قضية البوية(المسترجلة)التي فتحت ملفها فجر السعيد بمسلسلها عديل الروح>>الكل يدخل بسرعه

[أمل مقتول]

بسم الله الرحمن الرحيم

طبعا الكل يعرف مسلسل عديل الروح والله مايتابعه اكيد سمع عنه

هذا المسلسل طرح موضوع جدا مهم وهو موضوع

(البوية رنــــــــاد)

وانا بعطيكم نبذة مختصرة عن هذه الشخصية والتي مثلت دورها شجون الهاجري

تمثل شجون البنت المسترجله التي (تمشي مع بنات)>>

وهذا اقدام جميل من كاتبتنا المحبوبة فجر السعيد

ولكن عندي تعقيب بسيط الا وهو طريقة حل هذه المشكلة

يعني هذي طريقة تخليها تكلم وتروح لشباب عشان نحل مشكلتها

يمكن ام رناد بالمسلسل واللي هي نورية شخصية متحضرة حيث تسمح لبنتها بفعل هذه الاشياء

ولكن هناك عوائل وبنات يعانون من هذه المشكلة ولم يجدوا لها حلا

فماذا الحل برأيكم .؟.؟

طبعا نحتاج الى طريقة مغايرة لطريقة هذا المسلسل

لانها

تخالف ديننا الحنيف
وتخالف عاداتنا وتقاليدنا

ولكل من يستطيع المساعدة فلا يبخل

:)

اختكم امل مقتول

[خالد الطلاحين]

أمل مقتول ,,
حقيقتاً موضوع مثير وخطير :)

وأذا هي على مسألة ( البويه ) هذا مرض نفسي ,, الأنسانه محتاجه تكون بينها وبين نفسها ويكون واحد كل لحظه ينبها ويتابعها ويرشدها للصحيح :)

اذا على مسألة الحل انا أقول لازم تقعد مع والدتها وتفهمها اللى تسوي وتبعدها عنه
وكذالك ماننسى دور الأب اللذي لابد يكون له أهتمام كبير بالموضوع
وأحد اسباب هذي المشكله أهمال الأهل للفتاه :)
والحل لابد دكتور نفساني يحلل شخصيتها :)


تحياتي ,,
خالد الطلاحين

[الـظـفـيـري]

السلام عليكم

كيف الحال

وكل عام وانتم بخير


اول شي اذا على قصه البويه والمسترجله انا اسمع فيها ولا عمري شفتها والي اعرفه انها بنت شهوتها شهوت رجال والله اعلم وهذي على ما اضن بلوه من ربك والله لا يبلنا بالامراض هذي

[محمد بن طليحان]

منو شطب مشاركتي

( حرية الرأي والرأي الأخر )

أين الحريه

[الأديب]

ابو جاسم هدي طال عمرك :) ,,,

[يوسف الرسيمي]

معقوله ماعرفتو حل هذه المشكله ؟!!

غريبه بصراحه ..


رناد اول ماقابلت صعب ماادري شمه
مشاري البلام.. شصار فيهــا؟

..

تحيتي لكم.

[خالد الطلاحين]

هذي مشكله نفسيه
والصراحه قاعد تتزايد الحين صراحه

الحين والله ماتعرف البنت من الرجال وماتميز الرجال من البنت


الله يستر علينا بس ,,,






خالد الطلاحين

[محمد بن طليحان]

شباااااب

الكويت قامت تعاني منهالمشكله

دشوا المدينه بأيام الإثنين أنطروا العالم تطلع وشوفوا البويات شكثررر

[خالد الطلاحين]

ههههههههههههههههههه
وإنت شتدور إهناك يوم الأثنين

ههههههههههههههههههههههههه
شكلك قاعد لهم قعده :p





خالد الطلاحين

[أمل مقتول]

ياربي رباه اشفييييييكم قلبتوووا علي :( انا قاعده اطرح قضيه نعاني منهاااااا لا اكثر ولا اقل ,,,

وشكرا خالد على الرد ..

اختك: امل مقتووول

[الظفيرية]

الموضوع أعطي أكبر من حجمه وهذا التسليط الاعلامي بدل أن يحل المشكله زاد منها واعلنها معا أن الكثير من بناتنا لايعرفون هشي والحمدلله



وبعدين الكاتبه فجر السعيد كاتبه فاشله اللهم مسلسلها دارت الأيام وباااقي المسلسلات سخيفة لانها وبكل بساطة ليست دارسة للاعلام والدراما الكتابية وأنما هي هاوية وبعدين عيال المنصور قاطعوها ...الا ترون هشي لم يقوموا بتمثيل كتابتها في الفتره الاخيره

انظروا للكاتبات الآخريااات وربي دراما على مستوى عالي


الملاحظة على الكاتبة في مسلسلة عديل الروح السخيف ، الرسول صلى الله عليه وسلم" اذا بليتم فاستتروا"
يأخواني في الله هالكاتبه جعلتنا نكته في الخليج والكل يضحك ويتشمت فينا هالمشاكل موجودة في السعودية والبحرين والامارات وغيرها ولكن هل اعلام هالدول لا يبرز هالسخافات مثل اعلامنا الفاشل عالصعيدين الخارجي والداخلي

وشكرا لكم

[الأديب]

يالظفيريه المشكلة شلون الناس اطالع المسلسل وهم صيام ؟؟؟ شصار بالعالم لهدرجه وصل التخلف المشكله مافي ناس اتوعيهم ... انا اخواني يردون من المدارس ماينامون والسبه عديل الروح عشان مايطوفهم ؟؟؟ وربي مصيبه فجر السعيد هذي ,,, الله يهديها ...

[محمد حليس]

ان ماجرى في مسلسل عديل الروح وطرحه لقضية الفتيات المنسلخات عن كل مايمت للانوثه بصله انما هو طرح لواقع وان بقينا نستتر عليه فلن يحل ويظل في عقول من لم يطلع او يشاهد مثل هذه الفتيات محض خيال ولا يمكن تصديقه فأنا اشد علي يد الكاتبه فجر السعيد علي كتاباتها الجريئه التي تجعل من هو مسؤل عن هذه الامور امام الامر الواقع الذي لا بد له من ان ينجلي يوماً ما.

[خالد الطلاحين]

بالعكس فجر السعيد كاتبه مميزه وجريئه بالطرح ..
هي ماكان قصدها من المسلسل أنتشار القضيه إو إنتشار هذي الظاهره
هي تبي توعي البنات اللى مثل ماقلتي بويات إو المسترجلات بلهجة ثانيه
هي تبي توعيهم وتفهمهم الخطـأ لان يمكن ماعنده إحد يضغط عليهم من البيت إو برا البيت وهذا تقدرين تقولين وعاهم شوي وخلاهم يشوفون إنفسهم بوضوح عشان يطلعون من اللى هي فيه وإنا أقدر إقول شبه نجحت بس طريقة علاج ريناد اللى هي ماخذه دور البويه ماكان بطريقه إكبر لان لازم يكون علاجها بصوره إوضح عشان البويات لما يشوفون المسلسل يقتنعون وانا اقول من طرحة المشكله يمكن في جم بويه حست وإنشالله نشوف قله بهذي الظاهره لان هالايام اللى فاتت إنا شفتها بشكل غير متوقع جداً


وبالنهايه الكل له رايه وانا احترم رايكم الشخصي ,,
وإتمنى تتقبلو رايي :)






لكم كل الشكر والتقدير ,,
تحياتي ,,
خالد الطلاحين

[السلطان]

البـــــــــــــــــــــــــــــــــويا

احنا خلاصنا من........................ تطلع لنا بــــــــــــــويا


العلاج لاتقعد ويا امها وتصارحها ولاشي ولا اتروح لطبيب نفسي وتعب نفسها لانها حالة شخصية وغريزة بالنفس .


العـــــــــــــــــــــــــــــــــــلاج هو:
.
.
.
.
.
.
.
.
.
.
.
.
,........................... العـــــــــــــــــــــــــــقال :)

[خالد الطلاحين]

هههههههههههههههههه العقال يسكت الموضوع جدامك



بس يازولي البلا من وراك :)




الله يستر بس




خالد الطلاحين

[قلبي^شمالي]

مشكوره أختي أمل علي الموضوع الخطير

وبعدين ترا الكويت متروسه بويات حتي الهنديه صارت بويه هههههههههههههههههههههههه

[خالد الطلاحين]

وإنت شدراك إن الهنديه صارت بويه :p

[فهد الطلاحين]

السلام عليكم ورحمة الله وبركاته

اولآ اشكر اختي امل مقتول على هالموضوع

وثانياً هالشغله منتشره وبكثره هالايام هاذي

واعتقد او برأي شخصي

ان حل هالمشكله تكون من والدينها والمجتمع اللي عايشه فيه

والحل الثاني اني احرمها من الشغلات الصبيانيه

ووالحل الثالث اني امسطها بالعقال إلين ماتعقل وتصير خوش بنت
:) :)

[محمد بن طليحان]

تم نقل الموضوع لقسم النقاشات الجادة

[فهد الحزيم]

مشكوره على الموضوع ...اي جيذي نبي النقاش حامي و الكل يبين وجهة نضره ..

الصراحه سالفة الجنس الثالث ما هي الا خلل في تربية الاطفال من البداية ..يا انهم يختلطون مع البنات او العكس ..و هم الاعلام له دور كبير في نشر هذه الافكار ...

فجر السعيد كانت جريئه لطرح الموضوع يمكن وقته كان خاطئ او الطريقه ..لكن الفكره صحيحه يجب علينا تسليط الاضواء على هذي الحالات الشاذة علشان ينتبهوم اولياء الامور ...والله ان في اولياء امور ما يدرون شلي صاير حوالينهم ....

والله يصلح الجميع..ويستر عليهم

[خالد الطلاحين]

صح كلامك فهد ...


فجر السعيد تعجبني طريقة كتابتها وجرائتها يمكن التنفيذ مو حلو بس المشاكل اللى تكتب عنها حلوه ,,
اهي كان قصدها تعطي الإنتباه للأباء والإمهات على هالقضيه اللى إنتشرت بشكل مو طبيعي وفجر حاولت لفت الإنتباه الا هذي الحاله اللى إنتشرت ترا يالشباب احنا ماقاعد نشوف بويات وايد لان البويات يتجمعون بالوقت اللى يكون بس فيه حريم .. على سبيل المثال الإكوابارك بالكويت لو تروح يوم الثلاثاء واللى هو مخصص للبنات بس .. بتشوف البويات بشكل غير طبيعي وتنهبل صراحه ..

على العموم مشكورين على المناقشه الحلوه والحاميه ,,




خالد الطلاحين

[كحيلان الظفير]

الحل انها تراجع دكتور مختص لحالتها ويشوفلها حل

تحياتي لكم

[عابر سبيل]

صارت اللي تنشر مسلسلات الاباحه زينه ؟ وقلة الحياء كاتبة مميزة ؟ ونشرها للصغير ومشاهدتها عبر التلفاز مما يثير الشهوات والنفوس والانحراف الاخلاقي اصبحت فجر السعيد النجمة .! ؟

كل انسان محاسب على مايكتب ويقول ومن شد بأزر فاسدا فقد كان فاسدا مثله فتحملوا هذه النقاشات الجاده!

[بنت أبوهـا]

انا راي ان الاساس في تربيتهم هو خطآ بالاضافه الي مرضه بالتعلق بشخصية الرجل من طرف آخر اقول يمكن من كثر معاشرتها او بتوضيح اكثر من صغرتها يمكن تكون مع الرجال تلعب و تمرح معاهم حتى تكبر تكون اجذاب الي شخيصة الرجل

هذا مجرد راي


والحل اقول ربما عن طريق الطب النفسي

ومشكور على طرحك للموضوع

[جبلي التميمي]

انا ما فهمت شي وش البويه يعني يحطون نوع من البويات او الصبغ على الوجه يا ليت تفهموني

لاني ما فهمت شي ...........؟؟

[الحقيـــــــــــــــــقة]

البويه هو الصبغ...........
وتكفون خلوه لا أحد يقوله الصج!!!!.

[جبلي التميمي]

البويه هو الصبغ...........
وتكفون خلوه لا أحد يقوله الصج!!!!.

افا يا الحقيقه انت اسمك الحقيقه قلي الحقيقه وشي البويه ممكن اني اعرف بس بمعنى ثاني عشان

نعطي راينا يا اخوك

[الحقيـــــــــــــــــقة]

قتلتني لما قلت أسمك الحقيــــــــــقه!!!

بويــــــــه : كلمه أصلها يرجع ل boy ( بـــوي) ومعناها صبي أو ولــــد .

والشباب يطلقون هالمسطلح على البنات المسترجلات , وهذا مرض منتشر تشوف هالمسترجلات

يغازلون البنات ويتحدون الشباب ويغارون منهم أيضا .


ويطلق عليهم مسطلح (صبيك) أو (بويه).

ألله يفكك من شرهم .

وعلى فكره ياجبلى صورتك حلوه حيــــــــــــــــل عاجبتني!!؟!

[رمــــ*إنســان*ــــاد]

أمل مفقود .. قضيه صعب حلها في هذا البلد وأي بلد لا يطبق الشريعه الاسلاميه

الكويت بلد ديمقراطي ومخلي كل شخص علي كيفه حر يعني بتصرفاته .. وهذا اكبر غلط

لأن من أمن العقوبه أساء الأدب .. وهذا الي صاير بالكويت لو فيه قانون صريح يعاقب هالاشكال من البويات والجنوس وغيرهم .. لما تجرأو لفعل هذا الشيء ..

البويات منتشرات بالمدارس والمدرسه مخلينهم علي كيفهم ماكو قانون يمنع هالاشكال اشلون تبونهم يمتنعون عن الي فيه ..

وضعف الوازع الديني سبب رئيسي وعدم تربية الاهل تربيه صحيحه هم سبب ثاني .. كل شي يكمل شي

أتمنى أوصلت المعلومه الي ابي اوصلها لكم.

تقبلو أحترامي

[جبلي التميمي]

قتلتني لما قلت أسمك الحقيــــــــــقه!!!

بويــــــــه : كلمه أصلها يرجع ل boy ( بـــوي) ومعناها صبي أو ولــــد .

والشباب يطلقون هالمسطلح على البنات المسترجلات , وهذا مرض منتشر تشوف هالمسترجلات

يغازلون البنات ويتحدون الشباب ويغارون منهم أيضا .


ويطلق عليهم مسطلح (صبيك) أو (بويه).

ألله يفكك من شرهم .

وعلى فكره ياجبلى صورتك حلوه حيــــــــــــــــل عاجبتني!!؟!
اعوذ بالله اعوذ بالله يعني تحدى الرجال في تصيد البنات يا اخي هضولا طلعوا من الفطره الرجل مفطور

على المره والمره مفطورة على الرجل هذا الفطره البشرية لا حول ولا قوة الا بالله الله يكفينا شرهم

وبيض الله وجهك يا الحقيقة

واذا على سؤالك عن الصورة هذي صورة شاعر بني تميم علي بن عبدالله بن صقية بن عساكر بن ريس

بن زاخر الوهبي الحنظلي التميمي الله يطولنا في عمره وعالم وباحث في الانساب

اشكرك على صدرك الرحب يا الحقيقة وتقبل فائق احترامي

[الحقيـــــــــــــــــقة]

علي بن عبدالله بن صقية بن عساكر بن ريس

بن زاخر الوهبي الحنظلي التميمي

أخوي جبلي ممكن تكمله الأسم ؟؟

نريـــد المزيــــــد , زادك الله من نعيـــــــمه

[جبلي التميمي]

علي بن عبدالله بن صقية بن عساكر بن ريس

بن زاخر الوهبي الحنظلي التميمي

أخوي جبلي ممكن تكمله الأسم ؟؟

نريـــد المزيــــــد , زادك الله من نعيـــــــمه

هلا اخوي الحقيقة بس كنك تمزح وانا اباخذها بسعت صدر يا الحقيقة ولا يهمك ابحط له ترجمه كامله

ما طلبت شي يا الحقيقة

[الحقيـــــــــــــــــقة]

نمزح يا جبلي نمزح

الله يخليك لنا

[جبلي التميمي]

نمزح يا جبلي نمزح

الله يخليك لنا

والله يا الحقيقة اخذناها مزح والامر عادي يا خوك المزوح تجي وتروح

لكن فضلا وليس امرا عليك يا الحقيقة انك تمر على قسم قصص من الصحراء تراني منزل عشانك

موضوع عشان سؤالك للفائده لا اكثر لان والله لي اكثر من ساعه وانا اكتبه ولا لقيت احد يرد عليه

تقبل احترامي

جبلي التميمي