๑۩۞۩๑رنيــــــــــم الآلــــــــــم๑۩۞۩๑

[الظفيرية]

هذي اول قصيدة أنشرها وحابه تكون في موقعكم ويزيدني شرف هشي:

توك عرفت الوقت وشلون غــدره
توك تجي ترجى حنينــــــــــــــــــــــي
عرفت قدري يوم الايام غبــــــــره
كابرت حتى طحت قدام عينــــــــــــي
ماجيتني الا وبالعين عبـــــــــــــره
ماقلت لك لاضاق وقتك تجينــــــــــي
جرب عذاب الجرح وشلون صبـره
حتى تحس بقوة الجرح فينــــــــــــي
ماجاك من سيل الندم كود قطــــره
خذيت حقي منك وأوفيت دينــــــــــي
أبيك لاراح الزمان تموت حســـره
على زمان فات بينك وبينــــــــــــــي
خطاك واضح لوتصنعت عـــــــذره
مالك من اللي ضاعت أغلى سنيني
مادام راح الحب وأنهز قـــــــــدره
خلك معا أوجاعك ولاترتجينــــــــي


وسلامتكم...............................،

[كحيلآن]

صح لسانج
خووش قصيده والله
بس حبيت اعرف هذي القصيده لج ولا لأ
تحياتي ،،،

[الظفيرية]

مشكور على مرورك أخوي سيف الظفير اي انا كاتبتها وعندي غيرها كثير بس متردده من نشرهن ..

[نايف السلمان]

صح لسانج الظفيريه
ولله خوش قصيده

تحياتي لج
ولد السلمان

[ابن عجيان]

صح لسانج خووش قصيده والله.....

عشتي الف عافيه على هذا القصيده و البداع ....

وتقبلو تحياتي : ابن العجيان.....

[ولد العجيان]

قصيده ولا اروع
ننتظر جديدج اختي الظفيريه

[الظفيرية]

شاكره لكل أخواني اللي ردوا علي:
سيف الظفير،ولد السلمان، ابن عجيان، ولد العجيان

[ابن عجيان]

العفو احنا اخونج والله مواضيعج حلووووووووه ...

وتقبلو تحياتي::ابن عجيان ..<<الرسيمي>>...

[زهور]

قصيدة أكثر من رائعه أخيتي مشاء الله عليج

[محمد بن طليحان]

صح لسانج أختي الظفيرية ،،،

وبداية موفقة إن شاء الله ،،،

تقبلي أعطر التحيات ،،،

[الظفيرية]

أدري ردي كان متأخر عليك بس مشكور ياقناص المزايين على ردك العطر

[رمــــ*إنســان*ــــاد]

هذي اول قصيدة أنشرها وحابه تكون في موقعكم ويزيدني شرف هشي:

توك عرفت الوقت وشلون غــدره
توك تجي ترجى حنينــــــــــــــــــــــي
عرفت قدري يوم الايام غبــــــــره
كابرت حتى طحت قدام عينــــــــــــي
ماجيتني الا وبالعين عبـــــــــــــره
ماقلت لك لاضاق وقتك تجينــــــــــي
جرب عذاب الجرح وشلون صبـره
حتى تحس بقوة الجرح فينــــــــــــي
ماجاك من سيل الندم كود قطــــره
خذيت حقي منك وأوفيت دينــــــــــي
أبيك لاراح الزمان تموت حســـره
على زمان فات بينك وبينــــــــــــــي
خطاك واضح لوتصنعت عـــــــذره
مالك من اللي ضاعت أغلى سنيني
مادام راح الحب وأنهز قـــــــــدره
خلك معا أوجاعك ولاترتجينــــــــي


وسلامتكم...............................،


مساء الخير الظفيريه ..

تسلم أيدينج علي النقل الرائع ..

بس الغريب تنسبين هالقصيده لج ..؟

وأهي مو لج لأنها نشرت في مجلة المختلف العدد \151

وصاحبة القصيده شاعره بأسم مستعار آلي أهو .. بنت العطا

وأسم القصيده خذيت حقي منك ..

وأستغرب من الأخوان آلي رادين علي القصيده بدون لايتأكدون من صحتها وأنتمائها آلمنو ..

علي العموم مو عيب إن الأنسان يغلط بس العيب يستمر بالغلط ..

أتمنى يابنت الظفير تصححين صياغة القصيده وتكتبين إلي من تنتمي وتذكرين صاحبتها الأصليه ..

وسمحيلي علي مشاركتي الأوله بتقولين أني أهاجمج بس أنا مارضى بالغلط وأحب أنبه صاحب الغلط ..

تقبلي أحترامي ..

[كحيلان الظفير]

يابو الليد يمكن هي بنت العطا لا تصدر الاحكام لا صرت ثاير تجي الظفيريه ونشوف القصيده لمنو يمكن لها ..

[رمــــ*إنســان*ــــاد]

عزيزي كحيلان .. القصيد مثل الوسام علي صدر راعيه ولازم نحفظه من التحريف أو الأنتساب لغير راعيه الاصلي وخصوصا بالمنتديات لان الكثير يجهل من صاحب القصيده بس يرد ولا يدري شسالفه مجرد كلمات اعجبته ولا يهتم لصاحبها من يكون ..

وبعدين يأخي العزيز أنا لي نك .. وأذا نكي مو عاجبك تقدر تناديني بأسمي .. بندر .. ماله داعي تناديني بيابو اليد ..

هذا منتدى ومنتدى قبيله خلونا انبين لناس الثانيه مدي رفعتنا بالاسلوب علي شان نشدهم للمنتدى ..

وماله داعي بالنزاعات بينا أحنا اعيال قبيله وحده واخرنا البعض ..

وأنا يوم قلت هالقصيده مو لظفيريه ... لانها صج مو لها ومو هي بنت العطا .. لانها لو بنت العطا ماغيرت عنوان القصيده ..

وأنا حبيت أقول هالكلام علي شان افيد من يهتمون لشعر ويحبون يعرفون مصدره الاصلي ..

أتمنى تتريث بقرائه كلامي .. تقبل أحترامي ..

[كحيلان الظفير]

ونعم فيك يابندر او يارماد وترا ابو الليد ماهي مسبه يومك انغثيت منها واذا ناقد على اسلوب احد

ومو انت تجي تعلمني الاسلوب واذا كلامي فيه غلط وكلمه ابو الليد فيها شي مو زين لك حق تشره

ولا يعني نضام اسلوب وجاي تطلع اسلوبك على راسي ..

[الظفيرية]

رمــــ*إنســان*ــــاد



أخي رمــــ*إنســان*ــــاد

أنته صدمتني بصراحه أنا ناشره هالقصيده بالجامعه قبل سنتين تقريبا أوأكثر باسم مستعار واسمي رنيم الآلم
وأنا معروفه بهالاسم .. بهالجريدة ((جريدة الآفاق الجامعيه))


لاحول ولاقوة الابالله سرقة لان السارق لايخاف الله

واستغل اسمي المستعار وسرقها ايضا باسم مستعار..

وأنته حطيتني بموضع السارقه قبل ما تتأكد وحابه اعرف تاريخ هالقصيده اللي ب بالمجله اللي ذكرتها؟؟؟؟؟

[عديم الشوق]

بنت العطا هذي شاعره معروفه وزين يسوون فيج يالشاعره المستعاره ...


وعلى فكرى البنت ماتصلح تصير شاعره الا اذا كانت تعشق من ورا اهلها وتقصد هذا شي ثاني..



الله يستر عليكم ..

[الظفيرية]

بنت العطا هذي شاعره معروفه وزين يسوون فيج يالشاعره المستعاره ...


وعلى فكرى البنت ماتصلح تصير شاعره الا اذا كانت تعشق من ورا اهلها وتقصد هذا شي ثاني..



الله يستر عليكم ..

ليس عليك حرج ..

اونته انسان متخلف شنو علاقة الشعر بالعشق للبنت
ليش ماربط هشي بالرجل من مفهوم الترادف

الشعر مجرد احاسيس الله يسامحك بس

[الأديب]

كحيلان الظفير !!

عديم الشوق !!

عسى ما شر شفيكم ؟؟!!

الكلام أخذ وعطى والواحد لي بغى يحكم لا يستعجل بالحكم لين يتبين الحق !!

عموما أختي الظفيرية أنا آسف وحقج علي .

والكلام موصول للأخ رماد انسان كان من المفروض ان كلامك ما يكون بالعام

وكان المفرض انك تتأكد قبل لا تتكلم أخوي العزيز , عموما لكل جواد كبوه .

[مشاري الشليمي]

يالظفيريه يمكن ان القصيده لج وبنت العطا سطت عليها



لو يمكن انها لبنت العطا وانتي سطيتي عليها


عالعموم اذا كانت لج لا تسكتين عن حقج



وفيه شطر من القصيده مثل النار على العلم بشهرته وهو



ما جاك من سيل الندم كود قطره

[عديم الشوق]

ليس عليك حرج ..

اونته انسان متخلف شنو علاقة الشعر بالعشق للبنت
ليش ماربط هشي بالرجل من مفهوم الترادف

الشعر مجرد احاسيس الله يسامحك بس


فوق شينج قوات عينج..

ومعطينج قلم مميز عشان كتبتي موضوع عن الحزب والشعر المسروق..

كلام فارغ ..

تبين اعطيج خوش موقع شعري اسرقي منه اشعار لما تملين ..

حرامية اخر زمن..

[احمد الروضان]

عينوا خير يالربع

وسعوا صدوركم بارك الله فيكم

بندر : يابن الاجواد مثل هالموضوع لو مرسل للمشرفين احسن

علشان يتصرفون هم مع العضوه افضل حتى تتبين الحقيقه

واذا المشرفين ماتصرفوا لك حق تكتب موضوع عن ذلك

وترى كلمة ابو الليد مثل قولت يابو فلان عندنا يالظفير مابه شى

كحيلان : اشبك شبمبك والعجره جنبك وسع الصدر يالغالى

الظفيريه : يجب عليك بكل ما اؤيتيتى من قوه ان تثبتى بالادله ان القصيده

لج من خلال تاريخ ووقت النشر

و انا اقول ان احقية القصيده وكما هو متعارف عليه فى هذه الحاله

التى امامنا هى : اقدمية نشر القصيده

وهذى طرفه ( حلوه كلمة طرفه ) علشان تهدأ الاعصاب :

( سـودانين ســرقو بـنك تعبوا من عد الفلوس

قـالـو أأأأأي

بـكره نـعرف مـن الـجرايد )

:rotate1:

[الظفيرية]

والله والله والله هالقصيده لي

وانشاء الله اليوم اصوره بسكنر اذا توافر عندي

وتشوفون الدليل

لانها مترخه قبل سنتين

واللي ابمجلة المختلف بعد هالتاريخ بكثير كثير


والله يجازي الله سرقها ويسامحها يارب وانا مو شايله بخاطري على حد كلش

[مشاري الشليمي]

لا يالظفيريه


ارسلي الصفحه اللي فيها القصيده وارسلي بالبريد الى مجلة المختلف ليتبين الصحيح من الكذب وانشاء الله حقك لابد لكي ان تاخذينها

[محمد بن طليحان]

السارق يجب أن تقطع يده

[السؤدد]

سـودانين ســرقو بـنك تعبوا من عد الفلوس

قـالـو أأأأأي

بـكره نـعرف مـن الـجرايد )

أحمد الروضان ( شكراً جزيلاً لك على هذه الطرفه )

[احمد الروضان]

سـودانين ســرقو بـنك تعبوا من عد الفلوس

قـالـو أأأأأي

بـكره نـعرف مـن الـجرايد )

أحمد الروضان ( شكراً جزيلاً لك على هذه الطرفه )

عفوا ايها السؤدد

[شليويح]

ربمـا الأخ الظفيريـه ، نطالب بتذكير الـ ( هاء )

لأن الإستكشافات

أكتشفت بأن الأخ الظفيرية = مع تصميمي بتذكير الـ (هاء )

بـأنه يسعـى إلـى الإشراف بطريقـة غير طبيـعية حتى وإن كـانت بالسرقة والعياذ بالله

ونحن من هنا وإيماناً بما جاء في كتاب الله عز وجل

نـطـالب بقطع أيدي السارق الأخ الظفيريه

أو

تشريفه بكلمة Banned تحت نكه الظفيري ( الطرد يشرف السارق ) .

ومنّا إلى ناصر العصلب و الأديب بسرعة الطرد

شليويح ( بدر الظفيري ) :victory:

[ابن الدعيفس]

اللة يعطيك العافية وتسلم......