البـرهـان
06-10-2006, 10:57 AM
الشاعر الكبير فلاح القرقاح القحطاني شاعر فوق مستوى النقاد ومستوى الحديث
وحبيت ان اتحفكم بقصيدته التي يوصي بها ابنه محمد ويرسلها الى الشاعر سلطان بن وسّـام الهاجري ولا اعلم ما هو سببها
واليكم اياها
فـلـذة كبدي محمد لنفعاته طراه = الله يخلي محمد لعين ٍ ترتجيه
ذاخره في بيت عز ٍ ينومس من بناه = الكرم والعرف والدين والعرض النزيه
بيت ابوك اللي ما ينشب لسانه في جماه = وانت من عرقٍ سنافي ومن عرقٍِ نبيه
جد عمك منسف وسيف وشداد ٍ حماه = وجد خالك هيبه وسمعة ٍ مثل الجنيه
افتخر بالاصل والفصل والدين النجاه = يوم يفر المرئ من امه ومن ابيه
وفي الشهادتين والصوم وايتاء الزكاه = والصلاه وحج من يستطيع السبل اليه
يسلم المسلم لربه ولا يعبد سواه = حب , توكل , رجا , خوف , كفر ٍ بالشبيه
اتبع سنة نبيك لو تصير اشتباه = في نظر من لا يخاف الله ولا يتقيه
واعلم ان النوم بين الاقامه والصلاه = حسره وغبن وندامه على اللي يهتنيه
والريا والغدر والكذب ما يذري ذراه = والحسد والظلم والكبر ينهي مبتديه
والربا نار ٍ تلظى ولعنته تغشاه = وكاتبه وآكله و موكله وشاهديه
واحذر الفتنه ولا تنقض عهود الولاه = واجب البيعه قبل هيبة شعار البريه
من نشا عوده على المعصيه عاقت صباه = وشبع جوع وثقل حمل وكلّت منكبيه
ولا تجي غايتك مثل السبيل لمن بغاه = تحذف ثوبك على النار وتقول : احفظيه
ولا تخاوي من تغلبه على العرف العياه = ترا الاحمق ما يدلك على الشور الوجيه
ولا تجالس من يذم المقفي في قفاه = حتى لو ان كل عذروب قاله فيه .. فيه
الله لا يسعد صباحه ولا يسعد مساه = عز نفسك عنه ولا يجيك ولا تجيه
و دلو خلان الرخا لا تجوّد في رشاه = من كلته النار منهم توقــّا والديه
ولا يذلل ضيف مجلسك لو يرفع عصاه = ولا تردى في نسيبك ولا ترخص ذويه
وحتى سابع جار لو جار لا تسهج حماه = عقـّب اللي ما ينومس قصيره ويحميه
واحتمل زلة رفيقك ولا تبحث خفاه = سيـّةٍ تدفع بحسنا وذخر ٍ تقتنيه
و سدد وقارب وكل امرئ ٍ له ما نواه = وكل رجال ٍ قدايم علومه تحتريه
بعدها قم قام حظك وشد الانتباه = وانص جنبك اهل الفعايل مطاليق الوجيه
وخص سلطان بن وسـّـام وابلغه الوصاه = شاعر ٍ عاقل ولا يسفهه غير السفيه
من ربوع ٍ مثل ضلع ٍ يزبن من نصاه = لا ثقل حمل البليهي وبحل به البليه
عزوة ٍ منا وفينا ولا منهم غناه = قبل امس وامس واليوم واللي يقتفيه
سلمه خط ٍ حروفه تليق بمستواه = وحب لي خشمه وراسه وسلم لي عليه
وقله ان البحر بامواجه وملحه وماه = ومده وجزره وساحله واللي يحتويه
ينلحق مداه وابوي ما يلحق مداه = لو يتيه بوجهة الرحله اللي ما يتيه
يدري الاموات واللي على قيد الحياه = فيهم اللي يكرم الصقر واللي يشتويه
وكان شاف المخلص المجتهد يلقى جزاه = نظرة عيون ٍ تبيع الغلا ما تشتريه
اكتفى بالنيه وصار سيف ٍ في خباه = ما يساق العود الازرق على اللي ما يبيه
( زبدة الموضوع من مبتداه لمنتهاه = من اول بيت القصيده الى اخر ما يليه
الكفو عثرة لسانه تقلل من غلاه = والردي يخطي ويبطي لا منه ولا عليه
والثقه كنز ٍ ركونه تنومس من بناه = والحكي لو نزّه الدنس ما دنـّس نزيه )
وحبيت ان اتحفكم بقصيدته التي يوصي بها ابنه محمد ويرسلها الى الشاعر سلطان بن وسّـام الهاجري ولا اعلم ما هو سببها
واليكم اياها
فـلـذة كبدي محمد لنفعاته طراه = الله يخلي محمد لعين ٍ ترتجيه
ذاخره في بيت عز ٍ ينومس من بناه = الكرم والعرف والدين والعرض النزيه
بيت ابوك اللي ما ينشب لسانه في جماه = وانت من عرقٍ سنافي ومن عرقٍِ نبيه
جد عمك منسف وسيف وشداد ٍ حماه = وجد خالك هيبه وسمعة ٍ مثل الجنيه
افتخر بالاصل والفصل والدين النجاه = يوم يفر المرئ من امه ومن ابيه
وفي الشهادتين والصوم وايتاء الزكاه = والصلاه وحج من يستطيع السبل اليه
يسلم المسلم لربه ولا يعبد سواه = حب , توكل , رجا , خوف , كفر ٍ بالشبيه
اتبع سنة نبيك لو تصير اشتباه = في نظر من لا يخاف الله ولا يتقيه
واعلم ان النوم بين الاقامه والصلاه = حسره وغبن وندامه على اللي يهتنيه
والريا والغدر والكذب ما يذري ذراه = والحسد والظلم والكبر ينهي مبتديه
والربا نار ٍ تلظى ولعنته تغشاه = وكاتبه وآكله و موكله وشاهديه
واحذر الفتنه ولا تنقض عهود الولاه = واجب البيعه قبل هيبة شعار البريه
من نشا عوده على المعصيه عاقت صباه = وشبع جوع وثقل حمل وكلّت منكبيه
ولا تجي غايتك مثل السبيل لمن بغاه = تحذف ثوبك على النار وتقول : احفظيه
ولا تخاوي من تغلبه على العرف العياه = ترا الاحمق ما يدلك على الشور الوجيه
ولا تجالس من يذم المقفي في قفاه = حتى لو ان كل عذروب قاله فيه .. فيه
الله لا يسعد صباحه ولا يسعد مساه = عز نفسك عنه ولا يجيك ولا تجيه
و دلو خلان الرخا لا تجوّد في رشاه = من كلته النار منهم توقــّا والديه
ولا يذلل ضيف مجلسك لو يرفع عصاه = ولا تردى في نسيبك ولا ترخص ذويه
وحتى سابع جار لو جار لا تسهج حماه = عقـّب اللي ما ينومس قصيره ويحميه
واحتمل زلة رفيقك ولا تبحث خفاه = سيـّةٍ تدفع بحسنا وذخر ٍ تقتنيه
و سدد وقارب وكل امرئ ٍ له ما نواه = وكل رجال ٍ قدايم علومه تحتريه
بعدها قم قام حظك وشد الانتباه = وانص جنبك اهل الفعايل مطاليق الوجيه
وخص سلطان بن وسـّـام وابلغه الوصاه = شاعر ٍ عاقل ولا يسفهه غير السفيه
من ربوع ٍ مثل ضلع ٍ يزبن من نصاه = لا ثقل حمل البليهي وبحل به البليه
عزوة ٍ منا وفينا ولا منهم غناه = قبل امس وامس واليوم واللي يقتفيه
سلمه خط ٍ حروفه تليق بمستواه = وحب لي خشمه وراسه وسلم لي عليه
وقله ان البحر بامواجه وملحه وماه = ومده وجزره وساحله واللي يحتويه
ينلحق مداه وابوي ما يلحق مداه = لو يتيه بوجهة الرحله اللي ما يتيه
يدري الاموات واللي على قيد الحياه = فيهم اللي يكرم الصقر واللي يشتويه
وكان شاف المخلص المجتهد يلقى جزاه = نظرة عيون ٍ تبيع الغلا ما تشتريه
اكتفى بالنيه وصار سيف ٍ في خباه = ما يساق العود الازرق على اللي ما يبيه
( زبدة الموضوع من مبتداه لمنتهاه = من اول بيت القصيده الى اخر ما يليه
الكفو عثرة لسانه تقلل من غلاه = والردي يخطي ويبطي لا منه ولا عليه
والثقه كنز ٍ ركونه تنومس من بناه = والحكي لو نزّه الدنس ما دنـّس نزيه )