قبيلة الظفير والإنتخابات ( نقاش )

[راعي الريشا]

بسم الله الرحمن الرحيم

الاخوه ابناء القبيله

السلام عليكم ورحمة الله وبركاته

لقد اسعدني واثلج صدري هذا المنتدي الرائع والذي يخص قبيلة الظفير حيث تدار فيه حوارات وتناقش فيه

قضايا تهم القبيله 000 واني اتقدم للاداره والمشرفين والقائمين علي هذا المنتدي الرائع بجزيل الشكر

والامتنان واقول لهم قواكم الله ياشباب 0000 واضع تحت كلمه ياشباب مليون خط 000

فكره انشاء هذا المنتدي هي الخطوه الاولي اللتي كنا نتمناها 00 فالقبيله كانت ولقرون طويله مترابطه وقويه برجالها وافعالها وشيوخها وسمعتها الطيبه ومكانتها بين القبائل مما يجعل الظفيري فخورا بقبيلته

ولكن هذه القبيله لم تحاول ان تواكب هذا التطور الذي يحدث الان 00 كما فعلت باقي القبائل 000 واقصد هنا

الانتخابات والديمقراطيه سواء كانت في الكويت او السعوديه ولا يخفي علي احد منكم احبتي وضعنا في هذا

المجال 000 والتجارب في الاربعين سنه الماضيه اثبتت ذلك حيث ان القبيله لم تحضي بالفوز الا لمرتين فقط

( في انتخابات مجلس الامه الكويتي ) مطلق الشليمي واحمد الشريعان وقد كان نجاحهما لظرف انتخابيه خاصه

ولم تكن ذات تكتيك معين 000 عموما ياشباب لااريد ان اطيل عليكم 00 فأني ادعو ومن خلال هذا المنتدي

جميع الشباب لمناقشة هذا الموضوع المصيري للقبيله وعمل مجلس لشباب القبيله يحاول ان يضع أليه معينه وتصورات لحل القضيه 00 فانا علي يقين بان القبيله فيها من الشباب الواعي المثقف والمسؤل مايكفي لايجاد الحلول المناسبه واللتي تخدم القبيله0

وسلامتكم 00 بانتظار الردود والتعليقات

[خالد الطلاحين]

راعي الريشا ,,
ياهلا ومرحبا أسفرت وإنور المنتدى بوجودك يالغالي :)


بخصوص الموضوع اللى تتكلم عنه وأنا اهنيك على قلمك المميز بالمنتدى والظاهر بقوه من مواضيع قابله لنقاش وتهم القبليه ,, كما أشكر أهتمامك بالقبيله وإتمنى إن نشوف منك الأهتمام والدعم الدائم ,, لكي نصل لما فيه رفعه لقبيلتنا العزيزه وهذا الشي الوحيد اللى يجمعنا وعساه مايفرقنا :)

بالنسبه للموضوع أنا أقول إن كل سنه ينزل أكثر من مرشح لظفير ,, كيف تبي تكون موجود بالمجلس وإنت مو متفق بالأول .؟

أنا أقول نعم نعم نعم للفرعيه ,, هي اللي راح تخدمنا إنشالله وتخلينا نقدر نوصل للمجلس والكرسي البرلماني :)

هذا رايي الشخصي إتمنى تتقبله بصدراً وسيع ومايزعلك كلامي :)



تحياتي ,,,
أخوك ,,
خالد الطلاحين

[.]

اخي راعي الريشا الي اعرفه انك ضد الفرعية بتاتا ......... لكن انا اقولك بصوت واحد من جميع ابناء القبيلة وحتى الي بالسعوديه ............ نعم للفرعية والذي لايقبلها ليس منٌا

[كحيله]

نعم للفرعيه
بسسس ياقلبي النفووس الرديه هي اللي ذابحه بعضناااااا
وحبهم للفلووس اكبر واطم
يحبووون يعاندون بعض ويرشون بعض
المهم
انااااااا مع الفرعيه
واذا ما اتفقتوااااااااااااااااااااااا
ترى هاااااااااااااااااه
ارشح عمري ومالي شغل فيكم :)

[محمد بن طليحان]

كحيله بألأول حياج الله بالمنتدى

وثانيا كلامج قوي وبنفس الوقت فيه من الواقع

وكل ظفيري حريص على سمعة القبيلة أكيد يبي الفرعيه

وماكو حل غير الفرعيييييييييه الفرعيه يا عرب

[خالد الطلاحين]

بأذن الله فرعيه :)

وعساهم يتفقون عليها بس ,,




خالد الطلاحين

[محمد القاسمي]

(( نعم للفرعية والذي لايقبلها ليس منٌا))



هذه الجمله ترددت على مسامعي كثيرا


اخواني...دعوني اشارككم الحديث.... مع اني لست كويتيا :) ،،ولكن

يهمني سمعة الظفير....ويسعدني خبــر فوز الظفير بالانتخابات وخاصة انها

أقوى انتخابات..(مجلس أمـه).!!



أنتــم تقولون الفرعيه.........وما ادراك ما الفرعيه.......الفرعيه حل جيد

جدا....ولكــن لها سلبيات يجب الالتفات اليها....ومن اهمها....زرع البغظ

والكره والحقد بين ابناء العموومه....فمثلا الفخذ الفلاني اقرب لنا من الفخذ

الفلاني....وهذا من عايلة فلان اقرب لنا.......بغض النظر ان كان الشخص

يصلح لأن يمثل قبيلة او منطقه....ومن سلبياتها ايضا....سالفة الفخذ الاكثر

عددا....فهم من سيكون منهم المرشح...والافخاذ القليله...سيهضم حقها بغير

قصــد!!!....انا لست ضد الفرعيه..ولكن يجب علينا الالتفات بما يترتب على

الفرعيه من سلبيات....هنا ستقولون اذا ما الحــل...؟؟؟



سأقول التزكيه



نعم التزكيه بنية صافيه....وسيزكى اثنان من ابناء القبيله على انهم

سيخوضون الانتخابات...وسيزكى من اهم اوفر حظا...من ناحيــة


1/العلاقات الخارجيه( من خارج القبيله)2/المستوى الثقافي والعلمي

والقدره على ابداء الرأي.




هذه وجهة نظر تحتمل الخطا والصواب



ولكم جزيــــــــــل الشكر

[السلطان]

السلام عليكم ورحمة الله وبركاته

اولا............ انشالله نتمني الفوز ولو بكرسي واحد بمجلس الامة .
معلم تستطيع قبيلة الظفير الفوز بكرسين بالجهراء الجديدة ..................................بس الله يهداهم الاخوان ماكو ( صف النية).

مع العلم ايضا جميع الاقبائل الاخري في منطقة الجهراء الجديد تعمل الف حساب لقبيلة الظفـــــــــــــــــــير . بصراحة الفرعية تعمل مشاكل كبيرة جدا بين ابناء القبيلة
فالحل : علي جميع ابنائنا ............................المنتخبون (المرشحين)
التفاهم في ما بينهم واهم رجال كبار وفاهمين فعلي من يرونه مناسب للمكان المناسب يقدمونه للظفير وعدم التهاون امام هذه القضية لان اي رجل ظفيري ينجح في الانتخابات فهو نجاح لكل ظفيري.

حرام والله نخسر كرسي يا جماعة
اعيالكم متعطلة اشغالهم ومعاملاتهم والسبب عدم التفاهم فيما بينكم .

[خالد الطلاحين]

صحيح كلامك يابو عفتان ,,,



الفرعيه لها سلبيات ولها ايجابيات ,,
بس إنت لو تحسبها بالتزكيه في عندك كم مرشح مو راضي لا بالتزكيه والا بالفرعيه يعني شتبي تتوقع منه .؟
وبعدين التزكيه هم له سلبيات ,, في مرشح يقول ليه فلان وانا لا .؟
ويقعدون يعددون مزايا بعض ويذكرون عيوب بعض وحنا صراحه ماودنا هالشي يصير نبي نكون قلب واحد عشان نكون متفاهمين وصدقوني لو إتفقنا على حل يرضي الجميع صدقوني راح نقدر على كرسيين مو كرسي لان حنا بس ناقصنا التفاهم بين الآعضاء انا اشوف إن كم عضو مالهم داعي بالأنتخابات في ناس إكثر كفاءه منهم في ناس لهم علاقات ,, إن اذا مالك علاقات خارجيه وعلاقات مع وزراء وشيوخ ماراح تقدر توصل لشي ,, لان الناس تبي من يشتغل لها ويفيدهم القريب منهم والا البعيد وإكيد ( من جد وجد ) يعني إنت لازم تقوي علاقاتك مع الناس الخارجيه والناس البعيده واللي ماهي عارفتك ,,

يعني كا كل الإنتخابات مرحله طويييييله وساالفه مالها حل وحيد ,,
الحين تعددت الحلول عندنا ,, منها الفرعيه ,, منها التزكيه ,,
ولا ندري لوين راح نوصل كلي إمل إن نكون مثل باقي القبائل متفاهمين قادرين يوصلون لحل سريع ,,

وبالتوفيق للجميع إنشالله ,,

والله يوفق الظفير بجميع المحافل الدوليه والعالميه :A6rb.Com_









تحياتي ,,
خالد الطلاحين

[فهد الحزيم]

السلام عليكم و رحمة الله و بركاته
مشكلتنا نحب الكلام ونسولف كثير
كبار القبيله وينهم ليش ما يحطون حل لهذا الامر
مشكلتنا الفرقه اللي حاصله بينا و المشاكل التافهه بين عيال العمومه
هي اللي اخرت وصولها للقمه ..
مثل ما قلتوا ان 2 من الظفير ممكن يوصلون للمجلس بتكاتفنا مع بعض بس هذا بصراحه ما راح يصير اذا ظلينا على ما حنا عليه ..

الحل يكون بكبار القبيله ان رايهم يمشي على الكل ..لازم يكون هناك واحد حازم في امره وعصيانه للامر انه ينبذ من القبيله (القبيله هي دوله لازم يكون لها حاكم واحد وله وزراء لكن القرار له وحده) صج ممكن يصير ظلم و هضم لحقوق البعض لكن مصلحة الظفير فوق اي اعتبار .

خلونا واقعيين ............وفي شغله لاحضتها في كثير من ربعنا و هم انا مرات اكرر عبارة ...حنا الظفير مافينا خير دوم متناحسين مع بعض

يا اخوان و اخوات اقول لنفسي اولا و بعدين لكم للازم نفخر كل الفخر باصلنا و لا نصغر و نحبط اي محاوله للاصلاح و التميز و تكون ايدنا بايد بعض ....
سامحوني طولت عليكم ...
في مثل عاجبني ويدي اقوله لكم ...يقولون اذا حبك العازمي لا تخاف الا من الموت ..لحسن عشرتهم وتكاتفهم مع بعض ...

والله ما ينقصنا عن مطير و العوازم و العجمان شي غير ان نحب بعض و نتمنى لاخوي الخير قبل ما اتمناه لنفسي ..

وسلامتكم ...سامحوني للصراحه ...(هذي وجهة نظري)

[خالد الطلاحين]

فهد الحزيم ,,



إصلاً باقي القبايل حاسدتنا يقوولون إنتم يالظفير قلوبكم على بعض و متفاهمين ومتعاونين .. بس بالحقيقه وين التعاون ؟ وين التفاهم ؟ وين قلوبنا على بعض ؟ وواحد قاعد يحاول ينهش بعظم الثاني ؟ انت فعلاً قلت القبيله مثل الدوله وفيها وزراء الفرعيه يمكن تكون جيده لنا ولاكن بنفس الوقت راح تسوي عنصريه بينا لان كل فخذ راح يقول من فخذنا إولى بالتصويت وحنا ماني هالشي يصير نبي نكون قلب واحد .. نبي الناس اللى تستاهل ماهمني ولد عم وولد خال يهمني انه ظفيري هذا يكفي .. ما ادور منهو الأقرب لي لا أشوف الزين فيهم وإصوت له وإتمنى هالشي يصير لان حنا فعلاً محتاجين تفاهم .. أخر ثلااث سنين شوف اللى حصل .. بجمعية النسيم 2 مادري ثلاث ظفران فازو .. جمعيه الجهرا 2 ظفران وصلو للمجلس .. يعني من هالشي يحسدونا عالصغير بس الأمه والبلدي ماكو أحد وبعيدين عن المنافسه نتمنى التصفيه بينا ونكون قلب واحد عشان نقدر نحقق الوصول ,,


ويالله توفقنا وتخلينا قلوب وحده ,,




تحياتي ,,
خالد الطلاحين

[فهد الحزيم]

الصراحة انا متفائل ....يعني احس ان الجيل الجديد من الظفران مو عاجبة الماضي ..و انهم في خطوة للاتحاد من جديد ...وما علينا حنا يا اخوان و اخوات الا اصلاح ما بداخلنا من حسد او غيره او نحاسه تجاه اي ظفيري آخر و ان شاء الله النوايا الطيبه راح توصلنا للي نبي ...

[الــــــحــــــر]

يااخوان وياخوات خلونا نرجع قليلا للخلف ماذا خذينا من أعضاء الماضي وعلى سبيل المثال ابو شريعان عندما وصل للبرلمان الذي وصل له هو ان يقول لك ياالظفيري انت ولد عمي تعذرني وغيرك مايعذرني يمشي معاملات الحروب والخوالد والصلبه وبعض الظفير
ما خذينا من ابو شريعان إلا ان يقول سيدي الرئيس انا اكلمك ولا اكلم الطوفه الي وراك ومن هلكلام الذي يدل على انه ليس لديه إلا قليل من الخبره السياسيه

الحل أقسم بالله في يدينا ولاكن لانريده نريد أبي او اخي او ولد عمي او ولد خالي و.... هذا أكبر غلط الحميه تكون على القبيله وليس على ابي او اخي او ولد العم او ولد الخال.......
فااااااااااااااااااااهميييييييييييييييييييييين شاقول.

إذا تبون الكراسي نحن نقرر لمن الكراسي

[راعي الروسا]

بسم الله الرحمن الرحيم
والصلاة والسلام على أشرف المرسلين أما بعد
لاحظنا العديد من الآاراء والإقتراحات والشد والجذب ولاحظنا بعض الكلام اللي يؤكد على الضغينه بين بعض وبعض الكلام التافه من بعض الإخوان مثل نقع وإشرب مايها ومن هالقبيل ؛ يعني والله ماني عارف الوضع هذا لي متى؟ كل يدني النار من حدر قرصه والكل يقول فلان زين والباقين شينين وكل واحد يلمع مرشح وبشكل واضح
وبعض الأعضاء يقولون ليش مايتحركون كبار القبيله؟ ليش شنو النقص فيني وفيك وفيه؟ وكل كبير قبيله يعني فاهم ويبخص الأمور؟ ياخي بعض كبار القبيله هم أساس الخراب وهم من المستفيدين بهالوضع مع إحترامي للآخرين ولا أحد يقدر ينكر هالشي ؛ كل ماقلنا حل وإقتراح قالوا لا والله مو زين!! أكيد كل إقتراح له إيجابيات وسلبيات ولكن إنظروا للإيجابيات أي وحده تحتوي إيجابيات أكثر ؛؛ يا إخوان والله تقطعت قلوبنا وتألمنا كثير الألم للوضع اللي نعانيه ؛ والله العظيم يوم الإنتخابات ولحظة إعلان النتايج وصلني مسج من واحد ينتمي لقبيلة وفقها الله
نص المسج يقول ( أكلناكم يا الظفيري )!!
طبعا مايحتاج أصورلكم شعوري وقتها لإن الكل عارف وعاش هاللحظه
وقتها حسيت بالذل اللي سببه الحقد والحسد
ليش ماتتوحد القبيله نفس ماتوحدت أيام الشليمي والشريعان؟
ملينا وحنا نقول يا إخوان إيد وحده ماتصفق والموقع مو مقياس لقوة مرشح أو ضعفه وياريت الكلام اللي ينقال بالموقع يتطبق على أرض الواقع لإن فؤ جزء كبير من القبيله مايعرف بالإنترنت ويجهل بعض الأمور والإقتراحات
فا يا ريت يا ريت يا ريت كل واحد يحدث نفسه ويشوف شنو الأصلح للقبيله
هذا غيض من فيض وماخفي كان أعظم
وعسى الله يكتب اللي فيه الصالح وآســــــف جدا عالإطالة ولكن يعلم الله كل هذا من الوضع التعيس :051:

[ابو منصور]

جزاك الله خير وبارك الله فيك ياراعي الريشا

بيض الله وجهك على التوضيح حبيبي وما قصرت


الريشا my soul


thanks


تحيات

أخوك ابومنصور