تحب غيــــري ..

[ظفيرية كويتية]

السلام عليكم ورحمة الله وبركاته

بسم الله الرحمن الرحيـــم ..


شلــووونكم أخواني وأخواتــي ..

اليوووم عندي لكم قصيده أحبهـــا للشاعــره بشاير الشيبانــي ..



تناديني بإسـم ثاني وتحلف زله بلسانــي

وقلبي يحضن كذوبك عماه الحب صدقنـــــي

أحس إني غريبه عنك وقلبك هاجر أوطانــي

يا خوفي يصدق إحساسي وألاقي الحب ظالمني

أتوه في حيرة أفكاري وأضيع بغربة أحزاني

وأدور في الملا عيونك أناظرها تصد عنـــي

أناديك بشقى همي تروح بعيد وتنســـاني

وأقول بداخلي أصبر يا قلبي لا تلوعنــــي

ولين أقبلت مثل الحلم وأقول الله يهواني

وأسلي نفسي بأوهامن إهي بالتالي تخدعنــي

أشوفك سارح بفكرك بعيد بعالمن ثــــاني

وقلبي حاير بأمرك وإحساسه يعذبنـــــي

أنا من كثر ما أحبك رسمت الكذبه بألواني

قدرت أكذب على نفسي وخاب اليوم بك ظني

حبيبي إنتا تحب غيري تفضل روح وإجفاني

عرفت اليوم مقداري كفايه لا تعشمنـــي

ولا في داعي تشرح لي وتحلف زله بلساني

خلاص إرحل لها ارجوك لاتـــوقف تطالعني


*-* مع الــف تحيـــه .. ظفيريه كويتيــه *-*

[قلبي^شمالي]

صح السانها وصح السانج بعد :) ومشكوره أختي علي النقل

[الذيب]

صح لسان شاعرتها الي عمرها ماكتبت قصيدة ,,,

ولاهنتي اختي ظفيرية

[خالد الطلاحين]

ههههههههههههههههه الذيب ,,




ظفيريه أختيار موفق وقصيده جميله ,,


صح لسان شاعرتها ,,
وسلمت يمناج عالنقل ,,




تحياتي ,,
خالد الطلاحين

[أبو تركي]

شكرا لج أختي ظفيريه كويتيه
على القصيده

وصح السان الشاعر الكبيره بشاير الشيبانــي


أخوج : أبو تركي

[حمد الفويزان]

الذيــــــب......<<< كفو يالغالي كنت بقولها قبلك..

على العموم... ألف ألف ألف شكر لج ياظفيريه علىالإختيار الموفق ..

/
\
/
\
/
\

والحُب بين الشخصيــــن يكونُ مُرحب به حينما يتبادلهُ الإثنان..

بين قلوبها مودةً كامنة وظاهره.. ومدٌوجزر,, لا يختلفان..

بورك ما قدمتي ..

وصح لســــــــأأأنج..

[ظفيرية كويتية]

مشكوووورين اخوانــــي الف شكــــر على المرور الرااااااائع ..

[دروبك يالسهر]

أحس إني غريبه عنك وقلبك هاجر أوطانــي

يا خوفي يصدق إحساسي وألاقي الحب ظالمني


ظفيريه .. يسعد مساك ..
اختيار رائع

[ظفيرية كويتية]

درووبك يا السهــر ..

مشكـووور علىالمــرور .. الأروع أخووي ..

[بنت أبوهـا]

تناديني بإسـم ثاني وتحلف زله بلسانــي

وقلبي يحضن كذوبك عماه الحب صدقنـــــي


صح لسان كاتبتها

ويعطيج العافيه على النقل ظفيريه كويتيه

[ابن عجيان]

..................................!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!,,,,,,,,,,,,,,,,,,,,,,,,,
اشكرك على هذي القصيده....

والله يعطيك الف الف الف عافيه....

وتقبلو تحياتي:ابن عجيان...