يا مدلعه

[السدير السعيدي]

(( يامـــــــدلعة ))

--------------------------------------------------------------------------------

جتني تقول الوضع ما بينــّا شاب

عطني الصراحة كان عندك صراحه


هو ليه ما تنشر مآسيك بكتاب


وتعطيه للي يدّعون الفصاحه

قلت الشعور احيان صادق وكذاب

ولا فيه نفس إلا تدور النصاحه

يا مدلعه لا تغرك ايام الاحباب

ما كل وجه ٍ لا ضحك به سماحه


بعض السوالف نجمها للملا غاب

واحيان ظبط النفس للنفس راحه

ما كل طير ٍ بالسما حام بعقاب

ولا كل شخص ٍ لك يبيّن نجاحه


يا شينها لا خانت وجيه الاصحاب

والكل في وجهك يشهّر اسلاحه


تعيش مذهول ٍ من الوضع منصاب

ما مر في ذهنك للاحداث ساحه


وسلامتكم

[زهور]

قصيدة رووووعه مشاء الله عليك
خصوصا هالبيت
يا مدلعه لا تغرك ايام الاحباب

ما كل وجه ٍ لا ضحك به سماحه

ولاتحرمنا من جديدك
ونسيت همن هالبيت عجيب
يا شينها لا خانت وجيه الاصحاب

والكل في وجهك يشهّر اسلاحه

[نايف السلمان]

قصيده جميله
تحياتي لك