اعتذر لو زعلتك

[السدير السعيدي]

راسك علامك رافعه يـوم أحاكيـك
الظاهر إني فـوق حجمـك عطيتـك

لحظه نبي نرجـع دقيقـه لماضيـك
بذكـرك فـي أي حـالـه لقيـتـك

كـان الضيـاع ودمعتيـن تخاويـك
منهار وفي عـز إنهيـارك خذيتـك

وأرخصت عمري لجل أحبك وأداريك
هدمت قصـر الـذل فيـك وبنيتـك

كـان الغـلا شمعـه تنـور لياليـك
لوأظلمت دنيـاك جيـت وحتويتـك

ياللأسف كنت أمدحك وأفتخـر فيـك
رفعت من شانـك وعليـت صيتـك

كنت أنت عندي غير ما أقدرأخليـك
أموت وأحيا إن قلـت سـم وفديتـك

واليوم أشوفك خنت حتـى مباديـك
صغرت في عيني وأنا اللي هويتـك

الضيـف لـو إنـه عـدو معاديـك
غصب عليك تقـدره وسـط بيتـك

ياصاحبي بتمـوت مانـي براجيـك
وإشره علي إن كان حتـى طريتـك

لاصار ذل النفس في قلـب يغليـك
يلعنـك ياقلـب عشقـك وشريتـك

إضحك حبيبـي دام وقتـك مسليـك
باكر تمـوت مـن القهـر لانسيتـك

[ظفيري بلس]

ماشالله اروع ما قرأت من ابداعععععععععععععع بصراحه ومن غير مجامله

الابيات من اولها اليا اخرها تعبر وقويه بمعانيها

اتمنى ان تتواصل الابداع يالقرم

[جابر الظفيري]

صح لسانك ولاهنت قصيدة قويه