محمد بن طليحان
27-06-2006, 04:44 AM
رواية : نايف بن حمود السويط
على دور (( نايف بن سويط ، كانت قبيلة (( حرب )) هكالحين تحت (( محمد بن رشيد )) . و(( ابن رشيد )) بزماُه حاكم ، وبينه وبين نايف ابن سويط معاهدة ، على انهم ما يوكل لهم حلال . بعدين جن بعارين من حرب عند (( مانع المانع اسويط )) . واشار نايف بن سويط على مانع . قال : يا مانع أمّا تدّي البعارين لابن رشيد ، ، وامّا تنتزح عن ديرتنا ، تصير لك بغير قبيله ، حتِّنْ نعتذر نقول : (( مانع أبعد يم القبيلة الفلانيه مهو عندنا مهو بحكمنا )) .
وشال مانع ونزل عند مطير ، ويوم نزل عند مطير ، قاموا يتغامزون بُه بعش محاريث السِّوْ ! قالوا هذا جانا (( مانع )) مجْرِمٍ (( لابن رشيد )) و (( مجرم لابن سويط )) . ما قالوا لُه بوجهُه . لكن سَمْعَهْ رجّال طيب ما يداني الضغت . يوم سَمْعَه وهو يطوي بيته ويشيل . وينزل على ابن سويط ، ويبي يدِّي . وقال لُه قصيده ويسمح له ابن سويط بالبعارين ، وسمح له حتى ابن رشيد بهن ، يقول :
يا راكبٍ من فوق حمرا ردومي=فتر ظهرها من غريبات الاجناس
مرباعها بين الحجر والحزومي=ليا غدا من فوقها مثل الاطعاس
عن ديرة الحقران حنا نشومي=وأفعالنا يشهد لها طيّب الناس
ليا ركب اللي حمرا قحومي=فكاك ذوده يوم الازياق يباس
وحنا ننحر اللي يحملون زومي=وليا حملنا زومهم ما بها باس
وحنا زَعَلنا بيننا بالخشومي=وعلى المعادي من حنيثين الأدواس
يتلوّن (( نايف )) مثل حر الرجومي=على رضيع الديد مسقينه الكاس
واللي ضرب بمخلبه ما يقومي=علف عليه الطير فرخٍ وقرناس
منقوول من
كـتـاب قـبـيـلـة الـظـفـيـر
دراسة تاريخيه لغوية مقارنه
صــفــ158ــحـــة
تحياتي قنـاص المزايين
على دور (( نايف بن سويط ، كانت قبيلة (( حرب )) هكالحين تحت (( محمد بن رشيد )) . و(( ابن رشيد )) بزماُه حاكم ، وبينه وبين نايف ابن سويط معاهدة ، على انهم ما يوكل لهم حلال . بعدين جن بعارين من حرب عند (( مانع المانع اسويط )) . واشار نايف بن سويط على مانع . قال : يا مانع أمّا تدّي البعارين لابن رشيد ، ، وامّا تنتزح عن ديرتنا ، تصير لك بغير قبيله ، حتِّنْ نعتذر نقول : (( مانع أبعد يم القبيلة الفلانيه مهو عندنا مهو بحكمنا )) .
وشال مانع ونزل عند مطير ، ويوم نزل عند مطير ، قاموا يتغامزون بُه بعش محاريث السِّوْ ! قالوا هذا جانا (( مانع )) مجْرِمٍ (( لابن رشيد )) و (( مجرم لابن سويط )) . ما قالوا لُه بوجهُه . لكن سَمْعَهْ رجّال طيب ما يداني الضغت . يوم سَمْعَه وهو يطوي بيته ويشيل . وينزل على ابن سويط ، ويبي يدِّي . وقال لُه قصيده ويسمح له ابن سويط بالبعارين ، وسمح له حتى ابن رشيد بهن ، يقول :
يا راكبٍ من فوق حمرا ردومي=فتر ظهرها من غريبات الاجناس
مرباعها بين الحجر والحزومي=ليا غدا من فوقها مثل الاطعاس
عن ديرة الحقران حنا نشومي=وأفعالنا يشهد لها طيّب الناس
ليا ركب اللي حمرا قحومي=فكاك ذوده يوم الازياق يباس
وحنا ننحر اللي يحملون زومي=وليا حملنا زومهم ما بها باس
وحنا زَعَلنا بيننا بالخشومي=وعلى المعادي من حنيثين الأدواس
يتلوّن (( نايف )) مثل حر الرجومي=على رضيع الديد مسقينه الكاس
واللي ضرب بمخلبه ما يقومي=علف عليه الطير فرخٍ وقرناس
منقوول من
كـتـاب قـبـيـلـة الـظـفـيـر
دراسة تاريخيه لغوية مقارنه
صــفــ158ــحـــة
تحياتي قنـاص المزايين