هـــواجـــيـــس المــحــبــه

[أحمد الرجعـان]

على هاجس التفكير ليلي غدا ليلين
سرت بي هواجيس المحبة وراعيها
انا ضايق صدري من الهم لي عامين
من الحزن تبكي دمعتي قبل لا ابكيها
انا يا وليفي وين انا والسعادة وين
حرام علي ما ذقتها بس اراعيها
تمنيت يا وجدي على شوفتك هالحين
توجد هنوفٍ حرها فقد غاليها
تمناك قلبٍ خج فيه الوله سكين
يبي ضمها باقصى ضلوعه ويخفيها
تهون الجروح الموجعة ما عدا جرحين
جريح الوداع وجرح فرقى وطاريها
بغيت اتغير واتلهى مع اللاهين
حسبت اني انساها ولانيب ناسيها
من الذكريات الخالدة من غلى الغالين
يجيب الخيال مداعبتها وأحاكيها
ذكرته بليلٍ راح ثلثه وبقي ثلثين
تخيلت وش كثر التشوق لطاريها
تولعت في حبه وفعيونه الحلوين
هذيك العيون اللي خجلها محليها
حياتي بعد فرقاه مهيب ويا الزين
على أيديه مستقبل حياتي وامانيها
للـشــاعر/حـمـيــد بـن مــحــمــد الـنــعــيــمي -شاعر قبيــلة أل نعـيم

[.]

صح لسان شاعرها ولاهنت عالنقل قصيدة رائعة

[قلبي^شمالي]

صح السان شاعرها وصح السانك بعد ومشكور عالنقل :)

[أحمد الرجعـان]

الله لا يهينكم يا الربع على المرور منكم :)
واكرمكم الله

[الأديب]

قصيدة جميلة وتسلم ايدك على النقل يامياو ,,, لاتعبت

[أحمد الرجعـان]

تسلم يا الغالي شعطان والله لا يهينك ،،، لا ندمت :)

[ابن عجيان]

اشكرك على القصيده الرائعه ....

والله يعطيك الف الف الف عافيه على هذا الابداع....

وتقبلي تحياتي:ابن عجيان....

[نايف السلمان]

صح لسانك ولسان شاعرها
تحياتي لك