المساعد الشخصي الرقمي

مشاهدة النسخة كاملة : الشاعر منصور الرمالي الشمري :: يـا نـج ـم

عمر عقيل الظفيري
19-09-2008, 07:55 PM
السلام عليكم
الشاعر منصور الرمالي شاعر جزل رحمه الله لايحتاج مني تعريف او توصيف
تميز في شعر الغزل في محبوبته ومات وهو في سن صغير من العمر
اتركم مع احد روائعه الشعريه ومن اشهر قصائده


يانجم ياللى غبت من غبـت مابنـت = وشحال بيـن ايـام مجـدك وبينـك
الشمس تطلع وأسال الصبح وين انت = وتغيب شمس وأسـال الليـل وينـك
وين انت انا منهان منهـان لاهنـت = منهان من شخـص عجـز لايهينـك
ارجع متى ترجع انا انهنت واسجنـت = واللى سجنـى كـان قبلـى سجينـك
ارجع ورجع مجد ماضى كمـا كنـت = ورجع من المديـون لاهنـت دينـك
ياقاسى فى وجـه الاضـداد مالنـت = ومن صاحبك ينعـم بعطفـك ولينـك
حتى على خصمك من أحسانك أحسنت = وياما عطت من كـل غالـى يمينـك
بالسيف فى شبه الجزيـره تسلطنـت = اخضعـت اهلهـا وملكنـه يديـنـك
مثلك ولـد والله فـلا جابتـه بنـت = لاشـك عيـن يمهلـنـك سنيـنـك
أقولها وينـك وانـا ادل ويـن انـت = لاشك من زود القهـر قلـت وينـك
وياقصر ياللى بدلـوا طينـك سمنـت = احذر تخون وتنكر اصحـاب طينـك
الله يخونك كان لأهـل الوفـى خنـت = وأوفيـت للـى بالخفـى خاينيـنـك
ياقصر لاتسكن وان انضمت واسكنت = اخفس قهر واخفس معـك ساكنينـك
ياقصر مهمـا زينـوا فيـك مازنـت = زينك رحل وان عادلك عـاد زينـك
منصور الرمالي
راعى القودا
19-09-2008, 08:53 PM
...صح لسانك يا عمر وصح لسان الشاعر منصور الرمالي...
....وتقبل مروري:راعــــي الـــقــــودا....
عمر عقيل الظفيري
19-09-2008, 08:54 PM
والله ياهلا براعي القودا وصح بدنك يالغالي
سلطان الشمري
19-09-2008, 10:02 PM
يعطيك العافيه اخوي عمر

والله يرحم الشاعر منصور الرمالي
عمر عقيل الظفيري
19-09-2008, 10:06 PM
صح بدنك ياسلطان والله يرحم منصور
صايل
19-09-2008, 10:23 PM
صــح لـســانـــك ياعمر الظفيري

قصيده جزله وأجمل من رائعه لاهنت


ألــف شــكــر لك
عمر عقيل الظفيري
20-09-2008, 01:24 AM
صح بدنك ياصايل وياهلابك
طلال المعداني
20-09-2008, 02:18 AM
رحم الله الشاعر منصور الرمالي ,, فقد كان نجماً في سماء الشعر ,,

والله يعطيك ألف عافيه على نقل مثل هذه القصائد الرائعه والأكثر من رائعه ,,



تقبل تحيتي وخالص شكري على هذه القصيده ,,
نزيف قلم
20-09-2008, 11:13 AM
صح لسانك يابوعقيل

والله يرحم الشاعر منصور الرمالي .


ويعطيك العافيه وماقصرت


وتقبل مروري

نزيف قلم
ابن الدعيفس
20-09-2008, 05:26 PM
صــح لســان شاعرهــا ..

وتسلم .. على النقــل المميز ..

تقديــــري .
ظاهر الملغوم
20-09-2008, 07:19 PM
وياقصر ياللى بدلوا طينك سمنت
احذر تخون وتنكر اصحاب طينك


رحم الله منصور الرمالي..


وبيض الله وجهك ياعمر..


على هالاختيار الراقي والذوق..


شكرا لك