هل قيادة المرأه للسياره افضل من ان تكون مع السائق ؟

[محمد بن طليحان]

السلام عليكم ورحمة الله وبركاته


اعضاء منتدانا المخضرمين


لو عملنا استفتاء وخيارات حول قيادة المرأة للسياره او مع السائق


ماذا ستختارون لكل عضو وجهة نظر ونحترمها وناخذ بها ونقدرها


عزيزي العضو او العضوه


هل قيادة المرأه للسياره اذا دعت الظروره افضل من ان تكون مع ذلك السائق الاجنبي؟

او ركوبها مع السائق الاجنبي افصل من قيادتها لوحدها في مخاطر الطريق ؟


السؤال هنا على ان المرأه لوحدها والظروره والظروف تحتم عليك احدى الخيارين


ننتظر تعليقاتكم وخياراتكم ومنكم نستفيد


تحياتي

[كحيله]

وعليكم السلاااام والرحمه
لا بصرااحه انا اايد انها تسوووووووق مع اني ما احب السواقه
لان يا ماها سوااااق ودروا اهلهم
يعني ذبحوا معازيبهم بسواقتهم وهم طلعوا ما فيهم شي
وياما نسمع سوالف ومشاكل من السوااااااااق
لانه مهما كان غريب
وشكراااااااااااااااااااااااا

[محمد القاسمي]

انا لا اؤيد ان الحريم يسووقن


مابقا الا هــي... حرمه وبالشارع تسوق... مصيبه.. يمكن بالكويت مو مصيبه وامر عادي

لان شعب الكويت صار عنده امر طبيعي ان يشوف مره تسوق وماسكه الخانه اليمين

مثل الشاحنات خخخخخخ... ومتجوده ( متمسكه) بالسكان عدل عشان ما ينحاش السكان(المقود).. اترجم لكم :)

ولكن بالمملكه ماراح تصير ابدا...... مو شكوك بالمرأه... ولكن مخاطر الطريق... كثيره


:)


ومثل ما قال الشاعر ياسر التويجري


افتح القـرآن يالله او حديـث السنـه
واعطني اقوى دليـل يفنـد العلمانـي

كانه مكفر فعطنـي مقضـب المنسنـه
والله الوالي لجبـع عاتـق النصرانـي

وان غدا عاصي فرحبي للذي وش كنه
عين نبع من صفاها تروي العطشانـي

شيخي اللي منته منـه ولا أيـة منـه
ضلع قلبي بيض وجهي جدي الروحاني

عزكم يا العوده اللي تكسـرون الشنـه
وعزنا بالدين حنـا شيخنـا سلمانـي

الخوارج حوطونا مثـل سـور العنـه
عذرهم رايين لازم واحـد مـع ثانـي

وآخـر الاراء شفتـه واحتقرتـه لنـه
الدليل اللي يؤكـد نزغـة الشيطانـي

ودهـم ان العـذارا يركـبـن الـدنـه
ويتمشن بالشـوارع كـان بالامكانـي

علموا راع المعارض كان يبغى الجنـه
لا يبيع الا الرجـال وعلـم الحمرانـي

والله ان البنت والله لو تسـوق بفنـه
ان تصيـر بمملكتنـا ثـورة الشبانـي

وان تشن الحرب شنه ما وراها شنـه
وان يصير الزيت واللي يطلبن مجانـي

لا تقيس الدار هاذي مع ربـوع فينـه
ولا تقارن هالشبـاب بواحـد لبنانـي

أبـك ذولا مجرميـن وعالـم منجنـه
عشقهم لحم الجمال وطبخة الضبانـي

الهلالي مثل شكلي لـو يجـن ينخنـه
في عطال القيـر والا قفلـة البيبانـي

في طريق مظلـم مـا للموبايـل رنـه
مقطعه ما فيه حوله مرمـرة سكانـي

وش يسوي يا جماعه ؟!.. الله اعلم انه
يفتح المصحف ويقرا سورة الرحماني!

علم الزلفـه يوقـف لا نخيـب ظنـه
فالقصيد اللي بحـده خنجـر عدنانـي

ايه شاعر والدلاله كسـرة فـي سنـه
لأنعمى ينطح بوجهه نطحـة العميانـي

الله اكبر يا قرى مكه ويا اهـل السنـه
عرضكم اصبح نقاش لواحـد علمانـي


شكرا قنــاص

[محمد بن طليحان]

شكرآ

على التفاعل مع الموضوع

[فهد الحزيم]

انا مع قيادة المراة للسياره .لعدة اسباب ومنها

تكون بامان اكثر .يعني تدير بالها اكثر بالسواقه خصوصا اذا كان عندها عيال
تخفف المسؤوليه على الرجل من تلبية مشاويرها
تقدر تتحكم بالموقف اذا احد تحرش فيها بالسياره ..الله يصلحهم يا كثرهم ,,
والرجال تكون عنده سياره ثانيه يبدل معاها ...

بس هم هذا الشي له عيوب ...استقلالية المراه مما يسبب المشاكل الزوجيه
زيادة مصروف العايله من تصليح و بانزين

الله يحفظ حريمنا وخواتنا من شر شياطين البشر ..اللهم امين

[محمد بن طليحان]

والله يحفظ حريمنا وخواتنا من شر شياطين البشر ..اللهم امين

مشكور يا فهد الحزيم على التفاعل

[حمد الفويزان]

السلام عليـــــــــــكم..


أخوي قنــأأص المزايين...


والله إني تحاشيّت الرد على مثل هذا الموضوع..لأنه.. خـــــلأص أصبح شي عاادي القيادة

يــــــأأ حبيبي المرأه وصلت إلى المجلس... وإلى قيادة الرجــــــــــل... ولا تُريدها تصِل ‘لى المِقود..!!!

هههههههههههههههههههههههههههه <<<< شر البليةِ ما يُضحِك...

الاخ العزيز فهد..

خايف على المصروف وةزيادته بس...


يعني لم يخف على عرض النساء وفتنة السيارت... وما وراء الفتنه من دمار.وهتك للأعراض...

الله يصلح أحوالنـــــــــــــأأ...


أنـــــــــأأ لدي قيادة.. أتمنى مِن المرأه التقيــــــــد بهـــــــــأأأ... وهي قيــــأأدتهـأأ لبيتها وأولأدهــأأ

وزوجهـــــــأأ... وعليها التعلم والتكيّف على هذه القيادة...

فما أجملهــأأ من قيــــــــــأأأدة...


بورك ما قدمــــــت.. أخي العزيز..


تقبل تحيـــــأأتي

[خالد الطلاحين]

والله انا اقول إنها ماتسوق خير شر أحسن :)



لان بالحالتين خطره عليها السواقه

مع السائق / رجال غريب وماضن سهله تثق فيه إنت ماتدري وش اللى بيصير يمكن بالكويت عادي لان شوارعها مزدحمه ومنوره بس بالمملكه أغلب الشوارع فاضيه وضلمه والصراحه ينخاف من السائق بكل الأحوال :)


ولما هي تسوق هم صعبه عليها من المشاكل والتحرش
يعني بالحالتين صعبه عليهاا مالها الا ضناهاااااااااااااااااا :)


ومشكور عالموضوع يابن طليحان

[بنـــت ظفـــرا]

انا اعتقد اني البنات لازم يسوقن لانه من حقهن..




.

[محمد بن طليحان]

لان من حقهن

نبي كلام يدش العقل

وشاكرلج يابنت ظفرا

[محمد بن طليحان]

نبي تفاعل يالربع

[وليد الطلاحين]

السلام عليكم...
مشكورر يا بن طليحان (قناص المزايين)
على قضيتك اللي مع احترامي طرحها جاء متأخر,
ولكن مع هذا تبقى قضية مهمة تشغل المجتمع.


بالنسبة لرأيي...فأنا أؤيد أن المرأة تسوق ولكن في حالات خاصة
مثلا: اذا ماكو احد بالبيت الزوج مشغول , أو ما عندها اخوان يخلصون لها
مشاويرها... ":)"

أما اذا بتقولي (سائق) فانا ارفض هذا الشي...
لان النبي-صلى الله عليه وسلم- قال:
(( ما اجتمع رجل وأمراة الا كان الشيطان ثالثهما ))
اعتقد انكم فهمتوا جوهر الحديث


وشكرررراا ":)"

[خالد الطلاحين]

صح كلامك اخوي وليد ,,,


وفعلاً انا واحد من الناس اقول لا سايق ولا تسوق المره أحسن :>

اما الحالات الخاصه ممكن تسوق بس بحالات الظروف الصعبه


ويعطيكم العافيه عالتفاعل ومشكور ياقناص على طرح الموضوع




خالد الطلاحين

[محمد بن طليحان]

شاكرلكم التفاعل

[أبو تركي]

من وجهة نظري
عادي المرأه تسوق السياره
وهذا اليسمونه التطور

وشكرا لك أخي العزيز قناص المزايين
على الموضوع الجميل
و المهم

[محمد بن طليحان]

هلابك يا بو التطور انت

شكرا على التعليق

[ولد العود]

هل قيادة المرأه للسياره اذا دعت الظروره افضل من ان تكون مع ذلك السائق الاجنبي؟

او ركوبها مع السائق الاجنبي افصل من قيادتها لوحدها في مخاطر الطريق ؟




وينا حنا ما نقضي مشاوير اهلنا ,, على هالدواوين ولعب ورقه وطيحة حظ ,,

صراحه في تقصير كبير من جانب الرجال (( أخوانهن وعيالهن )) وأنا أقوول أن المرأه ما

تطلع برى البيت إلا لحالتين :-


1- للولاده


2- للمقبره


:)..

دمتم بخيــر

[خالد الطلاحين]

ولد العود ..



ليه عنيف انت هههههههههههههههه

الله يعين :)





خالد الطلاحين

[ظفيرية كويتية]

السلام عليكم ورحمة الله وبركاته ..

والله آنا مو بايعه عمــري أركب مع سااايـــق ..

آنا اشووف انه المــرأه تسووق برووحهــا أحسن من انها مع سايــق ..

وشاكره لك اخوي
على طرح الموضوع

[أبو تركي]

كلامج صحيح أختي ظفيريه كويتيه

[فهد ساير الظفيري]

يعطيك العافيه اخوي الغالي

قناص المزايين

موضوع رائع من انسان ارووع والله يوفقك يارب ،،

وانا مع قياده المراءه للسياره وضد فكره السايق ،

لان السايق ماهو محرم وهذا مايجوز شرعا واذا

كان هناك ضروره فالاسلم انها تسوق السياره ،،،

ولاكن الطريق الاصوب والامثل ان كل واحد فينا

يودي خواتها وبناتها وحريمه بنفسه وهذا هو الطريق الصحيح ،،

تقبلوا مروري البسيط ،،،،،،،،،،،

[مياسه الظفيريه]

يعطيك العافيه اخوي محمد على طرحك لهالموضوع

وبصراحه اول موضوع اشارك فيه في هالمنتدى :)
.
.
.


بس تعبنا من هالموضوع ولله .. وخصوصا في السعوديه

صاير ازمه

انا اشوف ان قياده المرأه للسياره افضل من استخدام السايق الاجنبي

بس يكون معاها احد يعني اطفالها .. احد اخوتها ..

سواء كانت ربه بيت ولا عامله ..

يعني ربه البيت قد يكون احد اولادها مريض .. وزوجها غايب لظروف عمل ولا شئ .. توديه للطبيب .. وتقضي حاجات بيتها ..

والعامله الافضل انها ماتروح مع سايق اجنبي ..بعد

هذا رأيي ..


والف شكر لك اخوي مره ثانيه

تقبل خالص احترامي

اختك

مياسه الظفيريه

[العلجاني999]

انتم طالبين كل واحد ورايه او شوره
انا اقول المره لا تسوق ولا مع سايق انا اقولكم اسبب
انا موجود على حادث مرا بالكويت بتحديد مادري بس بالكويت طايحه بلارض وكاشف ماخلق الله ولا واحد شاله وكانت هي السائقه بي سيارته ولا احد داق على السعاف انا شالت اطرفين اداعم والمدعوم وذهبت اله المستشفى فيهم وصار الي صار بس لا ايد ان المراء تسوق الله لا يقوله سوته حادث وش تسوي المرا خوافه

امه الهندي غير مضمون
انا سمعته سالفه صارت بالكويت هندي خاطف بنت من بنات الي يشتقل عندهم وذهب فيها اله البر وفعل فيها الفاحشه وهرب وخلها في البر وجاء شاب وشالها اله المخفر وعممو على الهندي ومسكوه وش سوو فيه سفروه ونفضحت البنت


مايسوا انكي تنفضحين بين العالم احسلك مع اخوكي ولا ابوكي ولا الي يغربولك هاذا رايي بس
اخوكم
العلجاني999

[ابن الذرعان]

الخياران الإثنان .. مرفوضان...........

[^^أحلى ظفيريه^^]

والله وهقه السواقه ماتصلح للمرأه لانها خوافه
والسايق ادهى وادهى وحرام خلوه الرجل بالمرأة
وانقردت المرأه الابو والاخوان اشغالهم واجد(روؤس دول)
والزوج الديوانيه لمن يخليها
وانا اقول قاري (دراجه)ومشى عمرك

[مثقفة الظفير]

بالنسبة لي فعندي تفصيل بالمسأله --
اذا توفر المحرم الذي يرافقها مع السائق فالسائق في هذه الحاله افضل من قيادتها أما اذا كان المقصد هو ان يختلي السائق بها في الطرقات فالأفضل لها القيادة لكن بشروط وضوابط أن لاتكثر الخروج الا عند الحاجة وان لاتذهب الى الطرقات البعيدة الا بمصاحبة والدتها ان كانت عند اهلها او احد ابنائها اذا كانت متزوجة -- ايضا ان تحتشم في لباسها فهذا أسلم لها من ذئاب الطريق وكم من فتاة دفنت بسبب تهورات الشباب وملاحقتهم للفتيات ------ أخيرا إخواني الأعزاء لدي معاتبة لكم وتقصيركم مع اخواتكم او بناتكم جعلهن يطالبن بضرورة القيادة فلو كان كل رب أسرة يعتني بأخواته أو بناته لما أحسسن بهذا النقص فأصبح الرجل في الوقت الحالي يعتمد كل الاعتماد على المرأة التي تقود السيارة فهي التي توفر كل مايحتاجه بيتها وأولادها ونسي او تناسى انها عرضه بغض النظر عن كونها من اطهر الطاهرات ولكن ذئاب الطريق لاتترك احد في طريقه--- وشكرا وأتمنى انكم تتقبلون نصيحتي بصدر رحب