مايكبرني لقب

[الظفيرية]

أنا معجبة وعاشقة لشعر الشاعر الكبير / طلال بن رشيد وهذي أحدى قصائدة الجميلة التي اهديها لكم ، خسر الشعر الشي الكثير بموته رحمه الله عليه

يـا صغيّـر مـا يكبرنـي لقـب" " وما يصغرني إذا انكرني صغيـر
ما خذينا الصيت من جمع الذهـب" " ولا نسابة شيخ او قربـة وزيـر
كاسبينه من هل السيـف الحـدب" " الجنايز كان مـا جـاك النذيـر
صيتهم نجم ٍ على رأسـه لهـب" " سمعوا الصقهان به واجهر ضرير
بالوفـا تاريـخ أبيـض ينتصـب" " لا حكوا بالحق حييـن الضميـر
ضيغميـن للسناعيـس انتسـب" " لابةٍ طلنـا بهـا عـرش كبيـر
عند حدك يا كثيـر الهـرج تـب" " لا تمـر النـار وثيابـك حريـر
كـان لـك عـز بذلـي فتعقـب" " والله ألا تبطـي وحبلـك قصيـر
احسبنـك مـن صناديـد العـرب" " واثر ساترتك عباتك يا غريـر
ما حسب للسوس زراع القصـب" " والقراده ما درى عنهـا البعيـر
ولو حسبنـا للحسايـف والتعـب" " ما بذرنا يا العصافيـر الشعيـر
عن هللـك ابـراي لله واحتسـب" " الرجال اللي مجاراهـم عسيـر
من قريش المصطفى وابو لهـب" " والدغالب ما غشت عذب الغديـر
للرجال مـن الرجاجيـل العتـب" " والزكاة تحل فـي حـال الفقيـر
لعنبـو وقـتٍ غدينابـه حـطـب" " تحرقـه نـار يثورهـا اجـيـر
ما ألومك والزمن سوى العجـب" " هو بقى غير الكرامـه بالجفيـر
مـا أذل وراسـي يشـم المهـب" " لو بقى من شمر طفـلٍ غريـر
ما اهـاب ولا يزلزلنـي غضـب" " الشجاعـه ورث العاقـل عزيـر
يـا صغيـر مـا يكبّـر باللقلـب" " غير من هو كان من دونه صغير



وهذي القصيده فيها من كل بيت حكمه تكاد برأيي الشخصي تكوون معلقة
يقال أن هذي القصيده هي التي تسببت بمقتله وتعرفون القصة الباقية..

[الذيب]

الله يرحمه اي اختي ظفيرية هذي القصيدة التي تسببت بقتل طلال الرشيد .. لانه يخص ال سعود بالقصيدة .. وكل بيت له حكم :(

لاهنتي عالنقل

[محمد بن طليحان]

صح لسان الأمير الراحل / طلال الرشيد يرحمه الله

أحسنتِ النقل أختي الظفيرية

إلى الأمام وقصائد بهذا المستوى

[محمد بن طليحان]

هو يخص فيها السديري ولا السعود

[نايف السلمان]

مشكوره على النقل
والله يرحم طلال

تحياتي

[حمد القحيصان]

للتوضيح :
كان أحد الزوار يقصد الذهاب لمخيم الأمير طلال الرشيد فتاه ثم توقف عند مخيم السديري فسأل أين مخيم الأمير طلال الرشيد؟
فقال له السديري أن طلال الرشيد ليس أميرا ,,
فوصل الكلام إلى الأمير طلال الرشيد فقال هذه القصيدة
وللعلم أن السديري هم خوال آل سعود ..
ودمتم

[السؤدد]

قصائد قتلت أصحابها.

[كحيلان الظفير]

للتوضيح فقط لا غير ,,

اولا يعطيج العافيه اختي الظفيريه على نقلج للقصيده الرائعه

وثاني شي حبيت اقول ان القصيده مالها شغل بذبحته حرام التبلي على أل سعود ..

والقصيده رد على السديري يوم حطو العشى وماقلطو عليه ينتضرون الشاعر طلال الرشيد ...

ولا السديري قالهم ليش ماتقلطون قالوله ننتضر الامير طلال الرشيد قال هذا مو امير الزبده قلطوو ,,

وصل الشاعر رحمه الله ولقاهم قالطين سئل قال ليش مانتضرتوني قالوله قال عنك كذا وكذا السديري ,,

وللعلم ترا السعود والرشيد نسايب وكان محترمينه حيل بس ترااشاعات من اضعاف الفوس من شمر

ان أل سعود هم اللي ذبحوه ولا الرجال انذبح بالجزائر ومعه ولده الصغير ,,

[الظفيرية]

للتوضيح فقط لا غير ,,

اولا يعطيج العافيه اختي الظفيريه على نقلج للقصيده الرائعه

وثاني شي حبيت اقول ان القصيده مالها شغل بذبحته حرام التبلي على أل سعود ..

والقصيده رد على السديري يوم حطو العشى وماقلطو عليه ينتضرون الشاعر طلال الرشيد ...

ولا السديري قالهم ليش ماتقلطون قالوله ننتضر الامير طلال الرشيد قال هذا مو امير الزبده قلطوو ,,

وصل الشاعر رحمه الله ولقاهم قالطين سئل قال ليش مانتضرتوني قالوله قال عنك كذا وكذا السديري ,,

وللعلم ترا السعود والرشيد نسايب وكان محترمينه حيل بس ترااشاعات من اضعاف الفوس من شمر

ان أل سعود هم اللي ذبحوه ولا الرجال انذبح بالجزائر ومعه ولده الصغير ,,
يعافيك أخي كحيلان الظفير
اول شي هناك مثل يقول اهل مكة ادرى بشعابها
كيف تحكم انه هناك ضعاف نفوس من شمر يرددون هشي وهناك اسباب واقعيه ومنطقيه لان هشي مؤامرة فقط لا اكثر ولا اقل

أخي اسمحلي الا بهشي موحابه احد يناقشني فيه لاني معجبه بهالشاعر من زمان وعارفه عنه كلشي صغيره وكبيره
قالوا انها عملية قطاع طرق في الجزائر
هل يعقل هشي!! الا اذا كان هذا طفل لصدق هذه المقوله تدرون لماذا
لان قطاع الطرق يسرقون القافله
ولكن هؤلاء قتلوا الامير وابنه فقط !!! وفروا بمعنى انه العملية قتل مأجور والله العالم وليست كمين سرقه معا العلم ان القافلة لم تنهب بتاتا
على الرقم من ال سعود نسايب لكن هناك مثل عربي قديم يقول القرايب عقارب >> احيانا

للمعلوميه صديقة لي شمريه تقول انه معظم عائلة واسره بن رشيد ممنوعين من السكن في حايل ومجبورين بالرياض والقله القليله باقيه منهم في حايل وهذي للاسباب امنيه ولعلاقة الدم بين آل سعود وبن رشيد القديمه وتاريخه ليس ببعيد ولم تجف الدماء بينهم فالمسأله ليست لقرون بعيدن او مئات السنين لا تعدوا كونها اقل من مئة سنه وهذي لاتكفي لمسح هذا التاريخ العدائي بينهم فهناك عداوت امتدة لقرون عديده فماك بالك صراع عمره اقل من 100 سنه
والآجيال المتعاقبه لاتنسى بهذه السهوله !! فالتاريخ شاهد والناس قرا
والزمن يدور كالكره وهم خايفين من كل صغيره وكبيره من هالاسره
والله اعلم بالغيب ولكل زمان دوله ورجال
وسبحان مقلب الامور ولايتغير

[محمد بن طليحان]

يعافيك أخي كحيلان الظفير
اول شي هناك مثل يقول اهل مكة ادرى بشعابها
كيف تحكم انه هناك ضعاف نفوس من شمر يرددون هشي وهناك اسباب واقعيه ومنطقيه لان هشي مؤامرة فقط لا اكثر ولا اقل

أخي اسمحلي الا بهشي موحابه احد يناقشني فيه لاني معجبه بهالشاعر من زمان وعارفه عنه كلشي صغيره وكبيره
قالوا انها عملية قطاع طرق في الجزائر
هل يعقل هشي!! الا اذا كان هذا طفل لصدق هذه المقوله تدرون لماذا
لان قطاع الطرق يسرقون القافله
ولكن هؤلاء قتلوا الامير وابنه فقط !!! وفروا بمعنى انه العملية قتل مأجور والله العالم وليست كمين سرقه معا العلم ان القافلة لم تنهب بتاتا
على الرقم من ال سعود نسايب لكن هناك مثل عربي قديم يقول القرايب عقارب >> احيانا

للمعلوميه صديقة لي شمريه تقول انه معظم عائلة واسره بن رشيد ممنوعين من السكن في حايل ومجبورين بالرياض والقله القليله باقيه منهم في حايل وهذي للاسباب امنيه ولعلاقة الدم بين آل سعود وبن رشيد القديمه وتاريخه ليس ببعيد ولم تجف الدماء بينهم فالمسأله ليست لقرون بعيدن او مئات السنين لا تعدوا كونها اقل من مئة سنه وهذي لاتكفي لمسح هذا التاريخ العدائي بينهم فهناك عداوت امتدة لقرون عديده فماك بالك صراع عمره اقل من 100 سنه
والآجيال المتعاقبه لاتنسى بهذه السهوله !! فالتاريخ شاهد والناس قرا
والزمن يدور كالكره وهم خايفين من كل صغيره وكبيره من هالاسره
والله اعلم بالغيب ولكل زمان دوله ورجال
وسبحان مقلب الامور ولايتغير

اسكتوا لا تجيبون العيد

[*+*الــــــعريفي*+*]

شاكرلج على هاالنقل والله يعطيج العافيه
واشكر اخوي كحيلان على هالتوضيح
تحياتي لج وللجميع؛؛؛؛؛؛؛؛

[كحيلان الظفير]

والله يالظفيريه كل شي جايز ..؟

والله العالم منو كان السبب بقتله ..

بس لا يجوز اصدار الحكم قبل التأكد.. من القضيه .؟.