أول مرشحة ظفيرية

[شموخ شمالية]

أخواني و أخواتي ،،

ماهو رأيك إذا دخلت ظفيرية الإنتخابات (الامه , البلدي) ؟

نبي بصرااااااحه وسبب

لحد يرد من دون سبب ؟

[كحيلان الظفير]

راي انة لا يجوز تدخل المرة الانتخابات والسبب هو طال عمرج انة اول شي ظفيرية واذا دخلت تعيب القبيلة وماعندنا حريم يدشن انتخابات هذا الي بقا بعد

[شموخ شمالية]

احترم وجهة نظرك اخوي كويتي ظفيري

[شموخ شمالية]

الذيب

الظاهر انك ديموقراطي ؟؟

[شموخ شمالية]

اشكركم على سرعة الرد

[كحيلان الظفير]

الذيب شفيهم الي نازلين الحين

كلهم فيهم خير وواصلين

والحمدللة

[كحيلان الظفير]

وبعدين علا ماضن راح يسون فرعي ويطلعون الانسب انشاللة

[محمد بن طليحان]

والله اللي تسوي هالسواة لتشوف زوم الظفران عليها

نسوي سواة اليهود ما بقا الا ظفيرية تدخل هع هع هع

[كحيلان الظفير]

لا واللة لة معنا ومعنا كبير للقبيلة

[أبو تركي]

أول تسيئ الي القبيله
ثاني شي أي تقرر ترشيح نفسه بأي دائره

وشكرا لج أختي

أخوج : أبو تركي العريفي

[شموخ شمالية]

الجهراء الجديده

الدائرة رقم 21

[محمد بن طليحان]

ماني معصب يا شمالية

قصدي يا حضرة النائبة شموخ الظفيري

هههههههههههههههههه

..............................هذي علوم عيال شعطان

[أبو تركي]

أختي شموخ الشماليه
قصدج
الدائره 19 الجهراء الجديده
وليش الدائره 20 الجهراء القديمه


فقط لتوضيح

أخوج : أبو تركي

[عبدالعزيز الفوزان]

ارى ان يتم استغلأل مايسمى الحقوق السياسية للمرأة بالشكل الصحيح لصالح القبيلة .. لو نستغل المراه الظفيريه كناخبه بدل ان تكون مرشحه

كون نساء قبيلة الظفير تغلب كثرتهم على الرجال .. وهذا الواقع

اتمنى إني ماخرجت عن نطاق الموضوع .. ووصلت وجهة نظري لكم

[محمد بن طليحان]

عاد والله الظفيريات عليهن حميه

مجمعات خلق الله بانتخابات الجمعيه نبي الهمه بمجلس الامه

[خالد الطلاحين]

ماضنتي فيه ظفيريه راح تنزل الانتخابات ,,

بس راح يكون لها دور كبير كونهـا نـاخبه .. لان الحريم اكثر من الرجال بالتصويت الرجاجيل اكثرهم عسكريين :)
يعني مامن اصوات .. الحريم راح تكون اللعبه لعبتهم وعسى خير إنشالله ,,


لج ألف شكر شموخ على الموضوع الجميل ,,




تحياتي ,,
خالد الطلاحين

[حمد الفويزان]

أرجوا.. مِن الأعضـــــــأء الإلتزام باأالموضوع.. وما يحتويـــة..

والإبتعـــــــــأأد عمـــأ يز ويُدَسُ من ألغام بين الأعضــأء مِمــأ يُسبِبْ الخلافات.,.,

الأخت شموخ شمالية..وضعت موضوع مُحدد.... والإجابة عليه مُحددة..

لا داعي للسب والشتم.. وإدخال اسمااء لا دخل لهــــــــــــأأ...



.................................................. ..



بالنسبـــــة. لترشيح المرأ نفسها للإنتخابات لا يجوز شرعـــــأأ...<< هذا مِن وجهة نظر القرآن والسنة..

وبما أننــــــــأأ مُسلميـــــن.. لا بُد علينــأ.. قول.. سمِعنــأأ وأطعنــــــــــأأ...


أمــــــــأأ مِن ناحيـــــــة الإنتخاب وإعطائها الصوت,, فلا حرج على قول أهل العلم..


ودمتم..

[محمد القاسمي]

" لا يفلـــح قومٌ ولـّــو أمــرهم امـرأه"

هذ قول الرسول صلى الله عليه وسلم



يعني يا شموخ ... لا يفلح الظفران ان انتي* مرشحتهم...


انتـي*= ليس المقصود فيها شموخ.. يقصد بها التانيث لأي امراه.



(( ظفيريه وبمجلس الامه... لا عز الله فلحنـا))

[حمد الفويزان]

^
^
^
^
^

غاب عني هذا الحديث يا محمد.. فأتيتَ به يا غرامي..

جزااك الله خيــــــــر..

حبي وقبلاتي لك..

(( زعلان عليك أنــأأ )) <<< تذكر ليش..؟؟

[محمد القاسمي]

حمـد.. اعرفك قلبك ابيــض


ما يهون عليك


يالفويزاني... حبــة خشــــم

اموااااااه



<< جان ما عديتك.. عاد انا منشول :)

[حمد الفويزان]

ههههههههههههههههههههههتي

ههههههههههههههههههههههههتي


فدىى لعيونك أنـــــــأأأ...

لاهنت يالغالي.. وكبير يامحمد

[الــــــحــــــر]

اشكرك جزيل الشكر اختي شموخ الشماليه على هذى الموضوع ومرحباااا مليون بك عضوه جديده !!

بصراحه حين طرح صاحب السمو امير البلاد حفظه الله واطال الله في عمره رغبته الساميه في حقوقهن السياسيه كان هذا هو العرس الديمقراطي الكامل وانا اعتقد ان الشرع لا يخالف حقوقهن لان الشرع يريد ان تعطى النساء حقوقهن الكامله لان هناك ناس عاداتهم لا تتفق مع هذا الامر مثال نحن ابناء القبائل فيقومون بوضع الدين بلوجه بدال العادات والتقاليد .

ولكن حين تترشح ظفيريه بلجهراء او المناطق التي تكثر فيها القبيله هذا مؤلم للكثير من ابناء القبيله وعلى سبيل المثال خلينا نقول انتي بترشحين بنسبه لي لو سألني احد بقول بكيفها انا مو مسؤل عنها ولاكن اخر اسمها ظفيري يعني مو محسوبه علي اي مو من اهلي



يعني موافق

[شموخ شمالية]

خالد الطلاحين

هلا فيك اخوي

ومثل ما قلت الظفيريات اكثر من الظفران

كلامك عدل ميه بالميه

[شموخ شمالية]

محمد القاسمي


الحين ديموقراطيه يا اخوي

ونوبربلم اذا دشت المره الى المجلس :)

[شموخ شمالية]

واشكر الكل على المشاركه


ويعطيكم العافيه على حميتكم للقبيلتكم :)

[ظفيرية الكويت]

عادي لان معضم ظفران الكويت ديمقراطيين ومتحررين واحنا منهم وعلى فكره ترا المرأة مو ناقصهه شي وعن مليون ريال واحنا الحمدلله ملتزمين بعاداتنا وتقالدينا ونعرف ديننا وبعدين ترا الدنيا ما راح تنقلب اذا المرأة الظفيريه ساهمت بتعديل ديرتهه لو شنو كان اصلهه
أتمنى ان محد زعل من رايي

[كحيلان الظفير]

لا ناقصة ياختي ظفيرية الكويت ومايجوز الحرمة تدخل الانتخابات باي ضرف كان اسمها حرمة ماتوقف بوجة الرجال وتطالب وماتصمل مثل الرجال وبعدين محد يرضا ولا انا ارضا ان الحرمة تدش الانتخابات وخاصتن بعد ظفيرية يعنيني انا اشهد تنرمي

[محمد القاسمي]

اسمعن يا بنات....


المساله ماهي تجريح بالمراه او تقليل من مكانتها


لا حشا.. احنا ماحنا باحسن من الرسول صلى الله عليه وسلم ولا حنا احسن

من الخلافاء الراشدين رضوان الله عليــهم


ولكن المنطق والعقل والدين والعادات والتقاليد


كل هذا يقف ضد ترشيح المراه في مجلس برلماني.. بعنبي لو انها جمعيه تنطووف


بس مجلس برلماني يقر قوانيين الدوله... صعبه شوي


والحديث واضـح الرسول ما حرم ان المراه تدخل المعترك الانتخابي.. ولكن

الرسـول صلى الله عليه وسلم.. عنده فطره من الله سبحانه فهو لا يقول الا

الصواب...!




ا- الحرمه من ايام البداوه وهي لها مكانه عاليه


اجل ننسى دغيمه يوم فكـت الحثربي... وننسى نوره الظفيريه.. وننسى غزيل الظفيريه

التاريخ خلد نساء كثيرات... خلدهن على اساس... واضح... اما موقف بطولي شريف

اما منهج فكري واعي.. اما موقف انساني... يعني الحرمه تقدر تجتهد واتفوق بكثير

من المجلات غير المجال السياسي... وش لكن بالسياسه..؟ غريب!




المهم اتحطون في بالكم ان المراه انسانه وليس سلعه تستهلك لغرض,,

رسالتي للمراه: كوني متفوقه بتربية ابناءك على الصلاة وذكر الله

كوني متفوقه في اسعــاد زوجك.

كوني متفوقه ببناء اسره مترابطه.



* الحرمه= المرأه... وجمعها حريم= نسـاء

:)

شكرا

[الأديب]

يالقاسمي انت مصدق كلام البنات ماعليك منهن بس ,,, بس لفت انتباهي ( غزيل الظفيري ) بالله عليك شسالفتها لاني اول مره اسمع عنها ,,,

[محمد بن طليحان]

واللــه عدل كلامك يالقاسمي

تتفوق بتربية عيالها وبناء اسرة مترابطه احسن لها من الاننتخابات


__________________

* الحرمه= المرأه... وجمعها حريم= نسـاء

معجم هذي يبيلهااااااااااااااااا

[ظفيرية الكويت]

وأنا بعد قلت رايي وكل واحد حر برايه والله

[محمد بن طليحان]

انزين شفيج معصبه :)

ريحي اعصابج واشربي عصير ليمون

[ظفيرية الكويت]

عاشت ايامج يا شموخ

[الــــــحــــــر]

شعطاااااااااان تعجبني لمى تقول عاداتنا وتقاليدنا مو الدين!!!!!!!!

[الــــــحــــــر]

:) لا يبعد راسي ما اتصيد بس يعجبني الي يقول عاداتنا وتقاليدنا مو الدين وبس وعساك سالم.

[صحراوي]

شرعاً حرام ... ياليت قوانين الكويت يصير شرعي مثل السعودية ...

[نايف السلمان]

الظفير يتبعون العادات واتقاليد
مو اي مره هبت وقالت ابي ادش امجلس واذا انتي دموقراطيه سوي جمعيه او شي ثاني

[MaTa7B]

ممممممم


أنــا أعتــرض


ليــش ياحظــي معارضيــن ندش الانتخابات


ناقصناا شي عن معصــومه هذى هي دخلــت ومحــد قالــه شــي من أهلــه


يمـــه منكــم طــول عمــركمـ تضلـــون متحجريـــن


النــاس وصلــت للقمــر وحطــت بيــوت عليــه وإنتــم تقــولون عيــب ماعيــب


حنــا ماقلــنا نبــي نصيــر حكــام عليكمـ ترى الدعوه كلهـــا كرسي بالمجلس

لا رااح ولا جاااااء

<<-- فيها حره تبي تطلع كل اللى بجبده خخخخخخ


لا جد ترى ماصارت


كل ماقلنا ترى صار جذى قلتووو عيب واخرتها تالي توافقوووون لما نطلع لكم العين الحمراااااااااء



يمه منكم

[حمد الفويزان]

هم بعد إنتي تبين كرسي يالبطـــة هع هع

..الكلام الحقيقي آتىى..


ما تهــأأأب


بالشرع.والعادات والتقاليــد.. والقيــم..


لأ لأ لأ لأ يحق للمرأه الإختلاط مع الرجل..

وهذا الكلام ذكرناه آنفــأ وأذكر أنني أنــأ والأخ الغالي محمد القاسمي ذكرنا أحاديث تدل على ذلك

تقبلي تحيااتي

وليس العيب بمعصومة ..وغيرهــأأ... العيب في تفكيرنــأأ..

[MaTa7B]

وليس العيب بمعصومة ..وغيرهــأأ... العيب في تفكيرنــأأ..


والله بهذى انا اشهدلك


أأخ بس ودي أحجي بس خلني ساكته بس لاتنبط الجربه وانا اختك


سي يو

[حمد الفويزان]

:)

:)


ياسلام على اللي يفهم بسرعه

[MaTa7B]

<<-- احتج عن الكلام خوفي ابطها وافجركم واخليكم ترشحوني خخخخخخ

[حمد الفويزان]

قولي اللي تبينه...

وكلنــأ آذانٌ صاغية..


والرد سيكون على قدر السؤال ..والإقتباس ..

<< يهدد

[MaTa7B]

لا موبي


<<-- ظفيريه وتقول موبي ومرشحه نفسه بعد خخخخخخخ

[ابو منصور]

أخواني و أخواتي ،،

ماهو رأيك إذا دخلت ظفيرية الإنتخابات (الامه , البلدي) ؟

نبي بصرااااااحه وسبب

لحد يرد من دون سبب ؟

by the name of allah

salam all

فكره حلوة شموخ شمالة سوف افتح الموضوع ألى جدتي دهينه او جدتي دبسه

thanx


bye

[فارس الظفيري]

والله أنا أشوف ان المراه لا مانع ان تتقلد المناصب القياديه ولكن بحدود ولا اي منصب! وانا مؤمن ان المرأه اذا دخلت راح تغير لانها النصف الثاني للرجل...
ومجلس الامه مو من ضمن هالمناصب...

فارس الظفيري

[ظفيري بلس]

ما اضن ظفيريه اصيله تنزل الانتخابات ومهما كان

منبوذه


الظفير قبل اذا جاء احد يبي يغير شي فيهم ينبذونه ويصدونه بما ااوتي من قوه
ويرحلون عن المكان الى كانو فيه

والمجتمع الكويتي للأسف يديرونه سفله خونه يريدون تغير عادات القبائل
ومنها حقوق المراءه السياسي
ونزولها المجلس
لكي تكون القبائل والعوائل الحظريه تحت اقدام الشيعه
لعبه سياسيه وراح تشوفون بالمستقبل القريب

[ظفيري بلس]

الاخ: ماعندكم ماعند جدتي

الى ماعنده سالفه انت ونكك الى يدل على شخصيتك صراحه
انت ما تحترم جهود الناس اذا كنت من المنتديات الاخرى ياخي كل مجتهد له
نصيب
وخل المنتدى هذا بحاله او خلك ضيف او عضو غير فعال
اذا هم لهم قاعده انما قاعدتهم بدت بالكذب والنفاق والمجامله
واهني الطرح صح انه مقتبس.. لاكن انا من ناحيتي ادش المنتدى هذا
كوني عضو لأشارك وابدي رأيي

وانصحك بتغيير نكك لانه يدل على انك ان الى ماعندك ماعند جدتي

[عديم الشوق]

انا رافض لهذه الموضوع بشده واذا صار هالشي احط لوحة اعلان كبيره بالجهراء اني غير معترف بالمرشحه وانها ماتمثل قبيلتي نهائيا واذا مافي غيرها من الظفير وهذا لو اموت مااصوت لها

[بندر القحيصان]

هههههههههههههه والله ظحكتوني

[king]

لا تعليق!!!!!!!!!!!!!!!!!!!!

[تركي الظفيري]

يا الجيل الجديد .. ياللي بغيتوا الحريم بين الرجاجيل .. انتم عار

مابقا الا الظفيريات بين الرجاجيل

عندي قصيده لشاعر ظفيري يقول ..



بسم الله ابدي واضرب القاف بالقـاف
بسـم الله الرحمـن نزهـة قـافـي
والشعر من بحره غرفتـه بمغـراف
اخوض بحره واخذ القـاف صافـي
والطرق يخضع لي ويخضع لي القاف
وجنون شعـري ماتناظـر اخلافـي
ولاني من اللي ضايعٍ دون مجـداف
البحـر يجمـد لاوطيتـه يخـافـي
ماجيت ابقصد بالغزل او الاوصـاف
ولاهمنـي بنـت الغـزل والقوافـي
ولاهمني لو قالـوا الشاعـر الجـاف
ولاني مبيـح بالحكـي كـل خافـي
ولاني من اللي لاهرج هرجه اسفاف
أعـرف مداخيـل الكـلام النظافـي
ماهمني شهـره ولاهمنـي اجحـاف
شاعر وزاهـد عربجـي مااخافـي
شاعر انا والراس من فوق الاكتـاف
ولوتعرف اسمي صار فيك ارتجافـي
الوقت هذا ضيـع رجـال واشـراف
ورفـع رخـومٍ علمهـم دوم طافـي
ماكل من يمسك معه سيـف سيـاف
تلقـاه والله مـن ظلالـه يخـافـي
تلقـا هياطـه بالدواويـن اصنـاف
وسرده علـى ماقيـل والله عوافـي
تلقاه في بيته علـى طـول طـواف
كـن المـراه ( ) بعينـه اطـافـي
واذا غلط في حقهـا مالـه إلحـاف
يركـد كمـا ( ) يـخـم الجيـافـي
هذي حقيقه والمراجل لهـا أعـراف
والنعـم ماهـو لرجـال الضعافـي
النعـم كايـد والمراجـل بتنشـاف
والطيـب لويخفـا لـزومٍ يشـافـي
جيل ٍ يحسب المرجله حضن وإلحاف
وتقبيـل خـد مبـرزات الـردافـي
حتى بهـذي علمهـم اسـودٍ جـاف
وعلـوم لـولا حبـتـك ياسنـافـي
جيل الردا جيل المهونـه والاتـراف
جيلٍ نسـا سلـم المراجـل وعافـي
مكيـج الخديـن واللبـس شـفـاف
كأنـه عـروس ٍ كاشخـه للزفافـي
ويحف شعـر اليـد ويهـز الارداف
يمشي غنج وعيونـه عيـون طافـي
هذا وانا ماعـم بـه نـاس ٍ نظـاف
اللـي ترحـب بالضيـوف الوافـي
والنعـم فيهـم لابغيتـه بميـقـاف
يثبت ويرسـي مايخـاف السوافـي
بسم الله انهي واضرب القاف بالقـاف
بسـم الله الرحمـن نزهـة قـافـي






حسن اكياد الظفيري

[الذيب]

صح لسان حسن اكياد الظفيري

عزالله هذا الكلام الي يجمد على الشارب

[راعي البويضا]

بسم الله الرحمن الرحيم :::

اول شي اذا دخلت ظفيرية المجلس راح تعيب القبيلة ...

وبعدين ليست من عاداتنا و تقاليدنا ...

وهذي وجهة نظري ...

تقبلوا تحياتي ...

[محمد بن طليحان]

والحين ثلاث مطيريات والله يزيد ، وعنزية ، وفضلية ليه يالفضلية وصلبية

داشات الإنتخابات طبعا غير الحضريات والشيعيات

يعني جك بم يمكن تلقون ظفيريه عارضه البروجرام حق الانتخابات

وسلاموون عليكووم

[الناخب]

اول من يؤيد مرشحة ظفيرية ولا تنسون فلبلد ديموقراطية :)

[كحيلآن]

اممممم عادي اي ظغوطات عليها تنسحب :):)

[ولد العجيان]

اشكرك على هذا الموظوع....

لاكن السبب :هو ان اذا دخلت المراه الانتخابات هذا الذي يعيب القبيله وهذاهوالسبب....

والله يعطيك الف عافيه.....

تقبلوا تحياتي::ولد العجيان...الرسيمي....

[محمد بن طليحان]

^^ Game Over ^^

[الظفيري SS]

^^ Game Over ^^

لوووول عزالله إلعبن غيرهاا

خلي المطران وغيرهم يلعبون هاللعب ما عندنا حريم يناشبن رجال

وبعدين راحت عليكن

[الظفيري SS]

شموخ شمالية


ممكن سؤال ......؟

إنتي الظفيريه المدرسه اللي كنتي تبين ترشحين نفسج ولا لأ ... !!

[فراس]

خووووووش والله

[متابع]

هع هع

الظفيريات بدو يؤيدون ترشيحهم للمجلس


لهن صوت مقطوع او بدل

صراحه يمكن يكون التغير منهن

وأطالب بالمال السياسي لدعمهن


بنات القبايل الثانيه مو افضل منهن عشان يرشحن نفسهن


نصير النصف الأخر

[عزيز الفوزان]

السلام عليكم ورحمة الله وبركاته

بعد التحية

اختـي شمالية ..

نحترم فكر المرأة ونثق بهـا وهي بلا شك النصف الاخر للرجل ..
لكن موضوع دخول المرأة المعترك الانتخابي فهو مختلف تماما ً
فمن ناحية شرعية .. لاتجوز ولاية المرأة

ومن ناحية الأعراف والتقاليد ايضا ً .. لايسمح للمرأة ..
ونحن هنا لانهمش دور المرأة .. ولانقلل من قدرها
بل بالعكس ..

بدون المرأة لما وجِد الرجال اساسا ً .. فالمرأة
هي التي انجبت الملوك والفرسان .. والمرأة
من يعتزي بها الفريس داخل الميدان ..

عبدالعزيز ابن سعود رحمه الله .. موحد المملكة
عندما يتعزوا يقول " انا اخو نوره " .. وجميع ابناء
القبائل كذلك ..

فالموضوع بعيد عن التفكير الحجري .. كما سمي في
الفتره الاخيره :) ..

وقار المرأة وجمالها في منزلها ..

[عزيز الفوزان]

ارى ان اختنا شماليه ..

وضعت هذا التساؤلا لاستطلاع الاراء

باأسلوب حضاري وعلمي ..

لذى نتمنى ان يكون على هذا النهج
وان نطرح وجهة نظرنا تكون بصورة مناسبه ..

[محمدالجاسمي]

لا مانع لدي
والمراءه على امد التاريخ كان لها حضور كبير وقوي ...

استدل بأمنا عائشه رضي الله عنها كانت تجالس مع الصحابه وتعلمهم امور دينهم وتثقفهم فقهيا

وايضا شجرة الدر ..والكثير على امد العصور..

لكن لابد من ان يحمل المجلس او أي مكان ترشح نفسه اليه من تعاليم ديننا الحنيف وان لاتكون هناك الخلوه الغير شرعيه وعدم الصراخ والمهاترات

وغير هذا لاامانع ابدا

[نزيف قلم]

شموخ شمالية كتبت الموضوع من فترة طويلة.


وانا اؤيد المرأه الظفيريه ترشح نفسها وتخوض الانتخابات كاباقي البشر .


انت ياالظفيري المتعصب : تمانع هذي المرشحة الظفيريه من خوض الانتخابات ، ونسيت كثير من بنات الظفير الذي تجدهن موظفات مع رجال ، (((اختلاط وقلة حيا)))

انت يالظفيري الشهم :تمانع المرشحة الظفيرية من خوض الانتخابات ، ونسيت كثير من بنات الظفير تجدهن مديرات في احدي الدوائر.

انت يالظفيري البطل المقوار: تمانع وتهاجم وتدافع عن الدين ونسيت كثير من بنات الظفير يسافرن لوحدهن ، بدون محرم.


كثير من رجال الظفير الان تغيرت مبادئة واصبحت الماده اساس الحياه تناسي ربه وعاداته وتقاليده الله المستعان.
ياابناء القبيلة ان كانت مرشحه ولاغيرها ، ماهو الفرق بين مرشحه ولا موظفه مع رجال بالعكس لواتينا للمصالح فنجد مصالحنا عند المرشحه افضل.

فاجعل عقلك في راسك وتوكل .


تقبلوا تحياتي

نزيف قلم

[لباسـة الجوخ الحمر]

بصراحه ما أظن فية ظفيرية جسرة أو وقحه ترشح نفسها

[السياسي]

والله مااظن لان اول شي هذي بتصير من عجائب الدنيا السبع واهي الثامنه

والاهم مااظن في ظفيرية مثقفه سياسية لو تسالها شنو المرتكاليه اعتقد بدور سنتين على ماتعرف هالمصطلح

والثالثه بتقوم الحرب العالمية الثالثه خاصة في وجود عدد لاباس فيه من التخلف والتعصب داخل القبيله

وشكرا

[قنـاص الاصـايل]

لا يجوز للظفيريه الدخول :-

بسبب

1- عــدم معرفتها الكافيه بالسياسه والاقتصاد ( معرفتها جاي الظحويه بس )

2- عـدم قدرة المواصله الى كل الدائره الرابعه بأكملها ( المواصله بيت الجيران وتحظر عروس )

3- تحتاج الى مفاتيح انتخابيه ( المعرفه بطب الشعبي بس )

[صوت الضمير]

فـي البـدايـة وإن نظرنـا للجـانب الشـرعـي فهـو لـا يجوزللـ فتـاة أن ترشـح نفسها

وهـذا بالطبـع الذي سيمنع بناتنا من خوض الإنتخابـات

ولكــن ..

أن يـأتي أي شخص كـان من ابناء القبيلة أو لا ويستخف بمدى ثقـافـة الفتـاة الظفيريـة فهـذا بحـد ذاتـه ما لـا أرضاه


فأخ يأتي ويقول هي لا تعي شيء بالأمور السياسة وليس لديها حصيلة ثقافية وأخر يقول بأن أكبر هموما الطب الشعبي وشاي الضحى .. ولا أدري هل هو يتكلم عن بنات الـ سبعينات !! ام 2008

وكأنهم يتجاهلون بأن

بنات الظفير منهم المهندسة والدكتورة والمعلمة والأديبة .. إلخ


ولكـن عقولهم فارغـة حصيلتها الثقافية لا تتعدى الألف والباء سياسياً وتحكم على الجميع من نظرتها المحدوده .



بنت الظفير

صوت الضمير

[ذيب شعطان]

وجهة نظري : والله اذا شمية خبر ان ظفيريه تبي تنزل أقطع راسهه
السبب : المرى مالهه الى بيته

[محمدالجاسمي]

فـي البـدايـة وإن نظرنـا للجـانب الشـرعـي فهـو لـا يجوزللـ فتـاة أن ترشـح نفسها

بنت الظفير

صوت الضمير

ارجو رجاء خاص عدم الفتوى

من قال لا اعلم فقد افتاء



قل رائك ولكن لا تفتي

وجزاكم الله خيرا

[صوت الضمير]

ارجو رجاء خاص عدم الفتوى

من قال لا اعلم فقد افتاء



قل رائك ولكن لا تفتي

وجزاكم الله خيرا


أهلاً بك أنـا لا افتي وهذه هي الفتوى يا اخي العزيز


وقد بيّن الشيخ عبد العزيز بن باز رحمه الله هذا الحكم ، جواباً على سؤال عن ترشيح المرأة نفسها لرئاسة الدولة أو رئاسة الحكومة والوزارة ، ونص السؤال : " ما موقف الشرع الإسلامي الحنيف من ترشيح المرأة نفسها لرئاسة الدولة ، أو رئاسة الحكومة والوزارة ؟ " ؛ فأجاب رحمه الله : " تولية المرأة واختيارها للرئاسة العامة للمسلمين لا يجوز، وقد دل الكتاب والسنة والإجماع على ذلك ، فمن الكتاب قوله تعالى: ( الرِّجال قوَّامون على النِّساء بما فضَّل الله بعضهم على بعض ) ، والحكم في الآية عام شامل لولاية الرجل وقوامته في أسرته ، وكذا في الرئاسة العامة من باب أولى . ويؤكد هذا الحكم ورود التعليل في الآية وهو أفضلية الرجال على النساء ، وهي أفضلية تدخل فيها أفضلية العقل والرأي وغيرهما من مؤهلات الحكم والرئاسة .

ومن السنة قوله صلى الله عليه وسلم لما ولَّى الفرسُ ابنة كسرى: (( لن يفلح قوم ولوا أمرهم امرأة )) رواه البخاري ، ولا شك أنَّ هذا الحديث يدل على تحريم تولية المرأة الإمرة العامة ، وكذا توليتها إمرة إقليم أو بلد ، لأن ذلك كله له صفة العموم ، وقد نفى الرسول صلى الله عليه وسلم الفلاح عمن ولَّاها ، والفلاح هو الظفر والفوز بالخير .

وقد أجمعت الأمة في عهد الخلفاء الراشدين وأئمة القرون الثلاثة المشهود لها بالخير إجماعاً عملياً على عدم إسناد الإمارة والقضاء إلى امرأة ، وقد كان منهن المثقفات في علوم الدين ، اللاتي يُرجع إليهن في علوم القرآن والحديث والأحكام ، بل لم تتطلع النساء في تلك القرون إلى تولي الإمارة ، وما يتصل بها من المناصب ، والزعامات العامة .

[محمد سالم الفراج]

شرعا ديننا الاسلامي يرفض اعطاء المرئة الولاية و مجلس الامة او البلدي كلها تندرج تحت طائلة الولاية .. تحياتي

[ولد الجواسم]

الصراحه هذا اللي ناقص ..
موضوج إستفزازي بالدرجه الاولى ..
ما عندنا حريم تدش الانتخابات ..
ليه قلت الرجال ..؟

[رائد السجيان]

اشووه للحين ولا ظفيريه نزلة الانتخابات بس حريم المطران نزلو الانتخابات وعنزه بعد وللحين ولا ظفيريه نزلت وانشالله ولا وحده تنزل وتفشلنا لوول



شــــعــــــــــــــــــــطـــــــــــــــان 205


$ i'm always the king $

[محمد القاسمي]

يا الله .. الموضوع مضى عليه أكثر من ثلاث أعوام


:)




يا سرع دورات الليالي والأيام ..

[يميزني سمو ذاتي]

انا اقول لا ادش بالانتخابات وخلها منثبره بالبيت انزين
ابي اسؤلج يعني اهلك يخلونج ادشين الانتخابات ولا لا ؟

[الكويتييه]

انا ما أيد دخول المرأه للمجلس وألحين تطلعنا ظفيريه ؟؟؟؟؟؟؟؟ حلوه هذي

[نزيف قلم]

انا اؤيد دخول المراه بالانتخابات




خلووووووووووهاااا

[اليوسف]

صوتي لها

[المنبر الاعلامي]

صوتي لها

انت سعودي شلون تصوت !!

[السلطان]

بسم الله الرحمن الرحيم

والله انا مستغرب من الشباب الي يقول ظفيرية مو زينه بحقها ولا حق القبيلة انها تنزل مجلس سواء بلدي ولا امة

انا ابي اول شي اسئل الجمـــــــــــيع:
شنو فيها لما ينزلون نساء المجلس وخصوصا لما يكونون تحت قبة برلمان حساس بالدولة والله لو فيه حرمه كفوا وتنزل المجلس والله لوكانت ظفيرية ولا من قبيلة ثانية وفيها الهقوا عن الف رجال
والله اول صوت لها لان ياجماعة الخيرررررر ملينا وحنا بصناديق لاقتراح وحزة الظهر اتصوت ولما ينجح الرجال جنك لا عطيته ولا وصلته البرلمان شغلك متعطل وجربنا ظفيري وغير ظفيري وبالعكس انا لما اشوف بنت من بنات القبيلة لها مكان مرموق بالدولة والله انه يرتفع راسي لانها بنت عم وتحمل اسم القبيلة بكل شرف .

[كلي وفاء]

اول شي مشكوره على الموضوع

ثانيآ احنا عندنا غيره على حريمنا

وبعدين مو ناقصين شماته

Thanks

[مهرة الظفير]

والله انا ودي تصير وانا معها اول مرشح لها وليش شفيها يمكن البنت احسن من ارجل
الف مره ............ واللي يبي يهجم علينا هو يعرف الحريم زين مانحتاج وصف وبعدين هالحين
اغلبيت الرجل مع حريمهم لاتقول لا عقب الزوج سولف هي تصير الرجل

والله يعطيكم العافيه....

[لباسـة الجوخ الحمر]

والله للأسف اكثر المرشيحين اللي الحين امرهم مو بيدهم
ويمكن الحريم افضل منهم

[عبدالهادي العسكر]

حرام تصير فضيحه على كل لسان..

رجاجيل الظفير ما قدرت توصل هالنوب حرمه ..!!!!

[الـعـمـار]

السلام عليكم ورحمة الله وبركاته



قوله صلى الله عليه وسلم: " لن يفلح قوم ولَّوا أمرَهم امرأة " رواه البخاري

الله المستعان

[خزنة]

هلا وغلالالالالالالالالا اختي شمووووووووووووووخ شماليه-----------------------------------------------------------------------------------------------------------------ان شااااااااااء الله ندخل مجلس الامه او المجلس البلدي ليه وش احسن منا اللي بالمجلس البلدي السعودي--ماشاء الله اوصلن بالعكس شئ راائع ماعليج منهم اللي يقولوون عيب وما عيب قبل يقولوولنا عيب تركبن السياااراات والحييييييين كلهن يسقن السيااااارات الدنياااااااااااااااااااا قلابه وانا اختج راااااااااااااح ندخل المجلس ان شاء الله وما فيها عيبه العيبه الدنفسه -------------- اختكم خزنه

[777]

هلا وغلالالالالالالالالا اختي شمووووووووووووووخ شماليه-----------------------------------------------------------------------------------------------------------------ان شااااااااااء الله ندخل مجلس الامه او المجلس البلدي ليه وش احسن منا اللي بالمجلس البلدي السعودي--ماشاء الله اوصلن بالعكس شئ راائع ماعليج منهم اللي يقولوون عيب وما عيب قبل يقولوولنا عيب تركبن السياااراات والحييييييين كلهن يسقن السيااااارات الدنياااااااااااااااااااا قلابه وانا اختج راااااااااااااح ندخل المجلس ان شاء الله وما فيها عيبه العيبه الدنفسه -------------- اختكم خزنه

كبيتيها ومشيتي! ... منو انتي تقولين الحشي هذا شنو محلش من الاعراب يا بنت العم ... المرأه تراها في بيتها وبس .. تخيط و تشق ... إذا صارت بره تخيط وتشق بجسدها .. يا بنت العم
إبن العم 777 المزيون ... على شان ما تهاجمين هههه

[ولد الجواسم]

يا ويلي بس هي وصلت للمجلس ؟...
اشوف لهستوا ..؟
قبل قياده السياره واللحين المجلس وباجر مدري شنو ..
على الطلاق اللي يأيد دخول ظفيريه للمجلس موهب رجال ..
ليه قلت الرجال ..؟
والا شنو ..؟
موضع استفزازي وربي ..
لو فيج خير قولي لابوج او لخوك ابي ادش الانتخابات ..
ـههههههههههههههههههههههـ
قسم بالله يتلونج مع شعرج ويحلقونج على الزيرو ... << خخخخخخخخخخخ
ويسحلونج سحل ..
وجايه تكتبين بالمنتدى اللي تبينه ..
لانج ما عندج الجرأه تقولينها بغير هالمنتدى ..
الله يخلف على اهلج اذا هذا تفكيرج ..

[مهرة الظفير]

ههههههههههههه لا بالله تطلق اصلا الوحده الحين معشها وبكدتها تقدر اللي تبي تسويه

بشهادتها وبعدين انتم ذبحينا لاتدش ولاتدش دش انت مو راجل يالله نشوفج انتم لا شهاده ولا شي غلبيتم عسكرين ؟؟؟





والله لو انككم غريب عندي لفرك جبهتك بالقاع <<< غشمرهه

[777]

أتمنى من المهره الحلوه عدم التحدث بكبرياء ..شوفي العسكر صاروا عسكر لأنهم ما كانوا بالبيت يدرسون و يعملون واجباتهم المدرسيه بالمنزل ... تحمدين الله انك بنت وكنتي بالمنزل تسوين الواجبات .. وتفوقتي و صرتي اللي صرتيه..بس الرجال ارجال .. و البنات .. مكانهن منزلا فيهي رجال من أخ و إبن أو أب وزوج

[مهرة الظفير]

هلا 777 انا مافيني كبرياء انتم تخلون الوحد فيه كبرياء وبعدين انتم انجنيتو يعني ليش ماتصير
وشنو السبب اللي ماترضون فيه المراء تصير رد على بصرحه

[ولد الجواسم]

ههههههههههههه لا بالله تطلق اصلا الوحده الحين معشها وبكدتها تقدر اللي تبي تسويه

بشهادتها وبعدين انتم ذبحينا لاتدش ولاتدش دش انت مو راجل يالله نشوفج انتم لا شهاده ولا شي غلبيتم عسكرين ؟؟؟





والله لو انككم غريب عندي لفرك جبهتك بالقاع <<< غشمرهه

يعني حتى الطلاق مو هامج ..؟
افا بس افا ياحلو حريم قبل تكفخها وتزعل دقيقه قصدي دقيقتين على شان ما نظلمها << خخخخ
وتجيك مروحه تراضيك << يطقها وتجيه تراضيه والله عقولهم يوسعن بلد ..
وبعدين والله لو بحلف كان حلفت انكم مستعدين تتركون والوضايف بس تحصلون معرس ياخذكم من بيت اهلكم << طايحات بجبود اهاليكم خخخخخخخخخ
البيت مالها الا زوجها ووضيقتها وعيالها وخلي الباقي على الرجال ..
والرسول قال صلى الله عليه وسلم " لا بفلح قومن ولو امرهم لأمرأه "
قولي شي عن الرسول بعد ..؟ < ههههههههه
تفركين فرتي << عادي تمونين خخخ

[مهرة الظفير]

يعني حتى الطلاق مو هامج ..؟
افا بس افا ياحلو حريم قبل تكفخها وتزعل دقيقه قصدي دقيقتين على شان ما نظلمها << خخخخ
وتجيك مروحه تراضيك << يطقها وتجيه تراضيه والله عقولهم يوسعن بلد ..
وبعدين والله لو بحلف كان حلفت انكم مستعدين تتركون والوضايف بس تحصلون معرس ياخذكم من بيت اهلكم << طايحات بجبود اهاليكم خخخخخخخخخ
البيت مالها الا زوجها ووضيقتها وعيالها وخلي الباقي على الرجال ..
والرسول قال صلى الله عليه وسلم " لا بفلح قومن ولو امرهم لأمرأه "
قولي شي عن الرسول بعد ..؟ < ههههههههه
تفركين فرتي << عادي تمونين خخخ


وبعدين قديمه تكفخون الحريم هذا اذا انت متزوج الحين العكس ياولد اقعد لا يطيح عليك شي من فوق من االجذب خخخخخخ

حلوه طايحات بجبود اهاليكم هههه تضحك ليه طايحات اصلا منو ياخذكم كلكم ماتشتغلون اللي يشتغلون ينعدون على الصابع ياعمي روح بس انت منو اي الجواسم عشان اعرفك عدل

[777]

[size=5]و الله يالمهره ماكو امرأه تدش الانتخابات و هي مره تقولين القانون معاها أعطاها الحق بكل شي كأنها الرجل بس .. تراها مخلوق من الضعف و عدم التكيف ويا الأزمات .. أنا أحترم المرأه و أقدرها كونها .. خلق من الله أتصلت بالرجل لوجود وسيلة التفاهم .. بس صدقيني لو ظهر مخلوق آخر .. يمكن الإتصال به لكانت في خبر كان وانقضى على جنسكم ... /size]

[ولد الجواسم]

المهره ..
صار العكس << قرب يوم القيامه لوووول
بدينا شغل الحش والقرض بالناس اقولج من اي الجواسم على شان على طول تسالين العجوز وتقولينها يمه فيه جاسمي من الفلان شسموه ....؟ ههههههه
انا ادرس وبحيل الله ابيض وجه لابتي < قولي انشالله

[مهرة الظفير]

يعطيك العافيه وانا معاك تعبتك خخخ

[مهرة الظفير]

المهره ..
صار العكس << قرب يوم القيامه لوووول
بدينا شغل الحش والقرض بالناس اقولج من اي الجواسم على شان على طول تسالين العجوز وتقولينها يمه فيه جاسمي من الفلان شسموه ....؟ ههههههه
انا ادرس وبحيل الله ابيض وجه لابتي < قولي انشالله

هههههههههههههههههه جنك تدري خخخخخخخ بطني ان شاء الله يالله روح ادرس

ههههههههههههههههههههههههههههههخخخخخخخخخخخخخخخخخخخ

[مهرة الظفير]

ولد الجواسم موضوع القواسم شنو يعني عدتها مرتين شنو امانه قول