعلى رغم من كثر مرشحينا ، بعدين بالاول أتكل على الله وقول باذن الله ننجح..


وتعليقي على الشريعان للآسف للآسف للآسف كنت أحسبه احد الغيورين على الظفير وانا هني مابي اجرح فيه ولا اي شي بس هشي يحز بالخاطر وكلمة الحق لازم تنقال

بس شنو يعني يصرح بالجريده انا نازل نازل وماراح ارد عالفرعيه ؟ شنو ماتهمك مصلحة القبيلة ولا همك نزولك الشخصي بعدين انته احترقت عط فرصه للغيرك يعني فزت مره وخسرت مره اوكي عط المجال لغيرك مو اتزيد الفرقه والمرشحين

انته يوم صرحت هالتصريح الخطير الناري استشرت ابناء قبيلتك ولا مارديت عليهم.... هيهات
وهذا ان دل فانه يدل ... اتعرفون الباجي
ودمتم سالمين انشاء الله


ما ني قايله الا عباره وحده لاغدينا ولا غد الشر

[عديم الشوق]

مشكور أخوي على هالموضوع
بعدين من أنت حتى تقرر نجاحنا من عدمه
أخوي تفائل اي بس ننجح مره وحده وعلى رغم من كثر مرشحينا ، بعدين بالاول أتكل على الله وقول باذن الله ننجح..

العفو يابنت على الرد
ومشكوره على الانتقاد البناء وانشالله وباذن الله وباذن الله وباذن الله يكون تعليقج لايمس شخصي لاني انا تكلمت عن موضوع ولااصبت بالاحباط مثل بعض الناس !!
وانتي تقولين منو انا عشان اقرر نجاحي انا اقولج ..واحد من ابناء الظفير ولا موعاجبج :)
وترى على قولتج انتي الناس المؤدبه تسلم وانتي ماسلمتي...مع اني مو محتاج سلامج..

[الشاهين]

احمد الشريعان ساكن خيطان وجا الجهرا ونجح وراح الصليبخات وسقط ورجع للجهرا ويقول نازل نازل ولهو راد على الفرعيه
يا اخي الرجال ما جا من خيطان الا عشان يسنع الظفير ويرفع اسمهم شفتو لما راح الصليبخات ما نجح ظفيري والحين راجع عشان يسنع الظفير مرة ثانيه
وهو ما يدخل الفرعيه لانه اللي يطنطنون ماهم بعينه شي ولو قعد يسمعلهم جان ما نجح احد
الظفير ما تسنع الا لما يجيها مثل الشريعان رجال تهمه القبيله ومصلحتها

[عديم الشوق]

احمد الشريعان ساكن خيطان وجا الجهرا ونجح وراح الصليبخات وسقط ورجع للجهرا ويقول نازل نازل ولهو راد على الفرعيه
يا اخي الرجال ما جا من خيطان الا عشان يسنع الظفير ويرفع اسمهم شفتو لما راح الصليبخات ما نجح ظفيري والحين راجع عشان يسنع الظفير مرة ثانيه
وهو ما يدخل الفرعيه لانه اللي يطنطنون ماهم بعينه شي ولو قعد يسمعلهم جان ما نجح احد
الظفير ما تسنع الا لما يجيها مثل الشريعان رجال تهمه القبيله ومصلحتها
دامه يبي يسنع الظفير خل يمشي معاملات ابناء الظفير المتعطله امورهم بجميع الوزارات ومالهم احد الا الغريب وخل يتوسط لهم مع الحكومه ويمشي امورهم اذا صحيح اهو بيسنعهم مو كله معارض وضد الحكومه لازم يلتفت الي ابناء الظفير ويمشي معاملاتهم ويسنع امورهم المتعطله ولك جزيل الشكر اخوي الشاهين...

[الظفيرية]

احمد الشريعان ساكن خيطان وجا الجهرا ونجح وراح الصليبخات وسقط ورجع للجهرا ويقول نازل نازل ولهو راد على الفرعيه
يا اخي الرجال ما جا من خيطان الا عشان يسنع الظفير ويرفع اسمهم شفتو لما راح الصليبخات ما نجح ظفيري والحين راجع عشان يسنع الظفير مرة ثانيه
وهو ما يدخل الفرعيه لانه اللي يطنطنون ماهم بعينه شي ولو قعد يسمعلهم جان ما نجح احد
الظفير ما تسنع الا لما يجيها مثل الشريعان رجال تهمه القبيله ومصلحتها

والله كلامك عجيب وخطير مو اقلال من شأن الشريعان
بس عمر القبيله ماوقفت على رجال واحد القبيله اذا بتوقف توقف بالله وبرجالها الباقيه
بعدين اذا راح الشريعان في الف شريعان فينا وكلنا حميه على قبيلتنا، بس هذا اللي اقدر اقووله.. ودمتم سالمين

[الشاهين]

وليش خطير وعجيب يالظفيريه
خلونا صريحين وصادقين مع انفسنا الظفير ماهي بحاجه واسطات لو هي بحاجه لواسطات ما نجحت الشريعان اكثر من مره وهي تدري ان الشريعان معارض الحكومه
وتعالوا ياللي ما تبون الشريعان لانه معارض وما يطالب بالمعاملات الحين مو انتم تبون حسين جليعب . ترى هو نفس الشريعان ويمكن اكثر هذا عنده حزب انتحاري ضد الحكومه على طول
عندكم فهد سماوي رجال ابن حلال هدي وكافي خيره شره والحكومه تحب هالنوعيات وهو يمكن يسوي للظفير شي جربوه يالنشامى
والا الاحسن من الشليمي تراه هاب ريح

[مراسل الظفير]

يالظفيرية شرايج بالشليمي ؟؟

انا ادش دواووين الظفير كلهم يكررهونه ؟ مع انه ظفيري ومواطن كويتي ليس لديه منصب وقاعد يجنس ويوظف ؟

[غبي الأذكياء]

تم تعديل الرد

الإدارة

[الظفيرية]

تم تعديل الرد

الإدارة

[حمية_ظفيري]

السلام عليكم رحمة الله وبركاتة
اخواني الموضوع صعب للغاية بعدم انسحاب المرشحين ووجود المصالح الشخصية والله اتمنى يكون بس مرشحين اثنين فقط لمصلحتنا والله تحز بالنفس قبيلة كبيرة مثل الظفير مالها كرسي بالمجلس ولو فكر كل مرشح بالقبيلة لما كان هذا حالنا اولا شريعان احترق كرتة نهائيا واخذ كفايتة وجرب الكرسي جاء الدور لغيرة المفروض انة يكون حلقة وصل لظفير في ترابطها وليس العكس اما حسين جليعب نازل ليس لاسم الظفير وانا اتحدى اي شخص يقول العكس لانة نازل من قبل الحزب وليس للظفير والكل يعلم بذلك بمعنى ان حسين جليعب لن يرضى بالفرعي مهما حصل اما الشليمي نعلم بأنة يعمل منذ فترة ويعطية العافية لكن هل يرضى بالفرعي او الانسحاب بأسم القبيلة احتمال ضئيل للغاية مع العلم ان الشليمي حول اصوات للجهراء من مناطق ثانية ومن المستحيل ان ينسحب اما الدكتور فهد نسبة نجاحة وفرصتة اكبر من المرشحين الظفير لكن وجود الحزازيات بين ابناء القبيلة وتشتتهم يمكن ان تضيع فرصتة بالفوز علما بأن المركز والرقم الذي حققة جيد جدا بغياب بعض ابناء الظفير في الانتخابات وايضا هذا سبب كبير بعدم انسحابة من الانتخابات اما الاخوان المرشحين الجدد فأتوقع صعوبة نجاحهم بسبب قلة الخبرة لديهم وجدد على الساحة الانتخابية .
واتمنى من اخواني الاعظاء عدم الحزازيات بشكل كبير ونحن نتمنى فوز ظفيري بكرسي المجلس والله مهما كان هذا الشخص المهم انة ظفيري واتمنى جد ياشباب عدم المساس بأي شخص مهما كان وخاصتا بين الاعظاء لان المواضيع اللتي اقراها تبين بعض الحزازيات والانحيازات بشكل كبير واتمنى الحيادية في الاختيار والمواضيع .
ودمتم سالمين.