مانع بن سويط

[متاابع]

يالله عسى ماتكره النفس خيره******* ياوالي القدره عليـك التدابيـر
اللي فرق بين العشير وعشيره********هو له وانا ليه ولي المقاديـر
وراك يامانـع تبتـن بجيـره**********زودن على تلطيخكم بمالعايير
انا صليبيـه ولانـي نحيـره************وانتم نحايركم رقاب المناعير
حنا صليب ولاعلينا تحييـره**********عاداتنا ننزل خلاف الدواويـر
مانع اذا ركب الجواد الظهيره**********ماله مثيل يعلم الله سوى الزير
زير العراق اللي ربى بالجزيره***********شيخ كبير ووافـي بالتشابيـر
والله لا ابدل دارهم لي بديـره*************نتبع مزون ماشيات المحاديـر




بعد التحية لقيت هالابيات في احد المنتديات

فحبيت نعرف السالفة الصحيحة من هل العرف


مع اني اعرفها بس يمكن يوجد رواية اصح
ولكل مجتهد نصيب

[ركّاب البويضا]

هذي الدقيس الصلبيه اعتقد انها كانت عاشقه مانع ويوم درا مانع قالها انا ما اعشق صلبيه وقام يقط عليها كلام قوي

وقالت هالقصيده


وعندما شدوا الظفير قالت قصيده تعتبر من اشهر القصايد النسائيه


امس الضحى عديت في راس مزبور \\\\ اشرف على راع العلوم الدقاقه

انا شفاتي واحدٍ من هلا الهور \\\\ هو عشقتي من ناقلين التفاقه

عوق الظليم اليا تحدر مع الخور \\\ دمه جرا ينقط على عظم ساقه

هو صار لي عوقٍ وانا صرت ثابور \\\ والكل منا صار شوفه شفاقه

يلعب بقلبي لعبة الغوش بالكور \\\ يومي بي اوماي العصا بالعلاقه

غديت انا لا ابدي ولا احدي ولا اثور \\\ كني خلوجٍ عاقلينه بساقه

يا ونتي من ما بكبدي من الجور \\\\ ونة ضعيفٍ ضاهدينه رفاقه

حبه سمر قلبي ورا مسه الزور \\\ سمر الحديد اللي جوادٍ حلاقه

ترا الرجال أبهم تمازيح وغرور \\\\ ومن قبل بخصه لا يجيلك عشاقه


فلما سمعت ام الدقيس هذه القصيده حبت ان تواسي ابنتها فقالت لها

برقٍ يجنب عنك لو شفت به نور \\\ بالك تخيله لو ربيعك شفاقه

فردت عليها الدقيس ببيت من الشعر يعتبر من اعلام الشعر النبطي


من لا استشارك لا تبديه بالشور \\\\ ومن لا يودك سعد عينك فراقه



هذا ما لدي واعتقد انه صحيح

[متاابع]

هذا الصحيح وصح لسانك ياركاب البويضا



ماجبت الا العلم الغانم

[كحيلان الظفير]

زين انها عرفت مقدارها الصلبيه

ونعم والله بمانع السويط

يعطيكم العافيه على النقل...

[ركّاب البويضا]

بس مانع بن سويط الله يهدااااه ....




لو معطيها رقمي كان مقزرها عليها بالليل بس هو الله يرحمه عنيد



:)