(( ديوان الأمجاد وفخر الأجداد )) (( قصائد في قبيلة الظفير )) [الأرشيف]

كحيلآن

22-06-2006, 11:32 AM

أحب أن أضع بين أيديكم كل قصيده كتبت في قبيلة الظفير
وهذا المشروع هدفه أن يطلع كل زائر أو باحث على ماكتب في هذه القبيلة الشامخه من مديح تستحقه
وللأمانه ان هذا الموضوع منقول

حنا الظفير .. وفعلنـا يرفـع الـراس
والكـل منّـا عـاش مرفـوع راسـه
حنا صنعنا المجد فـي يـوم ٍ إعمـاس
يوم العرب تشكي حـروب و تعاسـه
حنا ذهب صافـي مرصّـع بالألمـاس
و كـل ٍ علـى الزلـة شديدإحتراسـه
حّنا هل الفزعات فـي موقـف اليـاس
نجلي عـن المضيـوم همّـه وباسـه
حنـا بخوّتـنـا مـعّـزة ونـومـاس
حنا الفخر.. اهلـه و ربعـه و ناسـه
حنا المزون السود صعبيـن الأمـراس
معانديـن المـوت .. نشـرب بكاسـه
حنـا لهـا يـوم إن الافكـار تنحـاس
وكـلاً علـى ماقيـل يلبـس مقاسـه
أفعالنـا عنـد العـرب مالهـا أقيـاس
واللـي يعاديـنـا تجـيـه إنتكـاسـه
ظفران؟ اي والله من العـرق للسـاس
ثوب الفخر.. و الطيـب حنـا لباسـه
مافيـه شكـه لا ولا فيـه وســواس
صغيرنـا للطيـب يـدرس دراســه
عدونـا بالحـرب يبشـر بـالأفـلاس
وقصيرنـا بالطيـب نضـوي عماسـه
ودخيلنـا بالضيـق علـيـه حــراس
نغطي عليه رجـال عـون و حراسـه
يوم الكريهه يـوم حبسـات الانفـاس
تلقـى لنـا صولـه وعـز وفراسـه
لو تجتمـع كـل القبايـل فـلا بـاس
كلن على الطـولات معـروف ساسـه
وشيوخنـا بالعـز والعـز نـبـراس
اهل الكرم والطيب واهـل الشراسـه
انخا السويط إن كنت تشكي من الاتعاس
أنخا الشيوخ أهـل الفكـر والسياسـه
ومنّا السعيد اللي على الحرب شـراس
أهل الفخر والجـود وأهـل الرياسـه
ومنّا الكثير اللـي ليـا هـب نسنـاس
عدوهـم تظهـر عـلامـات يـاسـه
وقـت الشدايـد لا لفـا كـل عبـاس
ربعـي يعيشـون المعـادي عبـاسـه
و منا الجواسم ما وطوا درب الادناس
اهـل العلـوم الغانمـه و الحمـاسـه
و منا العريف اللي كمـا هـد قرنـاس
ترخـي الجبـال العاليـه بالسيـاسـه
و حسناننـا ايـااام تقطيـع الارمـاس
مثل الشـرار تخـاف شـر التماسـه
و ذرعاننا للمجـد حبـر ٍ و قرطـاس
مسطرين المجـد طيـب و ضراسـه
ولادندندت صوت المياديـن باجـراس
عسكـر ابـد مايعـرفـون انتكـاسـه
وان كنت ناوي معرفـة قـوة البـاس
تلقا اعلجاني طيـب مـع قـو باسـه
والا معدانـي ضربتـه كنهـا الفـاس
يوطى علـى صابـر عـدوه مداسـه
حنا على الطولات ما نعـرف اليـاس
نرقـى الطـوال ونستحـل الرئاسـه
تشهـد لنـا كـل المخاليـق والنـاس
الكـل منـا عـاش مرفـوع راســه

لجموعه من شعراء الظفير

كحيلآن

22-06-2006, 11:33 AM

ما دام كلٍ يفتخر بالطـول أنـا مانـي قصيـر
نعمٍ باجواد العرب وأنـا بعـد / هـم أجـودي
ماني ردي واللي بعـث للعالـم محمـد نذيـر
ولاهوب عيبٍ لاذكرت أفعال ربعـي وسنـدي
شب القصايد واشعل الساحة كما البرق المنيـر
دامه فخر حنا الفخر اسمع قصيـدي ومقصـدي
لي لابةٍ ما تشحذ الامجـاد مـن نـذل وحقيـر
لابـة تعلـى اسمهـا فـوق الثريـا والجـدي
اسطورة ومجد انبنا تاريـخ وامجـاد الظفيـر
أسال وانا ماجاوبـك اسمـع جـواب المعتـدي
يقول لك شيٍ مضى شيب به الطفـل الصغيـر
يوم ( اللقا ) فيه العمر كم واحـدٍ ساقـه فـدي
كم راس شيخٍ منحني من ضربة السيف الشطير
وكم من هنوفٍ خدها من الدمع رويـان ونـدي
واسال عن أمر الحثربي ان كان لك قلبٍ ضرير
والله لـولا الله وثـم شيوخنـا كـان يـغـدي
الله يقبـل حجـة دغيمـه جزاهـا الله بخيـر
قالت ( بويتي ) بالعهد غايب دغيـم يـا ولـدي
قال ازبن بويت العجوز وصف راسك لا يحير
حنا بعون الله فداك وصاح ماجـد يـا بعـدي
واسال عن اللي بطنيته قد مات من شان البعيـر
قصيرته يوم انتخت يا ( عقوب ) تكفى يا سندي
وابيك تسال من ذبح ضنـوة فـواده للقصيـر
ويقول اذبح ضنوتي دامـه كسانـي باسـودي
اليا سمعت اسم شعطان الموت بعروقـك يسيـر
تقرا الشهاده وتستخر وان عشت تذبحلـك فـدي
سبعة جموعٍ كوّنـت بركـان شـرٍ مستطيـر
الـورع فينـا لازعـل كفـه لسيفـه يهتـدي
خيال القروى لانتخا ابن سويط باليـوم العسيـر
لاثار بركان الغضـب سرنـا ولاحـدٍ يقعـدي
حنا هل الفعل الكبير اكبر كثيـر مـن الكبيـر
حنا هل الفعـل الـذي عدواننـا فيـه تحـدي
{ والله لنهب عشقتي وازبن بهـا يـم الظفيـر
ازبن معطرت النمش } يا شين قالوهـا حـدي
فينا شيوخٍ لانتخت الطيـر مـا يقـدر يطيـر
وان جاك اخو سلمى غدا ليلك سـواده سرمـدي
ضنوت حسن فعلٍ حسن راس الكرم شر وشرير
واليا حضر كلٍ سكت صارت بسـاطٍ احمـدي
وان جاك اخو طفله غدا من يسلم طعونه كسيـر
من شان ابن سدره طنا ثم قال موتـي بمرقـدي
سوالفٍ أكثر كثير مـن الحكـي واكثـر كثيـر
متفرقـه ياقوتهـا والماسـهـا وزبـرجـدي
حنا المنايا سهومنا تفرق عشيـرٍ عـن عشيـر
وحنا الولد فينا على كسـب النواميـس يعـدي
وحنا نقلط ضيفنا على الصحـن مالـه خشيـر
وحنا غزينا باهلنـا وكـلٍ يصـوت يجهـدي
منهو يسوي سواتنـا بالـدور الأول والأخيـر
وش عاد لو فينا ردي مابه عـرب مابـه ردي
نمشي على نهج النبي واللـي بنهجـه مستنيـر
واسلامنا هـو ديننـا وبكتـاب ربـي نقتـدي
قلته وانا اللي من نسل[عايذ]علـى شـرٍ وخيـر
اللي عزيـزٍ جارهـا والقـول جـاك موكـدي
وان كان صار المسألة تفخر وأنا أسكت مايصير
نعمٍ باجواد العرب وانـا بعـد ..هـم اجـودي

مـــاجــــد بن مــحــمــد الــعـــايــذي

كحيلآن

22-06-2006, 11:34 AM

قال الذي من زيـن الاشعـار نظـم
يصخر بيوت ٍ مـن ضميـره نقاهـا
من عادتـه لا قـال للقـاف يحكـم
يقدي المعاني قبـل يحـدث خطاهـا
جواهر مـن داخـل القلـب تـرزم
ارزام سحـب والشمـال يحـداهـا
الرس مايوصـف ولا يشبـه الجـم
والشـط فيـض بالقـرام ومـلاهـا
مثايلن عـن خاطـري تجلـي الهـم
امـدح شيـوخ عالـي مستـواهـا
شيوخ يخـلا لجاههـم غالـي الـدم
تـدري مواقفهـا وتكـرم لحـاهـا
شيوخ على طرق الشكـا لـه تقـدم
نسـل الفهـود اللـي بعيـد مداهـا
رجالهـم فـي ماقـف العـز مهتـم
ورجله على نوماس يتعـب خطاهـا
رجال السويط اللي على الطيب تجزم
اللي بيـوم الضيـق يـذري ذراهـا
كـن المراجـل فـي يديهـم تقسـم
خـذوا مباديـهـا وزادوا وراهــا
وفي معجزات الطيب تاريخهـم تـم
صفحات مجد تعجب اللـي قراهـا
الحثربـي فكـوه والجمـع يــردم
بمصقـلات طلعـت مـن خبـاهـا
في ساعـه مالـه صديـق ولاعـم
ضاقت به الدنيـا وضيـق فضاهـا
زبن معطـرة النمـش قبـل يعـدم
وفكوه مـن نـاس تـدورا قضاهـا
وصار الطراد وغبر الجـو واكتـم
والخيل بالميدان مـا احـد حصاهـا
وعيوا به المرشد على كـل مـن زم
يا سعد والله من لجـا قـي حماهـا
والثانيـه قصيـرهـم دوم يحـشـم
نفسه عن الشدات حاشـوا رضاهـا
ذبحـة ولدهـم بالتواريـخ تـرسـم
اللي عـرف تاريخهـم مـا نساهـا
ذبحـوه عنـد الجـار قبـل يتفلهـم
وجلوا عن الكبـد العذيـه صداهـا
ومـر بذبحـة والـده مـا تهضـم
سويطات ساقت جارها مـن ضناهـا
والثالثه فيهـا هـل العـرف تعلـم
موته عقـوب وش سبـب منتهاهـا
علـم بصيحـة جارتـه قبـل يعلـم
وعاف الحيـاة اللـي قليـل حلاهـا
كظم وجسمه عقـب غيظـه تحطـم
يا عـل روحـه بالجنـان مهواهـا
فعايل مـا هـي مـع النـاس تكتـم
تنومـس اللـي بالمجالـس حكاهـا
نبـي نفهـم مـن نشـد ليـن يفهـم
واللي بحـث عـن الحقايـق لقاهـا
يبحث عـن اللـي بالشكالـه تزعـم
شيخ الظفير اللـي يكـف ومراهـا
عجمي السويط اللي على الطيب يقدم
اللـي جميـع الطايـلات احتواهـا
وفيصـل سنـاده بالمراجـل تلـزم
دخل مواقيـف الشـرف واحتماهـا
عسـاه مـن كـل العواثيـر يسلـم
في جاه منزل غيثهـا مـن سماهـا
اقطع من البالود وامضى من السـم
سياستـه مـا كـل رجـل قـواهـا
ولا نيب حال اللـي بعرفـه تغيشـم
النـاس نعـرف ميلهـا مـن قداهـا
وصلوا على اللـي بالعدالـه تيمـم
اعداد رمل القـاع واللـي وطاهـا

الشاعر شــبـــــــــــــــاط بن عــبــــد الــرحمــن الجـــاســمي

كحيلآن

22-06-2006, 11:35 AM

وهذي قصيدة ماجد الحثربي في الملحمة التي سطر فيها الظـفير اروع الامثلة بالحمية والشجاعة والاقدام والبطولة وبحماية الجار والدخيل

ياراكب حمرا من الهجـن حايـل
مبرية الذرعـان حمـرا سجلـه
حمرا تشادي مبرمـات المحايـل
وان سل مخطرها مع البير ولـه
تلفي على الحبلان هـل النقايـل
عيون التيوس مرضعين الاسلـه
بالعون مـا فكونـي اولاد وايـل
ابشـر دخيـل بيوتهـم بالمذلـه
ما ظل لي غير السويطات ظايـل
دغيم ثنى بالسيف دونـي وسلـه
السويطات ماهم من هزال الحمايل
من ماكر يفرس من الصيد جلـه
السويطات يعطون المهار الاصايل
المعرقـه وعنانهـا تبعتـن لـه
واخو دغيما القرم ماضي الفعايل
دخيلهـم مـا يمشـي الحـق لله
ومانش ما لمـت عليـه القبايـل
ياكود ما رب المـلا كاتبـن لـه
واليوم احمد اللة بهـاك المسايـل
بايمن زرود ونازل عثعـثٍ لـه
وارعى بظل عصيل ولاني مسايل
عنـد المزينـي مطلـعٍ شذرتلـه
ولاسلت عن راس بة الزوم طايل
ياكود سعدون وانـا شاهـدن لـه

كحيلآن

22-06-2006, 11:37 AM

والقصيدة واضحة وابياتها تحكي عن مضمونها ..اخو دغيما هودغيم بن سـويط ...
وقاموا ال ســويط وحطوا في البويت شقة بيضاء(خرقة) واصبحت شعارن لهم من هكاليوم الى اليوم وهي دلالة على حماية الدخيل

كحيلآن

22-06-2006, 11:38 AM

تابع للقصائد معركة( كـــــــــــــون الــعـــوجــــــــــا ) .....
القصيده لشاعر الظفير سند الحشار رحمه الله

الله ياخالـق طـويـلات الجـبـال
خالق(ن) ريش(ن) ترفع بـه الحـوم
خالـق اللـي لاتهـزهـز ولا زال
يشقا به اللي خـلا سـاري(ن) دوم
ياللـي عليـك المتكـل دب عمـال
اتشيم الحانـا ياوليـي عـن اللـوم
جينا على حرش العراقيـب حـوال
نسعل عن اللي بأول الوقت ماسـوم
متحيزمين(ن) وصايرن(ن) على أولام
ونعين صياح(ن) ورا الحزم مضيـوم
وجانا الشقاوي بالوعد وابـن هـذال
من ديرة البشري على فطر(ن) كـوم
وهج الدبش من مرتعه عقب مقيـال
مثل سراعيـف الدبـا طالـع القـوم
وجينا فزيع(ن) فوق عجلات الأزوال
وثار الدخـن منـا ومنهـم هكاليـوم
يوم الدخن مـن بيننـا تقـل عـذال
وهو موردتنا مرخص العمر عمعـوم
من مفرع العوجـا لحـد الأجـلال
تبشـر الضبعـا تبـا تلقـى لحـوم
ينقل به الضبع العـرج نقـل حمـال
ويفطر به النسر المبلم عـن الصـوم
مابين السبايـا والركايـب ورجـال
ومن ناعم (ن) بين السراديد مضموم

كحيلآن

22-06-2006, 11:38 AM

فج النحـور بوقـت جلـس العراميـس
يا راكب مـن فـوق طلقـات الايمـان
بسعـود قطـاع الفجـوج المرامـيـس
فـود اهلهـن مـع حزاويـر قطعـان
حمـر تشـادى عيونـهـن للمقـايـس
حمـر تشـع اذيالهـن تقـل شرطـان
راحن بعلـم وكـن اهلهـن عواسيـس
حمـر ينهضـن الميـارك بالامـتـان
قبلـة شمـال مـن حبيـل القراطيـس
حـزت معشاهـن اعصيـر المسيـان
ما ربعن بأطـراف سـرح الجواميـس
يرعن بروس مشذب بـارض قيطـان
شفن وهفن عـن حساسـات الرواميـس
يشدن نعامـن طالعـن شـوف زيـلان
حمايـلـن مــا دنـقـو للدنافـيـس
يلفن مضيف عيـال نايـف وسلطـان
وحضرو وقلطـن الـدلال المحابيـس
اليـا جلستـو وامتـلا البيـت ديـوان
حمس النجـاض بحاميـات المحاميـس
واليـا شربـت مهيـل تقـل سـيـلان
بحضـور ديـوان الشيـوخ الجواليـس
احك الجـواب وشرفـو بـه صنيتـان
يحكـى بقضيـه لازمـه والتعاميـس
قل يا شيخ لا تضيع من حكالك ومن كان
حزت غياب الشمـس جينـا مراويـس
حنا اليـا هـو هيـت للزمـل عبـدان
فرق الفرنجى عـن حديـد الفرنسيـس
وحنـا نهـار الكـون نفـرق بميـدان
على غدير بـاول الوقـت مـا ديـس
ناتى كما ورد علـى الشـرب شفقـان
اليا صار ما يخزى الشياطيـن وابليـس
وترا القصا يرث علـى الشيـخ فقـدان
ولا اجدعـوا عنـا كثيـر اللوالـيـس
امـا تنصينـا بعـيـدات الاوطــان
والخاسـر اللـى باعنـا بالحراسيـس
الرابـح اللـى يشتريـنـا بالاثـمـان

الشاعر سند الحشارالقاسمي رحمه الله
المرضَية

كحيلآن

22-06-2006, 11:39 AM

وله ايضا

إقـده ووده يالمعـنـاه مسـيـره
ياراكـب حـر خفيـف المعاليـق
مرواح قطـاة بالخـلا مستذيـره
زرف الخطا عجل الخطا بالتصافيق
بديار من يسقي المعـادي مريـره
حزت إطلوع الشمس مع فكت الريق
من الراس ما فيه واحد مستشيـره
معك جـواب مثـل در المفاويـق
خصه بعلم وقـل ترانـي بشيـره
ليا جيت <ابو ردام> زين التوافيـق
طلق الحجـاج ولا يملـه قصيـره
ياريف من مسوا حبـال النقانيـق
على العشير اليـا تذكـر عشيـره
البعد ما هو نكـره ولا التفاريـق
إخطانن إتقسم وانتوينـا الجزيـره
عنكم نحنـا مبعـدات الطواريـق
متغزريـن بالجمـوع الكثـيـره
المنتفق جونا علـى فكـت الريـق
وبـدان جـوخ ماتميـز حريـره
وبالكون جبنا المطالي والمطابيـق
هل الوهايـب والعطايـا الكبيـره
رحنـا لديـر معذبيـن المخاليـق
لعازاتنـا حنـا وهلنـا ذخـيـره
هل لنا يـوم الوقـوت السوابيـق
اليا نثـرت وبـل الثريـا غديـره
نرعى نبات املحلحـات البواريـق
غصـب وعقبـان القايـل اديـره
ترعى بنا طفـح البكـار الهداليـق
دوم يبجـون الـديـار العسـيـره
إقفوا بنا ربع على الكود والضيـق
اليا كربوهن ما خطاهـم قصيـره
بيض الدفوف وناسعات السماحيـق
مـا سنـدوا دون جمـع الكسيـره
وعندك خبرهم يوم جتك المخاليـق
الموت يردونـه بصفـوه غديـره
ربع على جمـع الموالـي هداليـق

كحيلآن

22-06-2006, 11:40 AM

حنا ( الظفير ) مظفرة ظافرينـا
نشرب قراح الدم لأجل قصرانـا
والدم لأجـل الجـار مايرتوينـا
نطحن عظام المعتدي ولا كفانـا
نصفح وندمح لا أسـف معتدينـا
ومن طول العيلات شاف المهانا
حنا هـل الطـولات ومعربينـا
سقنا مغاتيـر المراجـل معانـا
مانذخر الفزعات عـن منتخينـا
نثور لأجل اللي زهمنا ونصانـا
وحنا ذيابة شـر لامـن عوينـا
ما للعدو ممسى بنشـوة اعوانـا
صـوارم نـوايـف شامخيـنـا
تاريخنـا مسطـور كـل قرانـا
ما ندحر العدوان وهـم نايمينـا
نمشي لهم بالضو وقت مغزانـا
وفك الدخايل شيمتن بـه ربينـا
مانعرف الصدات عـن دخلانـا
و( الحثربي ) شاهد قصيده علينا
فكته حرمه كيف باقـي اعربانـا
وما حنا من اللي بمشيهم مايلينـا
حنا نعدل من مشى فـي ذرانـا
حنا نطـول الطايلـة لا مشينـا
والقاع ترعد هيبـة مـن مشانـا
نصبر على صكات بقعا ورضينا
ما نشكي العثـرات ممـا لجانـا
حنا ( الظفير ) وأرض نجد تبينا
غصب عن اللي بارضنا ما بغانا
مع ( ال سعود ) العهد حنا عطينا
حنا رضينا بحكمهـم وارتضانـا
كف السلام نمـده لمـن يجينـا
ما نقصره لو كان مخطي وجانـا

كحيلآن

22-06-2006, 11:40 AM

وهذه القصيده قالها الشاعر سند الحشار بعد انتصار الظفير على من فرض عليهم السرب وهي من ضمن القصائد التي قيلت في واقعة ضبع المشهوره حيث طلب الشيخ حمود بن سويط شيخ قبيلة الظفير حضور الشاعر سند بعد ان تقاضى الشيخ حمود بن سويط لجيرانه من السعدون شيوخ المنتفق

ليا روحت تشدا رفيـف المحايـل
راكبا مـن فـوق ملحـا معفـاه
ربدا وزوله مـع الحـزم زايـل
بحيلك تشد اعضودها وانت تلقـاه
ضفت افخوذه بالثفـان الجلايـل
ماتداني المحجـان يلمـس مقفـاه
تلفي لبو تركـي رفيـع الحمايـل
تقصر مسيرك كان طول امعشـاه
وصلت وعيدتنا صحيح صمايـل
قل الوعيده كـان حنـا وعدنـاه
وتحللت كـل العقـود الوصايـل
بلى لنا وباقـي المعانـي تركنـاه
ما تنصحونه يـوم تـاه القوايـل
الشيخ تـاه وتيهتـه مـا حملنـاه
واصبح بمضماتن عن المقر عايل
تيهة دليل ضيـع المقـر بعشـاه
ايضا ولانصبر على الحمل مايـل
ياما على عرق الضماير كوينـاه
وحنا مسقيـن المعـادي غلايـل
حنا هل الجيران وحنا هل الجـاه
يحشم ولاتكثـر عليـه الضوايـل
ياجارنا عن دمعة العيـن نرفـاه
ولاحد يرده عن نبـات المسايـل
يمشي بكيفه ماتصفـت رعايـاه
وردت بساقتنـا جميـع القبايـل
وان سلتنا كل المـوارد وردنـاه
عادتنـا ورد علـى كـل طايـل
لو هو طويل ويبهض الحيل برشاه
عيـو عليـه مزبنيـن الدخايـل
الحثربـي يـوم القبايـل تمتنـاه
وليا اليوم تغنيبه سواويـق حايـل
لياما نهـج منـا يبهـر حكايـاه
وصارت فقايدنا المهار الاصايـل
ركب الدبادب والجـرع واتبعنـاه
وراحت بهم مثل اصطراد الجمايل
جونا على شهب النواصي وجيناه
مكحولة العينيـن سـودا جدايـل
لعيون من قرته على المتن تشقـاه
استرمل به محصنـات الحلايـل
كون بثر كـون كثيـر رزايـاه

كحيلآن

22-06-2006, 11:41 AM

بيض دفوفه من كنايف شداده
ياراكب ملحا طويله من القود
مثل الظليم ليا انحدر مع حماده
طويلة النسنوس رويانة العود
شيوخ لهم عند المظاهير عاده
سلم على مناع وشهيل وحمود
ونبي الغزاله يوم جبنا وكـاده
جبنا الوكاد وباق الهرج بشهود

كحيلآن

22-06-2006, 11:43 AM

كرب عليهن بالمحاقيب وابطـان
ياراكب من فوق حبل الشديـدي
بس الميارك زاهيـات بالامتـان
هي منوة اللي ينتـوون المديـدي
فج النحور واخفوفهن تقل حذيان
وارقابهن مثل اسعاف الجريـدي
حمرن تشع اذيالهن تقل شرطـان
ما درجوا جيرانهـن بالجليـدي
واشر الدواة وريشه الحبر بقران
خط القلم واكتب على ما تريـدي
لعرافهم يفهم جوبـي ليـا بـان
واكتب كلام من ضميري جديدي
ويرعون قفر ما وطوا فيه نجعان
لاشد نايـف يبعـدن الشديـدي
واطرافكم نومي عليها بالاضعان
وعدوهم ما ارتاح لو هو بعيـدي
لا ما مسكتك بالاهاوي والايمان
وحمدت رب حـددك بالحديـدي
وارخو مصاريع الاعنه بالارسان
وغدا لهن عند الملازيـم ميـدي

كحيلآن

22-06-2006, 11:44 AM

الشاعر كريم الظفيري

يـا الله يـا عـلاّم كـل الخفيـات
يا اللي بحكمك عالمٍ كل مـا كـان
انت الذي رفعـت سبـع السمـوات
ورحمتنـا يـارب نزلّـت قــرآن
هو نهتدي به عن كـل الخطيـات
ودستورنا بالحق في كـل ميـزان
ومن بعد ذكر الله هـات السجـلات
وهات الظروف وحط للحرف عنوان
للشاعر المشهـور أجمـل تحيـات
وبلّغ سلامي لا لفـى لبـن زيـدان
هيظتني بابياتـك اللـي جميـلات
بردك على شكـوى لعايـد رغيّـان
تشكي وانا اشكي من همومٍ غزيرات
للشاعر اللي نظّم القـاف شفقـان
هزاع وا وجدي على كل مـا فـات
على العدود اللي لها البـدو سكـان
لا جا العصر دنّو من الهجن عجلات
وركبوا سوانيهم بيسقـون قطعـان
مرتع دبشهـم بالفيـاض العذيـات
ولا ربّعت يطرب لها كـل حزنـان
حامينها فوق الأمهـار الأصيـلات
وسيوفهم ردّوا بهـن كـل عـدوان
يتلون شيـخٍ لـه علـومٍ قويـات
والحثربي يشهد لهم بـأم الأديـان
وذبحة ولدهم بالليـال الصعيبـات
حطت لهم تاريخ والقصـد جيـران
ويا وا هني من سج لو ست ساعات
بين الحنية وبين فيضـة رويحـان
تلقى البيوت اللي عليهـا علامـات
هذي عوايدهـم و لانـي بغلطـان
تفرح ليا منـك لفيـت السويطـات
ستر العذارى يوم طيرات الاذهـان
ودقق وفتّش في جميـع الملفـات
ولاهل العلوم الماضية تجد نيشـان
ورسالتي للوايلـي نظـم الأبيـات
وهذا صحيحٍ يـا سلايـل كحيـلان
وصلاة ربي عند ما تـزرع انبـات
على الرسول المصطفى نسل عدنان

كحيلآن

22-06-2006, 11:45 AM

الظفيـري هامتـه فـوق الطويـل
مايناظـر لسفـاسـف والـثـرى
الظفيـري فالعـرب مالـه مثيـل
حايـزن للمجـد سـاداة الــورى
الظفيري ياالأصيل ابـن الأصيـل
ياسليـل العـز مامثـلـك تــرى
الظفيـري باالفعـل ماهـو قلـيـل
مكرمـن للجـار و للخايـف ذرى
الظفيـري لافـزع سيـفً صقيـل
سـلّ سيفـه فـي يمينـه وانبـرى
الظفـيـري لاتزبّـنـه الدخـيـل
باع روحه لاجل عينـه واشتـرى
الظفيـري لاتـعـزوى بالقبـيـل
سيّـل القيعـان بـالـدم وســرى
الظفيـري لابتـه تشفـي الغليـل
سبعةً جموع(ن)على الموت اخشرى
الظفيـري فـي عزومـه مايميـل
خطوتـه قـدام ماهـي لـلـورى
الظفيري حصّل الطيـب تحصيـل
كـلّ درسً فالمراجـل لـه قـرى
الظفيري لاعطى يعطـي الجزيـل
يصنع المعـروف وردّه مااحتـرى
الظفـيـري ماينـاظـر للهزيــل
غيـر درب العـز عينـه ماتـرى
قلتهـا وانـا السعيـدي ياهبـيـل
وارثً للطيـب دمـي بـه جـرى

للشاعر محمد بن عبدالله بن ضويحي بن صخيبر السعيدي

كحيلآن

22-06-2006, 11:47 AM

العلـم واضـح لا تلفونهـا لـف
حناالاصـل يامدعيـن الاصـالـه
حنا هل الطولات بالسيف والشلف
حنـا الاسـود امعدليـن الميالـه
حنا الظفير اليا اصبح الوقت منخف
انعقله غصبـن علـى المارضالـه
بقيادة ابن سويـط محـد ايتخلـف
اليا احتمى الموقف وزاد اشتعالـه
البال والخاطر مع القلـب مـارف
ذكـو ولدهـم كاسبيـن الجمالـه
والحثربي فكوه صفن ورا صـف
غصبن على الّلي مارضى بالدخاله
وعبدالله ابن عقوب يوم القهر ضف
ضفه ومات امن القهر كيف طالـه
يوم انتخى سويطي ومات امتنكـف
موتت قهر للجار.. وصاح لحلاله
قلته وانا من لا بتن تسخي الكـف
تسخي اليا من الرجل ضاق بالـه
أبن الحميًر لارفع كفـه اصطـف
طيب المـلا قـدام عينـه مشالـه
مسلـم انهابـه وقـف ماتكـتـف
كم واحـد جـاه وتحقـق منالـه
اليا وصلته شـال همـك وخفـف
واليا طلبتـه تاخـذ اغلـى عيالـه
وختامهـا منـي وانـا ماتلفـلـف
صريمي ظفيري والنوابت خوالـه
معروف جدي وجد جدي لهم شف
للطيب والنومـاس فهـد ارتكالـه
أبن القعيمز دون شمر سطى الكف
يوم اليهـودي بطايرتـه الحثالـه
طق ابيمينـه وصوبـه ثـم تنتـف
قـدام شمـر نـزًلـه مارقـالـه
وكسبها طيـب ووفـاء ماتحسـف
لهل الطنايـا محلحليـن الشكالـه
وختامها صلو عـدد مالجفـن رف
على نبي الخلـق زينـه خصالـه

: لشاعر عزيز بن فهد المويهان المعلومي

كحيلآن

22-06-2006, 11:47 AM

طلب جابر الرداد الظفيري

السويط ........وما أدراك ما السويط .............هذه الحمولة رفيعة الشرف والنسب ... ذائعة الصيت .......والتي يعود لها الفضل الكبير في الكثير من الأمجاد التي عادت علي قبيلة الظفير بالوقار حتى أصبح

يشار لها بالبنان . لاينكر فضلها إلا جاحد أو حاقد .ولايقلل من شأنها إلا أحمق

حي السويط معطرة قـب الأفـراس
طش السحاب اللي تناثـر مزونـه
حمولةٍ قليل جنسـه مـع النـاس
السيـل يدهـج خايـعٍ ينزلـونـه
للناس جنس وصنفهم ماله أجناس
جنسٍ تميـز دون جنسـه ولونـه
للجار ريـف وللدواخيـل حـراس
قصيرهم كـم سالـت الـدم دونـه
أفعالهم لوسلسلـت مالهـا قيـاس
مجـدٍ تليـد ومحكمـاتٍ حصونـه
تاريخهم ماسجل بجسـم قرطـاس
إلا علـي وجـه القمـر يكتبونـه
في مرقبٍ متربـع جنـاح قرنـاس
بعزم أبو بنـدر يانعـاتٍ غصونـه
للبيـت سـد وللمناعيـر نبـراس
سدٍ منيـع ولا تضعضـع ركونـه
يجلس علي جال الصفيري بقو باس
ماحركت صلف العواصف جفونـه
ولاداهمه شكٍ ولا جـاه وسـواس
ما طخ راس ولا رضـا بالمهونـه
حوله أسودٍ بالوغا تضرس إظراس
ياويـل منهـو باللقـا ينطحونـه

طلب جابر الرداد الظفيري

كحيلآن

22-06-2006, 11:49 AM

وهذه قصيده للشاعر عزيز بن فهد المويهان المعلومي الظفيري
يخص بها ربعه وجماعته المعاليم (( هل الريشا ))

أفز من نومي وأصيـح معلومـي
والموت عندي مايساوي له ريـال
ويشوش راسي وتحشرني هدومي
اليا انتخى بإسم المعاليـم رجـال
حنا السيوف الداميـه والسهومـي
حنا هل الريشا علـى كـل عيـال
حنا الحرار وبالخضيـرا نحومـي
واصغر طفل فينا للامجـاد خيـال
ناقف مواقيف الخطـر بالزومـي
لاثار عج الخيـل والنـار شعـال
عزاه يـادور ٍ مضـى بالعلومـي
يوم العرب ومنخوينن على جـال
وين انت ياشيخ الوفاء والعزومـي
وين انت ياللـي للثقيـلات شيـال
هذا المعلوم اللي له العـز يومـي
اللي خذا العز والعـز بـه نـال
وهـذا البريكـي لابغانـا نقومـي
نقوم قومة فارس ٍ ينطـح إرجـال
فارس وأميـر وقايـد ٍ للقرومـي
عجيل قايدنا وبه تضـرب أمثـال
أمجوز العزبان ماهـو محكومـي
أميرنا اللـي للصعيبـات حـلال
كم راس شيخ ٍ طوحه كالطعومـي
يقدح براسه مع رجال ٍ له ابطـال
يرحمك ياشيخ ٍ كريـم ٍ رحومـي
رب الملا المعبود خلاق الأجيـال
ناصر ومنصور المظاليـم دومـي
الحمد لله خلًـف ارجـال وعيـال
اللـي رقـو بفعالهـم للنجومـي
أعيال شيخ ٍ والسعد بيدهـم طـال
عارف وسعدون وسعد والنعومـي
ماهمهم ياصاحبي جمـع الامـوال
ولاهزهم هرج الغنم والرخومـي
ولاتبعو الشيطان ودروب الانـذال
هذولا هم عـز المعاليـم قومـي
هذولا هم شيوخنا بكـل الأحـوال
قلته وانا أصغر شاعر ٍ ومعلومـي
قلته ولا أرجي من وراها ترا ريال

للشاعر عزيز بن فهد المويهان المعلومي الظفيري

كحيلآن

22-06-2006, 11:50 AM

ماهي بحد السيف هـذي انتخابـات
ويوم انها بالسيـف ذقـت الغبينـا
يومه بظهر الخيل والخيل عجـلات
يدينكـم تقصـر وطالـت يديـنـا
رماح ربعي بظهر جدك علامـات
وكم بنت شيـخ ٍ حارمينـه جنينـا
ظفـران حنـا والمنايـا سريعـات
وإليافزعنـا بشعـطـان انتخيـنـا
حنا سهوم الموت يـوم الملاقـات
وقت الرخا ريف الضعيف الحزينـا
ظفـران حنـا مانمـد الهزيـلات
تاريـخ وامجـاد ٍ وعلـم ٍ ثميـنـا
شيوخنا يـاورع هـم السويطـات
وافعالهـم يعـرف بهـا الغانمينـا
ذبح الولد للجـار وغيـره خفيـات
والحثربـي برماحـنـا منقذيـنـا
اهل البويت اهل الصخا والمروات
شيوخـنـا ياجعلـهـم سالميـنـا
ومنضام دام عيال عمـي سعيـدات
خضور دونـي يركـزون السنينـا
افعالهـم مـذكـورة ٍ بالـروايـات
وعدوهـم يصفـق يسـاره يميـنـا
ولاانسى هل الريشا المعاليم بالذات
عيال عمـي محـزم ٍ لـي ثمينـا
يثنون دونـي بالرخـا والصعيبـات
عـدوهـم بسيوفـهـم مذهبـيـنـا
ولاصرت مطلوب ٍ ولابه سلامـات
إزبن على الحسنان في كـل حينـا
ازبن على العوجان في كل الاوقات
يثنـون دونـك بالسيـوف السنينـا
ولانسا الجواسم مسنـدي بالملمـات
اخـوان صبحـا سيوفهـم ماتلينـا
اخوان صبحا مااتهـاب العصيبـات
تاريخهم معروف فـي كـل حينـا
والعسكر اللي طيبهـم بالمجـرات
عيـال عمـي فعلـهـم بالبطيـنـا
ولاانسى انا الذرعان والرجل وقفات
اهلي وربع ٍ لـي ودرع ٍ حصينـا
أهل الفعل والطيب ربعي علجانـات
سيوفهم توصل الـى حـدود سينـا
لويرجع التاريـخ والحـي مامـات
ماكان بعض النـاس ينفـخ علينـا
ولا أنسى انا ربعي ترى يابشـوات
برماحـنـا وسيوفـنـا واصليـنـا
عريـف حنـا لاتـدور سلامـات
الآد عـلـي لا وعـدنـا وفيـنـا
حنا الرميله كان تنسا الـذي فـات
السبعـه اللـي روسهـم قاطعـنـا
حنا الشقايا يـوم للخيـل صـولات
نأخـذ ولانوخـذ ولاأحـد ٍ يجينـا
ظفـران حنـا كانهـا بالمـثـارات
عظـام جـدك يـاولـد طاحنيـنـا
حنـا ملاعبـة المنايـا إذا جــات
حنا الظفيـر اللـي ماتقـدر علينـا
اصغر طفل فينا فعولـه عظيمـات
يلعـب بسيـف ويذهـب الذاهبينـا
اعرف مقامك لاتـذوق المريـرات
وأسئل جدودك منهـم وش خذينـا
من فعلنا جدك دموعـه غزيـرات
يجاوب الدمعـات فـي كـل حينـا
والله لـو ترجـع ليالـي ٍ قديمـات
لنعلـمـك وتشوفـنـا لا غزيـنـا
ملعون ابو وقـت ٍ يعـز الزلمـات
ماضيـك بيٌـن لاتحسبنـا نسيـنـا
والله طوفـنـا بـــلاوي وزلات
ويامـا دمحنـا زلـت الظالميـنـا
ماهو بخوف الا شهامـه وطلبـات
وتقديـر لـلـي يمـنـا زاريـنـا
اللي يغلـط بيـذوق منـا اهانـات
تحذيـر للـي يفكـر انـه يجينـا
العلـم واضـح لاتعيـش النهايـات
ولاتـكـرر الغلـطـه ولاتبتليـنـا
لاتفتخر فـي وقـت عـز البنيـات
وقت ٍ يصوت للمـره رجـل دينـا
ياليت وقت ٍ فات يرجـع إلحظـات
حتـى ازود دينـك اليـوم ديـنـا
الفعل فعل السيف ماهي انتخابـات
ويوم إنهـا بالسيـف طالـت يدينـا

الشاعر حسن اكياد

كحيلآن

22-06-2006, 11:51 AM

إن جيتنا بالطيب جينا على الطيب
وإن جيتنا بالشّـر نصليـك نـاره
حنّا شعطان أن قلت نار ولواهيب
إحـذر تواجهنـا وخذهـا نـذاره
حنّا كذا ظفران نرعى المواجيـب
محد(ن) يعلمنا دروس الشطـاره
حنّا كذا ظفرااااااااان لاشك لاريب
شف شامة الامجااااااد فينا أمـاره
ربعي هل الغارات ذيبً ورى ذيب
اليـوم الاسـود لانوينـا إغـاره
أنشد عن الظفران؟ يمكن بنا عيب
والعيب فينا بـس حـبّ القشـاره

للشاعر وارث الطيب .محمد بن عبدالله بن ضويحي الصخير السعيدي

كحيلآن

22-06-2006, 11:52 AM

العلـم جـاك العلـم مثـل الوصيـه
مني وانا اصغر شاعر من بني عريف
يالـي تبـي مـدح القبايـل اهنـيـه
هالحين انا اعطيك المثايـل بتحريـف
عن قوم ظفـرى حركتنـي احميـه
اللـي سببهـا جاهلـن بالسوالـيـف
يبـي يعـرف افعالنـا ويـش هيـه
غصب ايتجاهلها من الحقـد ويعيـف
ثـم انفجـر حتـى بـدى بالخطيـه
وألبسنا من فعل الردى منـه تأليـف
ما بالظفيـر مـن العذاريـب شيـه
ولا همنا قـول الصعاليـك بالزيـف
ارجـع لعصـر ماضيلـك شـويـه
نفس الطبايـع طبعنـا دون تعريـف
طيـب وشجاعـه ولا لنـا بالرديـه
والحق حق وعندنا الحق مـا طيـف
ذي لابتـي مثـل الحـرار العلـيـه
تاكل لصيد صادتـه ماهـو الجيـف
يشهـد لنـا التاريـخ بالمـذ كريـه
عـز لنـا ماينسـي ينسـي كـيـف
يذكـر افعـول اشيوخنـا الأجوديـه
بالطيب يذكرله وفـي حـدة السيـف
من يذبح اوليـده لجـل جـار زيـه
من يحفظ الجيره بحلـو التصاريـف
والحثربـي يـوم انصحتـه اعنزيـه
من يدخل ابن سويط ما قال يا حيـف
زبنـه وقـال ابشـر بعـدم الأ ذيـه
من يزبـن ادغيـم فلابـه تحاسيـف
واعقوب وغيره كـم لنـا مفخريـه
أكثر كثير من الصدف والصواديـف
يكفـي العريـف ابموقفـن مكتفيـه
سبع اعقدا قوم لكل راس حـذ يـف
عريـف مهبهبـت الهـوى والهويـه
هـم اللهب اذا التهـب بالتكاتـيـف
واخـوان صبحـا ذكرهـم مرجفيـه
كيف اللقا وقت اللقـا للعـدو كيـف
ولا ثـار بركـان المعالـيـم كـيـه
تقطف ضحايـا نارهـم بالمقاطيـف
واليـا نوالـك مـن عدويـك سيـه
ذرعـان تظهرلـك اسـود ملاهيـف
وسيف اعلجانات اشبـه ابسـم حيـه
موتن محقق لو يحوشـك شواطيـف
والويل ويـل اللـي يصيـر اللقيـه
للعسكر اللـي فـي لقاهـم ملاقيـف
وان هبت ارعـود السعيـد الخفيـه
تهز حتى اللي سكـن باخـر جنيـف
ومثل الصقـور الجارحـات الشقيـه
في عيني الحسنان مبطـي مشاويـف
وان بانـت ارمـاح المعاديـن ليـه
اشوف ابوي ارماحهم كلهـا خليـف
حنـا الفـدى لشيوخنـا والفـد يـه
شيوخ السويط اللي اعتلو بالمواقيـف
حـنـا دروع امدرعـاتـن قـويـه
صلبيـن لعدانـا ولحنـا موالـيـف
وأفخـاذنـا متساويـاتـن سـويـه
سـوى تساوينـا ولامـن مخاليـف
رد ينـا يسـوى مـن النـاس ميـه
شريف يشرف بالمكـارم مشاريـف
حنـا الهنـى للـي عنـا والهنـيـه
حنا الظيافـه كلهـا لا لفـى ظيـف
حنـا المكـارم والكـرم والعطـيـه
ما نحسب احساب العطى والتكاليـف
حنـا المحامـي والحمـى والحميـه
ومنهو زبنـا مـا تجيـه المخاويـف
حنـا البـلا للـي بـلا نـا بلـيـه
نجعل فصول الأربعه بعينه الصيـف
حنا الوفى اللي وافيـن مـع خويـه
وحنا جحيده لرتخى وصار بطريـف
حنـا الهـدوء المهتـدي والأ ذ يـه
حنا غضبنا للعـدو شـر مـا شيـف
نـردى المنايـا ولا نهـاب المنـيـه
للموت والله ما نحسـب الظواريـف
حنا اشعطـان امعسكريـن وسريـه
للـي يتحوفنـا نحوفـه محـاويـف
حنا اشعطـان لكـل شيطـان خيـه
الجن لو يصطف نجيلـه مصاطيـف
حنا اشعطان الموت مـن غيـر ديـه
كم صاحين حنا سبب فيـه تخريـف
حنـا اشعطـان ودربنـا المرجليـه
والكـل يخـاف الله بنـا بالتحاليـف
حنـا اشعطـان الضيفنـا الله حيـه
والعادة ابيامرحبـا ابجيـت الظيـف
حنـا الكرامـه عنـد نـا الأولويـه
ثقيـل وتحسـب فعلنـا بالتخافيـف
دامـك سألـت افعالنـا ويـش هيـه
جاك الوكاد وصفف الـرد تصفيـف
كانـك تبـلا نـا ترانـي احمـيـه
حنـا اشعطـان وللقبايـل معاريـف
لا تطـري الظفـران طريـه رديـه
لا تجدع ارويسك سبايـب سواليـف
لا قالـو الظفـران بــد التحـيـه
ايد ك على راسك محارم وتشريـف
العلـم جـاك وحافظـه كالوصـيـه
علم الظفير اللـي حرفنـاه تحريـف
ما بالظفيـر مـن العذاريـب شيـه
عذروبها هو طيبهـا وللعـدو سيـف
جاك الحكـي والعلـم مابـه رديـه
عن ابسط افعال الظفيـر المشاغيـف
علـم يكفـي ولا أضـنـه شـويـه
علم كبير وجاك من ضـاري خليـف
والعلـم جـاك اموحـدن كالهـديـه
بأسم الظفير وينطقه شاعـر اعريـف

لضاري العريفي (( المهيب))

كحيلآن

22-06-2006, 11:53 AM

الزمـن دوار .. والدنيـا تـجـارب
والرجل عايش .. والآمال إمعقـوده
والله الرزاّق .. وإلاّ العمر خـارب
ما تخَلّد بالزمـن .. غيـر الفهـوده
وأحمد الله ربعي طـوال الشـوارب
لابتي من كـل خلـق الله محسـوده
علمها واصل وبين النـاس ضـارب
من ورى اللي بارك الله في جهـوده
خلّوا اللـي بالمشـارق والمغـارب
يسمعـون بقصـة البيـت وعمـوده
فكّوا اللي جاهم من المـوت هـارب
البويت من البيـوت أثبـت وجـوده
مانخاف من الشدايـد يـا محـارب
كـل رجّـال يتعـزوا فـي جـدوده
الظفيري وإن سكن بأقصى المضارب
ماذخر طيبـه و معروفـه و جـوده
مالنا في بعـض خلـق الله مـآرب
ميـر يزعلنـا الـذي عّـدا حـدوده
والله إن اللـي تعّـدا مـا يـقـارب
نقرص اذنه قرص ومن اذنه نقـوده
قرصة(ن) .. أشّد من قرص العقارب
لين غصب(ن) عنه فعله مـا يعـوده
لابتي .. ياعزوتي أهـل و أقـارب
يالظفيـر أفعالكـم دوووم إمحمـوده

الرابعه لشاعر عبد الكريم الجاسمي برق الشمال

كحيلآن

22-06-2006, 11:54 AM

هاض الضمير و ثار بالقلب بركـان
و زلزلت قاعك و رختـر رصدهـا
ثار و تفجر في ضميـري بالالحـان
لو راح يبقـى لحنهـا فـي رمدهـا
يا ناشد ٍ عني تـراك انـت غلطـان
النفس عافـت طبـع منهـو نشدهـا
حنا الظفير ان كان للطيـب فرسـان
مزن ٍ تسابـق طيبهـا مـع بردهـا
حنا شربنا المرجلـه بسـط فنجـان
يوم انت عند امك و ترضـع نهدهـا
فينا الولد يركض على الطيب شفقان
فينا الولـد روحـه تخـاوي لحدهـا
فينا الولد يعلا كمـا طيـر حـوران
هرج التفاهـه و السفاهـه زهدهـا
يلقى دخيـل بيوتنـا عـزة و شـان
يرجي سعـد عينه..ويلقـى سعدهـا
يلقى ارجال ٍ فعلهم يرعـب الجـان
يلقى رجـال ٍ مـا تخالـف وعدهـا
لا طوّحوا بالعقـل ذربيـن الايمـان
ياااوييـل والله مـن يعـادي بلدهـا
ظفران؟؟.. اي بالله هل الطيب ظفران
افعـال ربعـي للمراجل..عمـدهـا
قاله ولـد ناصـر و جـده لحيـدان
و النفس ما تمكـد لمـن لا مكدهـا

للشاعر سيف الشمال بدر بن ناصر بن لحيدان السويط

كحيلآن

22-06-2006, 11:55 AM

أبـدي باسـم الله الرحمـن
رب العـزه عظيـم الشـان
أطلـب مـن الله الغـفـران
عـن زلاتــي والخطـيـه
بادي قولـي فـي قصيـدي
قـرب جنبـي ياعضـيـدي
ودي اشرحـلـك جـديـدي
وكـل شــي بهالقضـيـه
تـعـال نـقـول البـيـان
في مـدح ربعـي الظفـران
قـول الحـق بـلا نقصـان
وقت الشـده ووقـت الهيـه
ثـارت دخــان الـزقـاره
وارتفـع الجـو بـحـراره
في وجه الـي ثـارت نـاره
متضايق مـن قولـي ذيـه
جاوبنـي بشـده وكلمـنـي
وش ظفرانـه شٍ علمـنـي
إشرحلـي وقلـي وفهمنـي
قـالـه بـكـل عنجهـيـه
حنـا والحمـيـه أخــوان
ظـفـران حـنـا ظـفـران
طوعنـا إنسـه والـجـان
ونقطع بالحـق راس الحيـه
خـلـك مفـتـح مـعـايـا
وإعـرف تاريـخ البـلايـا
نجهـر بفعـول وسـوايـا
منهـاب غيـر رب البريـه
دوُن عـنـدك بالتسجـيـل
حتـى ماتنـسـا الدلـيـل
فــي نـهـارك أو بلـيـل
ومنـك تــرى ماعلـيًـه
ذبحـنـا ولـدنـا لـجـار
والحثربـي يـومـه نــار
أدخلنـاه مـن أهـل الثـار
أمـن مـن شـر معـاديـه
رح واسئل عن حال الضيف
عندنـا وشلـون نضـيـف
نعـزه وســط المضـيـف
كنـه قاعـد مـع خـويـه
زهب الدلـه وشـب النـار
وحط الهيـل معـه مسمـار
الظفيـري مـعـزب حــار
مايرضـى بقهـوة أمـريـه
سوالـف وعلـومٍ جـزلـه
مع ضيفـه ماهـو يعقدلـه
ودايـم للضيـف مجهزلـه
قهوتـه معـهـا التمـريـه
شف سلم الظفـران شلـون
لـو الحكـومـه يــدرون
يعلمـونـه ويـدرســون
لـلـطـلاب بهالـكـلـيـه
صاحبـنـا دايــم نـعـزه
وابمجالـسـنـا نـــرزه
مانرضـى كلـمـه تـهـزه
لو هي مزحـه مـن خويـه
ضيفـنـا يقـلـط بلـحـال
مايقـلـط مـعـه رجــال
لامـن عـم ولامـن خـال
هـذا حــق لازم نوفـيـه
طف الضـو وقـت العشـا
مـن شـان ياكـل مايشـا
مايستـحـي ثــمٍ مـشـا
ونفسه للحيـن فـي باقيـه
ظالـم نفسـك يالمسكـيـن
هـذي فعولـي مـن سنيـن
مـحـد سـواهـا للحـيـن
واسئـل جـدانـك هنـيـه
عمر الطيب مافـارق ربعـي
أصل وسلـم وهـذا طبعـي
طيب..حميه..اشرب من نبعي
صافـي علـوم المرجلـيـه
غايب عقلـه مـن عادانـا
حنـا نجيلـه لـو ماجانـا
من شيبـان ومـن وغدانـا
شوكتنـا شـوكـه قـويـه
فقصير الكون..جت جمـوع
تبغا تسيرنا..غصب وطـوع
ماتـدري للمـوت نـجـوع
وشتتناهـم وحنـا شـويـه
قـلال العـده لكـن واجـد
فزينـا للـمـوت نـواجـد
وروس عدانـا بالمـواجـد
قطعـنـا روس مـعـاديـه
كـل ماقلتـه لـك يالغـادي
بعض فعول ربعي الأجـوادي
والحين رح إنهـم برقـادي
قبـل متجـيـك الفجـريـه
لازم إنـك الحيـن تفـهـم
منهم أهلـك واهلـي منهـم
وتشيل اللي بقلبك مـن هـم
وتاخذ مـن علمـي صافيـه
مرحـوم ياوقـت المراجـل
منهو مثلـك موتـه عاجـل
ظفـرا عمانـك يالـواجـل
فالـلـيـال السـرمـديـه
ناسـي وقـتٍ بـه جدانـك
ومن عمانك ومـن اخوانـك
خضبـنـاهـا بـدمـانـك
سيـوفـنـا الـهـنـديـه
هـذا كلامـي وإيضـاحـه
مـن الجواسـم الذبـاحـه
إخـوان صبحـا طمـاحـه
هـم ربعـي وقـت الشديـه
وقلتـه وأنـا مـن الرشيـد
وإسمي طـلال أبـا جريـد
أضـرب قافـن مـن حديـد
لاجـت بـراسـي جنـيـه
يبـدي شعـري بالبسـم الله
ومنهـو يبغـانـي أدلــه
بديـت الشعـر بـاسـم الله
وانهـيـه صـلـو لنبـيـه

وسلامتكم

للشاعر طلال اباجريد الجاسمي

كحيلآن

22-06-2006, 11:57 AM

يا إلـه الكـون ياللـي تعلـم الغايبـات
يالذي تعلم كلامـي وهـو فـي مبسمـي
أبتدي بأسمك وبأسمـك تهـب الذاريـات
وما حدن يا خالق الكون جاء لاسمك سمي
ثم أرددهـا علـى روس ذيـك النايفـات
أسمنـا عالـي كتبتـه وأخطـه بقلمـي
الظفيري مثل ربعـه يطـول الطايـلات
من وراء اللي عمه عقاب وأبوه عجمـي
قلتها ماني مـن اللـي يحبـون الوشـاة
ولاني من اللي يقصون عـرض الآدمـي
عايش ٍ من فضل ربي على عّـز وثبـات
من نشـد عنـي لقانـي بدمـي ولحمـي
فعل ربعي بيض الوجه مأزينهـا سـوات
لابتي وقـت الشدايـد تجـي بالمقدمـي
لين خلوا أسود الوجه لابـس لـه عبـاة
حاني ? راسـه وكنـه كبيـر البرطمـي
والله إنا اللي وصلنـا لدجلـه والفـرات
ثـم عودنـا شمـال وخذينـا الرندمـي
الظفير أهل الشهامه وأهـل عـز ونجـاة
والله أن اللـي نواهـم بسيّـه ينـدمـي

وهذه قصيدة أخرى للشاعر عبد الكريم القاسمي الظفيري برق الشمال

كحيلآن

22-06-2006, 12:00 PM

تبت الكذبان وتب ابـو لهـب هي تنادي وللغلا حنـا نسيـر
اذهبتنا نجد فـي كثـر الطلـب تومي الضلعان لطوال الظفيـر
من غلاها نمدها لشـط العـرب وقربة العطشان نرويها غديـر
وانت ياللي دونها تسن الحدب حدها قـدام مضنـي للصغيـر
من مرابط خيلنا جاك الغضـب إفطن لكبوات قولك يـا غريـر
عزوتي يا هيه لا طال الشنـب لابتي شعطان ما فيهم قصيـر
مشبعين الطير والذيب العضـب مرتخين بحـزم وبشـدة نغيـر
لابسين الجوخ نرقـا للصعـب نلهب الفريس بالسيف الشطير
العكف من باس قوتنا ارتعـب والعجم ترثيه في حوك الحصير
ما حمينا الجار نطمـح للهرب ننزل الميـدان ونـرد البعيـر
ما صنعنا المجد من جلب الذهب لا ولا من كيس لباس الحريـر
انظر الدخان لا شـب الحطـب مع هبوب الريح ملزومن يسير
من ورا الصمان شعطان العرب ساكنين الخرج وبقرية سديـر
من شمال لنجد لعروق الذهـب الضغن موجود ويشوفه ضرير
وارثين الطيب من ساس النسب من سلايل لام حييـن الضميـر
الخوي لا زان نقطف له عنـب والعدو لا بان نسعر به سعيـر

بندر بن معكال