فيصل الدويش وكلاوه

[كحيلآن]

يقولك سلمك الله مره من السنين القديمه وكان وقتها ربيع لا يوصف وقلت المعارك بين القبائل

لانها سنة خير وبركه للناس اجمعين ..

وكانت قبيلة الظفير شمال مربعين والعشب والفقع واجد ويخضون من اللبن ومنعمين كانو بالحجره

شمال أحد ديار الظفير وكان محاددهم عنزه ..

المهم جاء فيصل الدويش وربعه من مطير وجو من ورائ السعيره ومشو على حدود الكويت لين

طبو كلاوه ويوم شافوه وشافو الخير اللي بوسطه من عشب وفقع ولامن أحد حوله كانت كلاوه

خاليه لان الظفير في ذالك الوقت منعمين ومربعين بالحجره وتاركين كلاوه لان ربيعه مهو مثل ربيع الحجرة...

المهم ربع الدويش وربعه بكلاوه وقامت الحلال اتفلي بهالعشب والحريم تحلب وتقشد وتخض والرجاجيل

مستامنين ماعليهم من احد ....

ومر على كلاوه صلبي وهو خابرن أن الديره هذي للظفير يوم طب العرب الا اللي به مهو الظفير

اللي به الدويش وناظر يالصلبي بها العشب والخير اللي منعمن بوه الدويش وهو يتوكل على الله

ويشمل صوب الحجره ويم طب الحجره ويصادفوه له ظفيري وينشد الصلبي منين انت جاي

رد الصلبي وقال والله ياعمي جاي من كلاوه قال الظفيري هاه وشلون العشب بكلاوه عساها الارض مربعه

ورد عليه قال والله ياعمي العشب يغطي الشجر والفقع واجد والديره أمفلينبه الدويش ومطير

عصب الظفيري ويمسك الصلبي ويضربوه قال انت صادق ان الدويش بكلاوه

قال والله ياعمي ماجاك غير الصدق وان طلع كلامي كذب قص لساني وتركه انت يالظفيري ورح يم

مجلس ابن سويط يم المضيف..

وكان هاك الوقت على دور الامير / حمود بن نايف السويط

ورحب الشيخ حمود بالظفيري وسئله منين انت جاي

قال جيتك ياطويل العمر من كلاوه وهو يكذب اللي جاء من كلاوه الصلبي مير الظفيري انقهر وضبطلوه سالفه

يبي يحرث اي موضوع نيته يستفز ابن سويط وويقوم يطرد الدويش من كلاوه ....

المهم عقب ماقال الظفيري جيتك من كلاوه ياطويل العمر

رد ابن سويط قال علوم كلاوه قال الظفيري والله ياطويل العمر انا معي وصاه من كلاوه

تقول لازم توصله لحمود بن سويط قال حمود سمعني الوصاه .. قال الظفيري كلاوه تقول ...








فيصل نزل بي وأستراح
يامـن يخبربـي علـي
وحمود هو طير الفلاح
لـزام ياتالـي هـلـي






وعلي المقصود هو علي بن ضويحي فارس الظفير المشهور و كان لايوجد له مثيل فارس لايشق له غبار

ولزام هو لزام اباذراع اخو سلمى فارس مشهور وشيخ ومن ابطال الظفير


ويوم سمع حمود القصيده وهو يشب النار قدام البيت وجت الظفير وتجمعت عند المضيف اسرع من البرق

واجتمعت عند ابن سويط وعلمهم بالقصه وقال لهم يالربع اللي عنده راعي يحرص عليه

واللي عنده ضيف لا يعلمه بشي ..

هذي أشاره من ابن سويط لانه مايبي الخبر ينتشر ويوصل للدويش ثمن يطلع قبل لا يوصلونه

المهم جمع الظفير وغز البيرق وصال بالظفير صولتن وحده بالجمل وماحمل من الحجره الين مانزلوا كلاوه

ويصبح الدويش صباح أقشر ماودك يحضره الصديق

وصارت المعركه والمعت السيوف والقاع ارتوت من الدم واستبسلو فريس الظفير بقوة الاراده لحماية

أرضهم وطالت المعركه الين انهم اكسرو الدويش وربعه ويقولون والله ماسلمو من مطير

الا اللي انحاش من بداية المعركه والا اللي بقى مارد ولا واحد وردو ديرتهم من الدويش

وبعد المعركه قصد احد فريس الظفير ولا اذكر منها الا البيت الاول حين قال







كلاوه يابنت (ن) هنوف
عج الرمك رشوشهـا






والرمك هي الخيل عند الطرد بين الفرسان ,,,,,,,,,,,,,,,,,,,,,,,,,,,,,,,,,,,




وأعذرونــــــــــــي من القصــــــــــور


أخوكم ,,,,
سيف الظفيرفيصل الدويش وكلاوه

[أحمد الرجعـان]

يعطيك العافيه يا الغالي

سيف الظفير والله لا يهينك

ولا هنت يا الغالي

تـحياتي لك

[كحيلآن]

يعافيك يا بوشهاب
ولا انت
تحياتي ،،،

[الضاري]

يعطيك العافيه يالغالي

على هالسالفه الطيبه

[كحيلآن]

يعافيك
ولا هنت على مرورك
تحياتي ،،،

[كحيلان الظفير]

يعطيك العافية ياقلبي على القصص والمواضيع الجميلة واللة لا يحرمنا من قلمك

واقول واللة انت الي تستاهل الاول بالتصويت محد غيرك يستاهل واللة

[فهد الظفيري]

يعطيك العافيه

على ماذكرت

[كحيلآن]

ظفيري كويتي
الله لا يحرمنا من ردودك الجميله
فهد الجمعاني
لا هنت على مرورك يالقرم

[ظفيري بلس]

عندي افاده واتمنى تكون بالصوره

الدويش من كان بكلاوه كان ناوي الظفير

ويوم وصلو مالقو الظفير شافو الارض مربعه وجاهم الصلبي وحصل ماحصل

ويوم المعركه وكانت الغلبه للظفير

قصد احد الظفير واذا ماخانتني الذاكره هم من السويط

لا اذكرها لاكن اذكر شطر منها

يناشدن ٍ عني تراني ناشدٍ عنك

عنك المقصود بها مطير اتمنى من الى يعرف تكملة القصيده يفيدنا.

[كحيلآن]

ظفيري بلس
اشكرك على الافاده
تحياتي ،،،

[ابوعبدالعزيز]

سيف الظفير يعطيك العافية ،، سالفة معروفة ،،وكفو ياذيبان

بس الله يرحم شيبانك غير صورتك ،،انت تسولف عن حرب وضرب ودم ،،
وصورتك ماتمشي مع هالسوالف،،،
تحياتي وقبلاتي سيف الظفير
لاتزعل يا بعد خشمي

[حمد راشد الظفيري]

قال الفارس علي الضويحي عندما سمع ان الدويش يريد ديار الظفير

ياطارشن يم الدويش
قله عن الماء والربيع
ترا الوعد بم الدعم
بسهيلتن نلعب جميع

عندما سمع الدويش هذه القصيده استخار وجلس في ديرته لأنه يعلم ان هذا الفارس ليس عنده الا الفعل..... معلومه بسيطه

[متاابع]

مشكورين عالمجهود الرائع يا شباب


لكن لاذكرناه للناس بيقولون وش مصدرك فهالسالفة


يعني حنا في بعض المنتديات يكتبون معارك بدون توثيق فمايصير ان نكون حنا مثلهم



نريد مصدر مذكروة فيه هالمعركة


ولتطمئن قلوبنا ونحن بانتظاركم

[المنبر الاعلامي]

للرفع